ŊwɑꞋnɛ-Gɑŋntúu Yɛ́su Kɛlístɔ 17:20 - Kɑɑ Fí

²⁰ Mɛnu mi ɔ sẅíinɛ wɛ́k sɛ́ ŋ́kʉꞋnɛ wɛ́k kʉꞋnɛ́nɛ. Pɛk sɛ́ ŋ́kɔŋ nɛtsuŋ ńjí pɑ́Ꞌ ɔ lɔknɛ ńcú.»

ŊwɑꞋnɛ-Gɑŋntúu Yɛ́su Kɛlístɔ 17:20 ပူးပေါင်းရင်းမြစ်များ

Mɑ́lɛ́kúshi 9:10

Pɔ́p pɛ́m pɑꞋ ɑ cúnɛ pɔ́Ꞌɔ, ŋ́kɛ́ ḿbɔ́ ḿbíkŋɛ tsɛtsɛt pɔ́p pɔ ŋɡɔ: «A cú ŋɡɔ ńzẅíimɛ nǔu nɛvú, ńzẅíimɛ nǔu nɛvú ńdɔk ńcú ŋɡɔ kʉ̈ɔ́?»

Jɑ̂ŋ 6:60

Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»

ŊwɑꞋnɛ-Gɑŋntúu Yɛ́su Kɛlístɔ 10:17

Pyɛ̂ tsʉ́Ꞌ ŋ́kwɑŋɛ ɛ́ tsɑ wɛ́. A pɔ́ ḿbíkŋɛ ŋɡɔ: «Yúu mi ɛ fúnɛ nɛjʉ́ɔ, ɛ́ pɑ́Ꞌɑ ńdɔk ńcú ŋɡɔ kʉ̈ɔ́?» Ɛ́ ɡɔ́ ḿbɔ́, mbɔ pʉɔ pinɛ Kɔ̂lnɛ́ɛ lɑ́Ꞌnɛ ńtúu wɔ́p, pɔ́ ŋ́kɑ́t ḿbíkŋɛ ŋɡɔ: «ndɑ́-Simɔ̂ŋ ɡɔ́?» Lɑ́ ḿbɔ́ ŋkɑ́ ɛ̂yɑ́ ńtsʉ́Ꞌ ḿbɔ́ pɔ ntsundɑ́,

ŊwɑꞋnɛ-Gɑŋntúu Yɛ́su Kɛlístɔ 17:19

Pɔ́p lɔk Pɔ̂l ŋ́ɡʉ mbi Ayɛlɔpɑɑjɛ, ɛ́ pɔ́ cúꞋlɛ-pɑzɑ́Ꞌntsɑŋ tʉ́sɔŋ, ŋ́kúu zúꞋu, ḿbíkŋɛ wɛ́ ŋɡɔ: «Ɛ́ lɑɑ ḿbɔ́ pɛk jí yɛ́k nu fí ɛ̂yɑ́ yi ɔ zíꞋnɛ pʉɔ lɑ́?

ŊwɑꞋnɛ-Gɑŋntúu Yɛ́su Kɛlístɔ 17:21

Ɛ́ kɑ ɡɔ́ ḿbɔ́ pɔ́Ꞌɔ, mbíꞌŋɡɔ pʉɔ pi pɔ́p tʉ́sɔŋ-Atɛ̂n mbɑ pʉɔ pi pɔ́p fúnɛ túu ńtɔ́ ńtswɛ́ zúꞋu, kɑ pɔ́ ŋkɑ́ tsʉʉ ńjúk yɔ́p pɔ nɛzúꞋ ḿbɛn ńcú mɛnu fí mi ɛ́ pɛ́t lɑ́ ńcẅɛt.

ŊwɑꞋnɛ-Gɑŋntúu Yɛ́su Kɛlístɔ 2:12

Ɛ́ puu ŋ́kʉꞋnɛ wɔ́p tɛꞋ. Pɔ́p kwɑŋɛ ḿbɛ́t kɛ́ mɛkŋɛ, ńtsʉ́Ꞌ shɔtnɛ ḿbíkŋɛ tsɛtsɛt pɔ́p pɔ ŋɡɔ: «Yɔ nu lɔk ńcú ŋɡɔ kʉ̈ɔ́?»

1 Kɔlɛ̂ŋtɛ 1:18

Pɛ́ zɛɛ ńcú nu nǔu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ɛ́ pɔ́ mbɔ̌ pʉɔ pi pɔ́p nǔu sɛ̂ndúŋ nɛpɛ́ ḿbɔ́ pɔ nu-pɛpɑ́lɛ́, lɑ́ ŋ́kɛ́ ŋ́ɡʉ nǔu pɛkŋɛ pi pɛkŋɛ nǔu sɛ̂ndúŋ-luk, yîyɑ́ nu pɔ́ mbɔ̌ pɛkŋɛ ńdɔk ńdɛꞋlɛ pɔ mɛtʉʉ-Sɛ́.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.

Ɛ́bɛlʉʉ 5:11

Ɛ́ ɡʉ nǔu nu-Mɛlkisɛdɛk, mbɔ pɛk ɡẅɛɛ mɛnu mi pɛk ɡʉ ńcú nǔu tɛ ɛ́ zɑ́ɑ zɑ́ɑnɛ, nɛkyɛ́tɛ́ mîmɑ́ mɛnu mbɔ̌ pʉʉ tɛn tɛꞋ, mbíꞋŋɡɔ pɛ́ kɑ́ cú nu pʉʉ fɛ́Ꞌnɛ ńzúꞋ yúu mi pɛ́ lɔknɛ ńcú pɔ́.

1 Pyɛ̂ 4:4

Ɛ́ pɛn ḿbɔ́ nǔu ŋkɔ̂ɔnɛ pɑkɛ́jí Sɛ́ tsʉ́Ꞌ ńjʉ́ɔ yʉʉ ntɛ́ ḿmɑɑ mɑɑnɛ, mbíꞋŋɡɔ pʉʉ pɛ́pɔ́p kɑ́ pɛ́t ńtɛmtɛ ku ńnɛn nɛɡɛ mɛnu mi pɔ́p ɡɛnɛ ɛ́ pɔ́ pɔ mɛnu sʉ́ʉ pɔ́. Pɔ́p kɛ ńtsʉ́Ꞌ ńzɔɔtɛ wʉ́ʉ zɔɔtɛnɛ.