ŊwɑꞋnɛ-Gɑŋntúu Yɛ́su Kɛlístɔ 16:3 - Kɑɑ Fí

³ Pɔ̂l pɔ́ ŋ́kɔŋ ŋɡɔ pɔ́p Timɔtɛ̂ɛ tɛ́m ku, ńzɛɛ ḿbiitɛ ŋ́ɡɛ pɛ́ púꞋ wɛ́, ńjí ŋɡɔ pɑyúdɑ ɡʉ ḿbɛ́m wɛ́, mbíꞋŋɡɔ pɑyúdɑ pi pɔ́p nǔu yîyɑ́ pɑk-ŋɡɔŋ kɑ pɔ́ ńjí ŋɡɔ tɑ̌ɑ pɛ́ Timɔtɛ̂ɛ kɑ pɔ́ ŋu-Ŋɡɛlɛk

ŊwɑꞋnɛ-Gɑŋntúu Yɛ́su Kɛlístɔ 16:3 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 15:20

Lɑ́, ɛ́ pɔŋ ŋɡɔ pɛkŋɛ ŋwɑꞋnɛ pɔ ndɑꞋ ŋwɑꞋnɛ ńdɔk ńcú mbɔ̌ pɔ́p ŋɡɔ: Pɔ́p pɑ́ɑ nɛkwɛ́t pfuꞋ-mbɑp yi pɛ́ lɔknɛ ńnɔŋ pɔꞋ. Ŋɡɔ pɔ́p pɑ́ɑ nɛkwɛ́t mbɑp-nɑɑ ẅí pɛ́ fɛ́mɛ wɛ́ fɛ́mɛ́nɛ. Ŋɡɔ pɔ́p pɑ́ɑ mbɑ nɛkwɛ́t mɛci nɛ́ɛnɛ. Ŋɡɔ pɔ́p pɑ́ɑ nɛcẅɛꞋnɛ mbɑ wɔ̌ lɑ́ pɔ́p pɛ́pɔ́p nɔɔ nɔɔnɛ.

ŊwɑꞋnɛ-Gɑŋntúu Yɛ́su Kɛlístɔ 15:37

Ŋ́ɡɔ́ ḿbɔ́ mbɔ Pɑnɛpɑ́ɑshi ḿbɔ́ ŋ́kɔŋ ŋɡɔ pɔ́pmɛ lɔk Jɑ̂ŋ ẅí pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi lɑ́ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 15:40

Pɔ̂l tsʉ́Ꞌ ńtsɔ́Ꞌ yɛ́ Sílɑs, pɔ́pmɛ ɡɔ́ ŋ́ɡʉ, pɔ́ɔpɛ́mɑ́ fɛ́ɛ wɔ́p mbɔ̌ Tsɑpʉɔ ŋɡɔ ɑ cẅɛ́lɛ́ wɔ́p.

1 Kɔlɛ̂ŋtɛ 7:19

Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.

1 Kɔlɛ̂ŋtɛ 9:20

Mɔ ŋkɑ́ yi mɔ sɛ́ ɛ́fɑꞋ tsɛtsɛt pɑyúdɑ, n nɑ́ŋ pɑ́Ꞌ ŋu-Yúdɑ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pɑyúdɑ tsʉ́Ꞌ pʉɔ-Kɛlístɔ. Ḿbɔ́ ŋkɑ́ yi mɔ tsɛtsɛt pʉɔ pi nɛpʉ́ʉ-Mɔ̌sɛ̂ɛ sɛ́ ɛ́sɑ́Ꞌ wɔ́p, n nɑ́ŋ pɑ́Ꞌ ŋu ẅí nɛpʉ́ʉ sɛ́ ɛ́sɑ́Ꞌ wɛ́ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ pi nɛpʉ́ʉ sɛ́ ɛ́sɑ́Ꞌ wɔ́p tsʉ́Ꞌ pʉɔ-Kɛlístɔ, ńnɑ́ŋ pɔ́Ꞌɔ, lɑ́ nɛpʉ́ʉ-Mɔ̌sɛ̂ɛ kɛ́ mbɔɔ ɛ́sɑ́Ꞌ wɑ́ɑ pɔ́.

Ŋɡɑlɑ̂t 2:3

Titɛus ẅí pɛknɛ kɑ pɔ́nɛ kɑ pɔ́ ŋu-Ŋɡɛlɛk, lɑ́ tɛ mbɑ pɔ́Ꞌɔ, pɔ́p kɛ́ ḿbɔɔ ɛ́fyɛ́t wɛ́ ŋɡɔ ɑ pɛ́m pɛ́ púꞋ wɛ́ lɑ ɑ pɔ́ ŋu-Sɛ́ pɔ́.

Ŋɡɑlɑ̂t 2:8

Ɛ́ lɔk ḿbɔ́ ŋɡɔ Sɛ́ ẅí ɑ kɑ zɛɛnɛ ŋ́ɡɑ́ mɛtʉʉ mbɔ̌ Pyɛ̂, ńtúu wɛ́ mbɔ̌ pɑyúdɑ, jʉ́ kɑ pɛnnɛ ŋ́ɡɑ́ mɛtʉʉ mbɔ̌ mɔ, ńtúu wɑ́ɑ mbɔ̌ pʉɔ pí pɔ́p kɑ́ pɔ́ pɑyúdɑ pɔ́.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Filipɛ 2:22

Lɑ́ ŋ́ɡʉ nǔu Timɔtɛ̂ɛ, mbɔ pʉʉ jí ŋɡɔ ɑ ɡẅɛɛ mɑt sʉ́Ꞌnɛ. Pɛknɛ́ kɑ tɛmtɛ ńcẅi Ŋkʉʉ sʉ́Ꞌnɛ mbɔ̌ lɑ́Ꞌ. A tsuŋ ńcẅɛ́lɛ wɑ́ɑ ndʉ́ŋndʉŋ pɑ́Ꞌ mɔ́ɔ sʉ́Ꞌnɛ cẅɛ́lɛ́nɛ tɑ́t wɛ lɑ́.