ŊwɑꞋnɛ-Gɑŋntúu Yɛ́su Kɛlístɔ 17:19 - Kɑɑ Fí

¹⁹ Pɔ́p lɔk Pɔ̂l ŋ́ɡʉ mbi Ayɛlɔpɑɑjɛ, ɛ́ pɔ́ cúꞋlɛ-pɑzɑ́Ꞌntsɑŋ tʉ́sɔŋ, ŋ́kúu zúꞋu, ḿbíkŋɛ wɛ́ ŋɡɔ: «Ɛ́ lɑɑ ḿbɔ́ pɛk jí yɛ́k nu fí ɛ̂yɑ́ yi ɔ zíꞋnɛ pʉɔ lɑ́?

ŊwɑꞋnɛ-Gɑŋntúu Yɛ́su Kɛlístɔ 17:19 ပူးပေါင်းရင်းမြစ်များ

Mɑtʉ̈ɔ 10:18

Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛŋɡɔ́mnɑɑ pɔ́p pɛfɔɔ mɛlɑ́Ꞌ wɑ́ɑ. Pʉʉ lɔk ŋ́ɡẅɛɛ shʉ́ nɛlɔk ɛ́sẅíi wɔ́p mbɑ pɑkɛ́jí Sɛ́, ŋu ẅí mɔ jʉ́.

Mɑ́lɛ́kúshi 1:27

Ɛ́ kʉꞋnɛ lɑ́Ꞌ tsʉʉ, tɛ lɛ́m yɔ́p sɑ́ɑnɛ, pɔ́p píkŋɛ tsɛtsɛt pɔ́p ŋɡɔ: «Tɛ yɔ nu ŋɡɔ́ku? A pɔ́ ɛ́sɑ́Ꞌ Ŋkʉʉ Sʉ́Ꞌnɛ tɛ ńcʉ̈ɔ́k mɛzẅikŋɛ kɛpɔŋ, pɔ́p zúꞋ ntsu wɛ́.» Ɛ́ pɑꞋɑ ḿbɔ́ pɔ yɛcɔ́ nu fí kɛkʉ̈ɔ́? A sɛ́ ńzíꞋ pʉɔ pɑꞋ ŋu Sɛ́ túunɛ.

Jɑ̂ŋ 13:34

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.

ŊwɑꞋnɛ-Gɑŋntúu Yɛ́su Kɛlístɔ 17:20

Mɛnu mi ɔ sẅíinɛ wɛ́k sɛ́ ŋ́kʉꞋnɛ wɛ́k kʉꞋnɛ́nɛ. Pɛk sɛ́ ŋ́kɔŋ nɛtsuŋ ńjí pɑ́Ꞌ ɔ lɔknɛ ńcú.»

ŊwɑꞋnɛ-Gɑŋntúu Yɛ́su Kɛlístɔ 17:22

Pɔ̂l ɡɔ́ɔ ŋ́kɛ́ ńdɔ sɛ́ ńtʉ́ʉ tsɛtsɛt cúꞋlɛ-pɑsɑ́Ꞌ tʉ́sɔŋ ńcú ŋɡɔ: «Pʉɔ-Atɛ̂n, n jʉ́ɔ pʉʉ tʉ́ʉ nǔu mbɑ kʉ̈ɔ́ lɑ́, ḿbɔ́ pʉɔ ńníꞋ tú nǔu nu-Sɛ́ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:34

Lɑ́ pɛcɔ́ ntɑ́Ꞌpʉɔ kɛ́ ńcʉ́ɔ nzʉʉ yɛ́, ńtsʉ́Ꞌ pʉɔ-Kɛlístɔ. Ɛ́ ɡʉ tsɛtsɛt pɔ́p, pɛ́ jʉ́ɔ Ndɛ́nîs ẅí ɑ ḿbɔ́nɛ tsɛtsɛt pɑzɑ́Ꞌntsɑŋ Ayɛlɔpɑɑjɛ ɛ̂wɑ́, ńjʉ́ɔ wɛcɔ́ mɑŋɡɛ́ ẅi pɛ́ fúŋnɛ wɛ́ ŋɡɔ Ndɑmɑlís ŋ́ɡɛ mbɑ pɛcɔ́ pʉɔ.

ŊwɑꞋnɛ-Gɑŋntúu Yɛ́su Kɛlístɔ 23:19

Tɑ́tndɑ́-pɛtɑ́tndɑ́-ntsɔ ɡẅɛɛ pɔ́ mɔ́ɔsuu pɔ́pmɛ́ ɡʉ nzʉʉ. A píkŋɛ wɛ́ ŋɡɔ: «Ɔ ɡẅɛɛ kʉ̈ɔ́ yi ɔ ɡʉ nɛsẅíi wɑ́ɑ?»

ŊwɑꞋnɛ-Gɑŋntúu Yɛ́su Kɛlístɔ 24:24

Ɛ́ lɛɛ mɛcɔ́ mɛlɛ́Ꞌ, ŋɡɔmnɑɑ Fɛlɛshi pɔ́p nzwɛ́ wɛ Ndɛlẅisil ẅi ɑ mɔ́ɔ-Yúdɑ tɔ́. Ŋɡɔ́mnɑɑ cú pɛ́ ɡʉ ńdɔɔ Pɔ̂l ŋ́ɡɑ́ mbɔ̌ wɛ́, pɑ́Ꞌ ɑ ɡʉ ńzẅíꞋlɛ nu yi Pɔ̂l ɡʉ ɛ́sẅíi wɛ́ nǔu nɛzɑ́p tʉ́m nǔu Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 25:22

Fɔɔ Aŋɡɛlípɑ zúꞋ tɛ ńcú mbɔ̌ Fɛstus ŋɡɔ: «KwɑꞋ mɔ yɑ́ɑ, mɔ sɛ́ ŋ́kɔŋ nɛzúꞋ nu yi ɛ́ ɡʉ ńcẅɛt ntsu-ŋu ɛ̂wɑ́.» Fɛstus tsɔ́Ꞌ mbɔ̌ wɛ́ ŋɡɔ: «Ɔ ɡʉ ŋ́ɡɛ ńzúꞋ nu ntsu wɛ́ zɔ́n.»

ŊwɑꞋnɛ-Gɑŋntúu Yɛ́su Kɛlístɔ 26:1

Fɔɔ Aŋɡɛlípɑ cú mbɔ̌ Pɔ̂l ŋɡɔ: «Mɔ ŋ́ɡɑ́ sẅiŋɛ mbɔ̌ ɡu pɑ́Ꞌ ɔ ɡʉ ḿbɛ́ɛtɛ ntsu wú nǔu mɛnu mi pɛ́ fɛnnɛ wú nǔu n zúꞋ.» Pɔ̂l mɑꞋ mbɔ́, ńzɛ nɛpɛ́ɛtɛ ntsu wɛ́, ńcú ŋɡɔ: