ŊwɑꞋnɛ-Gɑŋntúu Yɛ́su Kɛlístɔ 16:23 - Kɑɑ Fí

²³ Pɛ́ tswɑ́ɑ wɔ́p kwɑꞋ sʉ́Ꞌnɛ, ŋ́ɡʉ ḿmɑꞋ wɔ́p ndɑ́tsɑ́ŋ, ńcú mbɔ̌ mbyɛ́p ndɑ́tsɑ́ŋ ŋɡɔ ɑ niitɛ ḿbyɛ́p wɔ́p kwɑꞋ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 16:23 ပူးပေါင်းရင်းမြစ်များ

Mɑtʉ̈ɔ 26:48

Ɛ́ ɡɔ́ ḿbɔ́, mbɔ Jẅidɑ kɑ sẅíi wɔ́p pɑ́Ꞌ ɑ ɡʉ ŋ́ɡɛ lɑ pɔ́p lii Yɛ́su, yîyɑ́ lii pɔ́ ŋɡɔ ɑ lɑɑ ńcɛꞋlɛ ŋu, ḿmɑ́ɑ wɛ́ pɔ́p jí ŋɡɔ ɑ jʉ́ ŋ́ɡɔ́ɔ ŋ́ɡẅɛɛ wɛ́.

Lúkɑ́shi 21:12

Mɔnɛ mɛnu ɡʉ ńzɛɛ ńdɑ́Ꞌ ŋ́ɡɔ ńtɔ́, pʉʉ piitɛ ńjʉ́ɔ pɛ́ ɡẅɛɛ wʉ́ʉ, ńnyɛt wʉ́ʉ nɛ ŋɡʉ̈ɔ́Ꞌ, ɛ́fɛn wʉ́ʉ, pɛ́ ŋɑk wʉ́ʉ mɛndɑ́-cúꞋlɛ-Pɑyúdɑ, ńníꞋ wʉ́ʉ tsɑ́ŋ. Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛfɔɔ pɔ́p pɛŋɡɔ́mnɑɑ, mbíꞋŋɡɔ pʉʉ zúꞋ ntsu wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 12:18

Njí ɡɛ ŋ́kiɛ, pɑlʉ̈ɔ́Ꞌntsɔ pɔɔ Pyɛ̂ jʉ́ɔ, zʉꞋ nʉꞋnɛ tsɛtsɛt pɔ́p. Pɔ́p pɔɔ jí yúu mi Pyɛ̂ lɑ́Ꞌnɛ ńtsʉ́Ꞌ yɛ́tɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 12:4

Ɛlɔ̂dɛ cú pɛ́ ɡẅɛɛ Pyɛ̂ pɔ́Ꞌɔ, ńdɔk wɛ́ ŋ́ɡʉ ńjɔ́Ꞌ ndɑ́tsɑ́ŋ. A niitɛ pɑlʉ̈ɔ́Ꞌntsɔ pɛ́nɛ́kwɑ ŋkɑ́ yɛ́nɛ́kwɑ ńtíktɛ ŋɡɔ pɔ́p pɔ́ ḿbyɛ́p wɛ́, ḿbɔ́ ńzẅíꞋlɛ pɑ́Ꞌ ndínɑ-Pɑ́skɑ ɡʉ ńdɛɛ, ɑ tík wɛ́ mbi lɑ́Ꞌ, pɛ́ ŋɑk wɛ́.

ŊwɑꞋnɛ-Gɑŋntúu Yɛ́su Kɛlístɔ 16:27

Ŋu ẅí ɑ kɑ pɔ́ ḿbyɛ́p ndɑ́tsɑ́ŋ jʉɔmɛ, ńjʉ́ɔ mɛtsu-ndɑ́tsɑ́ŋ pɔ́ pɔ mɛ́ tsɔ́Ꞌnɛ. A ɡɔ́ɔ sɔŋ mɔ́níi, ḿbɔ́ ńdɔɔ nɛlɔk ɛ́sɔp mbʉʉ yɛ, ḿbɔ́ ŋ́kwɑŋɛ pɔ ŋɡɔ ɡɑŋtsɑ́ŋ lɑ́Ꞌ ńcẅɛt ŋ́kʉɔtɛ.

ŊwɑꞋnɛ-Gɑŋntúu Yɛ́su Kɛlístɔ 16:36

Ŋu ẅi ɑ pyɛ́pnɛ ndɑ́tsɑ́ŋ tɔ́ ńcú mbɔ̌ Pɔ̂l ŋɡɔ: «Pɑsɑlɑ́Ꞌ pɛk cú ŋɡɔ n nɑ́ wʉ́ʉ pʉʉ ɡʉ, ḿbɔ́ pʉʉ ńcẅɛt ŋkɔ̂ɔnɛ ŋ́ɡʉ nɛ́ mbɔ́tnɛ!»

ŊwɑꞋnɛ-Gɑŋntúu Yɛ́su Kɛlístɔ 5:18

Pɔ́p pɛpɔ́p túu pʉɔ, pɔ́p ɡẅɛɛ ɡɑŋntúu ńníꞋ wɔ́p ndɑ́tsɑ́ŋ yi pɛ́ kɑ pɔ́ ńníꞋ ɡɑŋtsɑ́ŋ tsʉʉ zúꞋu.

