ŊwɑꞋnɛ-Gɑŋntúu Yɛ́su Kɛlístɔ 17:31 - Kɑɑ Fí

³¹ Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 17:31 ပူးပေါင်းရင်းမြစ်များ

Mɑtʉ̈ɔ 10:15

Mɔ ɛ́sẅíi wʉ́ʉ, kwɑꞋ nɛ́nẅín, lɛ́Ꞌ yi Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛtsɑŋ-pʉɔmɛsɔŋ, ŋɡʉ̈ɔ́Ꞌ-pîpɑ́ pʉɔ zɑ́ɑ ńtsɑ yɛ́ pʉɔ-Sɔdɔ́m pɔ́p yɛ́ pʉɔ-Ŋɡɔmɔ̂ɔ.

Mɑtʉ̈ɔ 24:14

Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.

Lúkɑ́shi 22:22

Ɛ́ nu ŋɡɔ Mɔ́ɔ-Ŋu ɡʉ ḿpfú pɑꞋ Sɛ́ kɑ lɑ́Ꞌnɛ ńzɑ́p, lɑ́ ndɔ́ɔ tú ŋu ẅí ɑ ɡʉ ńcɑklɛ wɛ́ ŋ́ɡɑ́ pɛ́ jẅí wɛ́.

Jɑ̂ŋ 12:48

Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

Jɑ̂ŋ 16:10

Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu ndʉ́ŋndʉŋ, mbíꞋŋɡɔ mɔ sɛ́ ḿbɛn nɛ́ nɛjɔ́ŋ Tɑ̌ɑ mɔ, pʉʉ pɔɔ pɛn ńjʉ́ɔ wɑ́ɑ pɔ́.

Jɑ̂ŋ 5:27

A kɑ pɛn ŋ́ɡɑ́ wɛ́ nɛ́ mɛtʉʉ nɛlɔk ńzɑ́Ꞌ mɛtsɑŋ-pʉɔmɛsɔŋ, mbíꞋŋɡɔ jʉ́ pɔ́nɛ Mɔ́ɔ-Ŋu.

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:32

Pɑŋɡɛlɛ́k pɔ́ tɛ ńzúꞋ pɑ́Ꞌ Pɔ̂l cúnɛ ŋɡɔ ŋu kɑ zẅíimɛ nǔu nɛvú, pɛcɔ́ pʉɔ pɔ́p pɔ́ ńzɔɔtɛ wɛ́, pɛcɔ́ cú nɛ́ jʉ́ ŋɡɔ: «Pɛk ɡʉ ńdɑ́Ꞌ yɛcɔ́ lɛ́Ꞌ lɑ́ ḿbɛn zẅíꞋlɛ nu yi ɔ cúnɛ lɑ́!»

ŊwɑꞋnɛ-Gɑŋntúu Yɛ́su Kɛlístɔ 17:6

ŋ́kúu zúꞋu, ḿbɔɔ wɔ́p jʉ́ɔ, ŋ́ɡẅɛɛ Jɑ́sɔŋ pɔ́p pɛcɔ́ pɔ́ɔpɛ́mɑ́ ńdɔk wɔ́p ŋ́ɡʉ tɛ ŋ́kúu mbi pɑsɑ́Ꞌlɑ́Ꞌ, pɑyúdɑ lɔk ŋɡi tɛnnɛ ńcú ŋɡɔ: «Pʉɔ pɔnɛ mɑꞋ vɑꞋ zʉꞋ tsʉʉ. Ɛ́ pʉ́ɔlɑ́ pɔ́p lɔknɛ ńtɔ́ tɛ ŋ́kúu zɑꞋnɛ lɑɑ!

ŊwɑꞋnɛ-Gɑŋntúu Yɛ́su Kɛlístɔ 2:32

Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.

ŊwɑꞋnɛ-Gɑŋntúu Yɛ́su Kɛlístɔ 4:10

Pʉʉ pɛtsʉʉ tɛ mbɑ pɑíslɑyɛ̂l tɛ ḿmɛ, ɛ́ ŋ́kɛ́ ḿbɔ́ ḿbíkŋɛ ŋɡɔ pʉʉ jí tɑ́Ꞌ nu. Yîyɑ́ nu pɔ́ ŋɡɔ pɛk kɑ lɔk pɔ lík-Yɛ́su Kɛlístɔ mɔ́ɔ-Nɑ̌zɑlɛt lɑ ŋ́ɡɛ ŋu wɔ fíitɛ pɑ́Ꞌ pʉʉ jʉ́ɔnɛ lɑɑ. A Yɛ́su Kɛlístɔ wɑ́ ẅi pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

Pʉɔ-Lɔ́mɑ 2:5

Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

2 Kɔlɛ̂ŋtɛ 5:10

mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.

2 Timɔtɛ́ɛ 4:1

N tʉ́ʉ mbi Sɛ́ mbɑ mbi Yɛ́su Kɛlístɔ wi ɑ tsʉ́Ꞌ ńtɔ́ tɔ́nɛ nɛzɑ́Ꞌ ntsɑŋ yɔ́p pʉɔ ntʉʉ mbɑ yɔ́p pɛpfú, ɛ́fú nǔu pɑ́Ꞌ ɑ ɡʉ ŋ́ɡɛ ńtɔ́ ńnɔŋ nɛfɔɔ nɛ́, n tʉ́ʉ mbi pɔ́p ńcú mbɔ̌ ɡu ŋɡɔ:

Ɛ́bɛlʉʉ 6:2

pɑ́Ꞌ nɛzíꞋ nu nǔu nɛcẅɛ́ɛ ŋki, pɑ́Ꞌ nɛzíꞋ nu nǔu nɛzɑ́p mbɔ́ tú-pʉɔ, pɑ́Ꞌ nɛzíꞋ nu nǔu nɛzẅíimɛ nǔu nɛvú mbɑ nǔu pɑ́Ꞌ Sɛ́ ɡʉ ńdɑ́Ꞌ ŋ́ŋɑk mɛtsɑŋ ńdɔk ńdẅiklɛ.

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.