ŊwɑꞋnɛ-Gɑŋntúu Yɛ́su Kɛlístɔ 17:28 - Kɑɑ Fí

²⁸ Pɛ́ zɛɛ ńcú ŋɡɔ: “Pɛkŋɛ lɔk pɔ wɛ́ lɑ́ ḿbɔ́ ɡú. Jʉ́ ɡɛnɛ pɛkŋɛ ŋɑtnɛ. Jʉ́ ɡɛnɛ pɛkŋɛ pɔ́ ɡú.” Mbɑ pɛcɔ́ pɑsɑknɛkɛt pʉ́ʉ kɑ pɛn ńcú ŋɡɔ: “Pɛkŋɛ zɛɛ ḿbɔ́ pɔ pʉɔ nǔu njẅɛt yɛ́.”

ŊwɑꞋnɛ-Gɑŋntúu Yɛ́su Kɛlístɔ 17:28 ပူးပေါင်းရင်းမြစ်များ

Lúkɑ́shi 20:38

Yɛ́su pɛn ńcú ŋɡɔ, Sɛ́ kɑ́ pɔ́ Sɛ́-pɛpfú pʉɔ pɔ́, A Sɛ́-pʉɔ ntʉʉ. MbíꞋŋɡɔ ɛ́ ɡʉ mbɔ̌ Sɛ́, mbɔ pʉɔ pɛtsʉʉ ntʉʉ.»

Lúkɑ́shi 3:38

Kɑynɑm pɔ́ mɔ́ɔ-Ɛ́nɔs. Ɛnɔs pɔ́ mɔ́ɔ-Sɛt. Sɛt pɔ́ mɔ́ɔ-Ádɑm. Ádɑm pɔ́ ẅi Sɛ́ kɑ pɔ́ɔnɛ́ wɛ́.

Jɑ̂ŋ 11:25

Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Kɔlɔsíyɛ̂ŋ 1:17

Ndǔmbí kɑ pɛ́t pɔ kɛ́ pɔ́ ɡú, Kɛlístɔ pɔ́ pɔ ɡú, kʉ̈ɔ́ lɑ́ pɛn ńdɛɛtɛ pɔ nǔu wɛ́ lɑ ḿbɔ́ ɡú.

Tîtɛ 1:12

KwɑꞋ wɛcɔ́ ŋu-ŋɡɔŋ-Kɛlɛ̂t ẅí ɑ mbɔ̌ pɔ́p ḿbɔ́ pɑ́Ꞌ ŋɡɛ́mndʉ̈ɔ́Ꞌ, ɑ kɑ cú ŋɡɔ: «Pʉɔ-Kɛlɛ̂t pɔ́ pɔ ɡɑŋcɔtnu, ḿbɔ́ pɔ pɛpɑ́lɛ́ mɛnɑɑ, ḿbɔ́ pɔ pɛlɔ́ŋ, yɔ́p nu pɔ́ pɔ yúu mi ɛ́ ɡʉ ŋ́kúu nɛpɛm pɔ́p.»

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 12:9

Pɑ́Ꞌ pɛtɑ́t pɛkŋɛ pɛ́ ndǔ tsɛ́tsɑ́Ꞌ kɑ pɔ́ ŋ́kɑkŋɛ wɛkŋɛ, pɛkŋɛ zúꞋ ntsu wɔ́p lɑ́, tɛ ŋkɑ́ yɛsʉ́Ꞌ pɑ́Ꞌ pɛkŋɛ ɡʉ ńnɔɔ sɛ́ mbi Tɑ́t wɛkŋɛ ẅi ɑ tʉ́nɛ́pú, ɑ ɡɑ́ luk zúꞋu mbɔ̌ pɛkŋɛ?

Ɛ́bɛlʉʉ 2:11

Yɛ́su ẅí ɑ zɛɛnɛ ŋ́ɡɛ pʉɔ kuꞋ pʉɔ-Sɛ́ mbɑ pʉɔ pi ɑ ɡɛ mɔ́ pɔ́p kuꞋ, pɔ́p pɛpɔ́p tɛmtɛ ḿbɔ́ pɔ pʉɔ tɑ́Ꞌ ŋu. Ɛ́ yúu mi ɛ́ ɡɛnɛ sʉ́ʉ pɔɔ kɔ́ wɛ́ nɛfúŋ wɔ́p ŋɡɔ pɔ́ɔpɛ́mɑ́ pɛ́ pɔ́.