ŊwɑꞋnɛ-Gɑŋntúu Yɛ́su Kɛlístɔ 5:23

«Pɛk ɡʉ tɛ ŋ́kúu zúꞋu, ńjʉ́ɔ mɛtsu-ndɑ́tsɑ́ŋ tsuŋ ḿbɔ́ mɛ́ jʉ́ɔꞋnɛ. Pɑpyɛ́p zʉꞋ kɛ́ ńtʉ́ʉ pɔ ntsundɑ́. Pɛk tsɔ́Ꞌ mɛtsundɑ́, ŋ́kúu tsɛtú, ŋ́kɛ́ mbɔɔ ŋu tsɛt ndɑ́ jʉ́ɔ.»

ŊwɑꞋnɛ-Gɑŋntúu Yɛ́su Kɛlístɔ 8:3

Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 9:2

ḿbíkŋɛ wɛ́ ŋɡɔ ɑ ŋwɑꞋnɛ mɛŋwɑꞋnɛ ŋ́ɡɑ́ mbɔ̌ wɛ́. A lɔk ŋ́ɡʉ Ndɑmɑs, ŋ́ɡɑ́ mbɔ̌ pɑtʉ́ʉmbi nǔu mɛndɑ́-cúꞋlɛ-pɑyúdɑ mi ɛ́ zúꞋu. A píkŋɛ pɔ́Ꞌɔ, nɛlɔk ŋ́ɡẅɛɛ pɑ́Ꞌ ɑ lɑɑ ńtɔ́ zúꞋu, ńjʉ́ɔ pʉɔ pi pɔ́p nǔu sɛ̂ndúŋ-Yɛ́su ɛ̂wɑ́, kɛ ɛ́ pɔ́ pɔ mbɛ́ɛnɛ ɔɔ, kɛ pɑŋɡɛ́ ɔɔ, ɑ kuꞋ nɛɡẅɛɛtɛ wɔ́p, ŋ́kút wɔ́p, ńdɔk ḿbɛn nɛ́ Yɛlúsɑlɛm.

2 Kɔlɛ̂ŋtɛ 11:23

Kɛ pɔ pɑ́Ꞌ pɔ́p pɑfɑꞋ fɑꞋ-Kɛlístɔ? M bɔ́ ńcú nu kwɑꞋ pɑ́Ꞌ pɑ́lɛ́ lɑ́, ńcú ŋɡɔ mɔ ŋu ẅi ɛ fɑꞋnɛ fɑꞋ-Kɛlístɔ tɛ ńdɛɛ wɔ́p pɛ́tsʉʉ, ńcú pɔ́Ꞌɔ, ɛ́fú nǔu pɑ́Ꞌ ŋ kɑ kíɛ ziꞋnɛ ńdɛɛ wɔ́p, ɛ́fú nǔu ndɛn ẅi ŋ kɑ kúunɛ tsɑ́ŋ ńdɛɛ wɔ́p, ɛ́fú nǔu ndɛn ẅí pɛ́ kɑ tswɑ́ɑnɛ wɑ́ɑ ńdɛɛ wɔ́p, ɛ́fú nǔu ndɛn mɛŋkɑ́ tɛ ńzɑ́ɑ mi nɛvú kɑ nʉknɛ wɑ́ɑ ńdɛɛ wɔ́p,

2 Kɔlɛ̂ŋtɛ 6:5

kɛ pɔ ŋkɑ́ yi pɛ́ sɛ́ ńtswɑ́ɑ wɛ́k ɔɔ, kɛ pɔ ŋkɑ́ yi pɛ́ níꞋnɛ wɛ́k tsɑ́ŋ ɔɔ, kɛ pɔ ŋkɑ́ yi pɛ́ tsʉ́ʉnɛ́nɛ lɑ́Ꞌ ḿmɑꞋ nzʉʉ pɛk ɔɔ, kɛ nǔu ŋkɑ́ yi pɛk tʉ́ʉnɛ nǔu mɛfɑꞋ mi ɛ́ tɛn tɛnnɛ ɔɔ, kɛ nǔu ŋkɑ́ yi pɛk sɛ́ ńdɛ́ kɛ́ lɛ́ ɔɔ, mbɑ nǔu ŋkɑ́ yi pɛk sɛ́ ńnɑ́ŋ kɛ́ ŋ́kwɛ́t yúu.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

2 Timɔtɛ́ɛ 2:9

N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

Filɛmɔ̂ŋ 1:9

n jʉ́ɔ ŋɡɔ ŋ ɡʉ ńdɛɛ nǔu ŋkɔŋɛ yúu, ḿbúꞋ mbɔ́ mbɔ̌ ɡu púꞋnɛ. Tɛ mbɑ pɑ́Ꞌ mɔ Pɔ̂l, n tsʉ́Ꞌ pɔ ndwɛn ndʉ́m, ḿbɛn ŋ́ɡɔ́ ḿbɔ́ ŋkɔ̂ɔnɛ, ḿbɔ́ ndɑ́tsɑ́ŋ ntɛ́ Yɛ́su Kɛlístɔ lɑɑ.

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.