ŊwɑꞋnɛ-Gɑŋntúu Yɛ́su Kɛlístɔ 20:20 - Kɑɑ Fí

²⁰ Kʉ̈ɔ́ lɑ́ yi ḿbɔ́ ɛ́ cẅɛ́lɛ́ wʉ́ʉ lɑ́, ŋ kɑ zíꞋ wʉ́ʉ. Ŋ kɑ nɑ́ŋ nǔu ZʉꞋ-mɛcúꞋlɛ ńzíꞋ wʉ́ʉ nɛ́ yúu, ŋ́kúu tsɛt mɛndɑ́ mʉ́ʉ ńzíꞋ wʉ́ʉ nɛ́ yúu, ńdɛꞋlɛ nu-Sɛ́ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 20:20 ပူးပေါင်းရင်းမြစ်များ

Mɑ́lɛ́kúshi 4:34

A ŋ́kɑɑ pɔ́ ɛ́sẅíi wɔ́p nɛ́ nu kɛ́ lɔk pɔ́ sɑknɛkɛt pɔ́, ḿbɔ́ ŋkɑ́ yi pɔ́p ɡɑŋku pɛ́ tsʉ́Ꞌnɛ ḿbɔ́, ɑ ŋ́kyɛ́Ꞌtɛ ɛ́sẅíi wɔ́p pɑꞋ ɛ́ lɔknɛ ńcú.

ŊwɑꞋnɛ-Gɑŋntúu Yɛ́su Kɛlístɔ 2:46

Ɛ́ kɑ pɔ́ ŋɡɔŋ lɛ́Ꞌ tsʉʉ, nɛlɛɛmɛ wɔp pɔ́ ŋɡɔ pɔ́p cúꞋlɛ ZʉꞋ-nɔŋpɔꞋ. Pɔ́p kúu mɛndɑ́ ḿbɔ́tnɛ ŋ́kwɛ́t yúu, ńjʉ́ yúupɛjʉ́ pɔ nɛ́ tsɑ́ɑtɛ. Mbɑ wɔ̌lɑ́ ɡẅɛɛ pɔ tʉ́m sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 20:27

Ɛ́ zɛɛ ŋ́ɡɔ ḿbɔ́, mbɔ ŋ kɑ sẅíi wʉ́ʉ nɛ́ mbɑ kʉ̈ɔ́ lɑ́ yi Sɛ́ kɑ zɑ́pnɛ nɛɡɛ. Tɛ mɔ yɛcɔ́ yúu kɑ́ lʉɔ.

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

ŊwɑꞋnɛ-Gɑŋntúu Yɛ́su Kɛlístɔ 5:2

ŋ́kwɑŋɛ, ńzɑ́Ꞌ yɛcɔ́ ɡúŋ-ŋkɑ́p ńdẅɛꞋ, ŋ́ɡʉ ńnɔŋ pfuꞋ mɛku-ɡɑŋntúu-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 5:42

Pɔ́p ɡʉ pɔ́Ꞌɔ, ḿbɔ́ lɛ́Ꞌ tsʉʉ tsɛt ZʉꞋ-nɔŋpɔꞋ, mbɑ tsɛt mɛndɑ́ mɛndɑ́, ḿbɔ́ ńzíꞋ pʉɔ nɛ́ yúu, ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ, ńcú ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ.

1 Kɔlɛ̂ŋtɛ 12:7

Pɔ́Ꞌɔ lɑ́, Zẅikŋɛ Lɛ́ɛnɛ́nɛ lɔk pɔ́fɑꞋ ŋ́ɡɑ́ fuꞋ níinɛ mbɑ wɛ́tɛ́ ŋu lɑ́, ńdɔk pɔ́Ꞌɔ, ńnyɛt ŋɡɔ ɛ́ nǔu ŋɡɑŋ. Yîyɑ́ pɔ́fɑꞋ pɔ́ pɔ nɛlɔk ńcẅɛ́lɛ pʉɔ tsʉʉ.

1 Kɔlɛ̂ŋtɛ 14:6

Pɔ́ɔpɛ́mɑ́ pɑ́ɑ, pɛkŋɛ cú ŋɡɔ m bɔ́ ńtɔ́ tɛ ŋ́kúu tsɛtsɛt pʉʉ, ńtsʉ́Ꞌ nɛcú nu mbɔ̌ pʉʉ, ńdɔk sẅiŋɛ yi pʉʉ kɑ́ pɔ́ ńjí pɔ́, mbɔ ɛ́ ɡʉ ńcẅɛ́lɛ́ wʉ́ʉ ŋɡɔ́ku? Mɔ nɛcẅɛ́lɛ wʉ́ʉ, ɑ pʉʉ nɛfú nǔu yúu mi n cúnɛ ńjí yúu mi Sɛ́ nyɛtnɛ wɑ́ɑ ɛ́ pɔ́ yɛ lʉɔmɛ́nɛ, mɔ ŋ́ɡɛ pʉʉ jínu nɛ́nẅín nǔu yɛcɔ́ nu. Pʉʉ pɛn ńdúꞋnɛ wɑ́ɑ, ńzúꞋ yɛcɔ́ Ŋkʉʉ ẅí ɛ́ fúnɛ mbɔ̌ Sɛ́. Mɔ fú nǔu nu yi n cúnɛ, ńzíꞋ wʉ́ʉ nɛ́ yɛcɔ́ nu.

1 Kɔlɛ̂ŋtɛ 15:3

N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

Filipɛ 3:1

Ɛ́ nǔu ŋkɔ̂ɔnɛ, mbɑ̌ɑ pɔ́ɔpɛ́mɑ́ pɑ́ɑ, pʉʉ tsɑ́ɑtɛ tsɑ́ɑtɛ́nɛ ntɛ́ Tsɑpʉɔ. Ɛ́ lɑɑ ḿbɔ́ m bɔɔ kɑ́ɑ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nɛlɔk ŋ́kẅíitɛ wʉ́ʉ nɛ́ yúu mi ŋ kɑ zɛɛnɛ ńcú mbɔ̌ pʉʉ pɔ́. Ɛ́ ɡʉ ḿbyɛ́p wʉ́ʉ nɛvu nǔu ɡwɑk.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

2 Timɔtɛ́ɛ 4:2

«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.