ŊwɑꞋnɛ-Gɑŋntúu Yɛ́su Kɛlístɔ 15:36 - Kɑɑ Fí

³⁶ Ɛ́ nɑ́Ꞌ ńnɑ́ŋ mɔ́zʉꞋ, Pɔ̂l cú mbɔ̌ Pɑnɛpɑ́ɑshi ŋɡɔ: «Pûu pɛn nzʉʉ, ńdíŋɛ pɔ́ɔpɛ́mɑ́ pi pɔ́p tsɛt mɛtʉ́sɔŋ mí pûu kɑ lɛɛnɛ zúꞋu ɛ́sẅíi nu-Tsɑpʉɔ, ńdíŋɛ ńjʉ́ɔ pɑ́Ꞌ pɔ́p kɑ tsʉ́Ꞌnɛ ḿbɔ́.»

ŊwɑꞋnɛ-Gɑŋntúu Yɛ́su Kɛlístɔ 15:36 ပူးပေါင်းရင်းမြစ်များ

Mɑtʉ̈ɔ 25:36

Mɔ ŋ́kɑɑ ndẅí mɑꞋ pʉʉ ɡɑ́ ndẅí, m mɑꞋ. Ŋ kɑ pɔ́ ŋ́ɡɔɔ, pʉʉ tɔ́ ńtsɑꞋ ɡɔɔ yɑ́ɑ. Ŋ kɑ pɔ́ ndɑ́tsɑ́ŋ, pʉʉ tɔ́ ńdíŋɛ wɑ́ɑ.»

Mɑtʉ̈ɔ 25:43

Ŋ kɑ pɔ́ ŋɡʉʉ, pʉʉ pɔɔ wɑ́ɑ kúkŋɛ. Mɔ ŋ́kɑɑ ndẅí mɑꞋ, pʉʉ pɔɔ ɡɑ́ ndẅí m mɑꞋ pɔ́. Ŋ kɑ pɔ́ ŋ́ɡɔɔ, ḿbɛn ŋ́ɡɛ ḿbɔ́ ndɑ́tsɑ́ŋ, pʉʉ pɔɔ wɑ́ɑ líŋɛ.»

ŊwɑꞋnɛ-Gɑŋntúu Yɛ́su Kɛlístɔ 13:12

Ŋɡɔmnɑɑ jʉ́ɔ yúu mi ɛ́ lɛɛnɛ, ńzɑ́p tʉ́m yɛ́ nǔu Yɛ́su. Ɛ́ ɡɔ́ ḿbɔ́, mbɔ nu-Tsɑpʉɔ yi pɛ́ sẅíinɛ wɛ́, níꞋ mɛtʉʉ mɛ́ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 13:4

Zẅikŋɛ Lɛ́ɛnɛ́nɛ túu Pɑnɛpɑ́ɑshi pɔ́p Sɔ̂l pɔ́Ꞌɔ, pɔ́p ɡʉ nɛ́ Sɛlɛsi zʉꞋ mɛkɑnúꞋ ḿbɔ́ ńtʉ́ʉ. Ɛ́fú zúꞋu ŋ́kúu wɛcɔ́ mɑ́mɑ́ kɑnúꞋ ŋ́ɡʉ nɛ́ Shíipɛlɛ, ɛ́ pɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ.

ŊwɑꞋnɛ-Gɑŋntúu Yɛ́su Kɛlístɔ 13:51

Pɔ̂l pɔ́p Pɑnɛpɑ́ɑshi ɡɔ́ ɛ́fú lɑ́Ꞌ ɛ̂yɑ́ ńcẅɛt, ḿbúꞋ pɛ́pɛ́p nǔu mɛku mɔ́p nɛlɔk ɛ́sẅíi wɔ́p ŋɡɔ ɛ́ tsʉ́Ꞌ ńdíŋɛ pɔ wɔ́p, ŋ́ɡɔ́ɔ ŋ́ɡʉ nɛ́ Ikɔnyɔm.

ŊwɑꞋnɛ-Gɑŋntúu Yɛ́su Kɛlístɔ 14:1

Pɔ̂l pɔ́p Pɑnɛpɑ́ɑshi pɛtsʉʉ kúu Ikɔnyɔm, mɛnu pɛn ńdɛɛtɛ pɔ ndʉ́ŋndʉŋ pɑ́Ꞌ ɛ́ kɑ lɛɛtɛ́nɛ Antíyɔshɛ. Pɔ́p ɡʉ ndɑ́-cúꞋlɛ-pɑyúdɑ ɛ́sẅíi nu-Yɛ́su. Lɑ́ nɛzɑ́ɑ pɑyúdɑ, tɛ mbɑ pʉɔ pí pɔ́p kɑ́ pɔ́ pɑyúdɑ pɔ́ pɛ́m nu yɛ́.

ŊwɑꞋnɛ-Gɑŋntúu Yɛ́su Kɛlístɔ 14:21

Pɔ̂l pɔ́p Pɑnɛpɑ́ɑshi kúu Ndɛlbɛ, ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ, tɛ pʉɔ tɛ ńzɑ́ɑ tsʉ́Ꞌ pʉɔ-Kɛlístɔ. Pɔ́p fú zúꞋu, ḿbɛn ḿbɛn Listɛlɛ pɔ́p Ikɔnyɔm, ŋ́ɡʉ ɡʉnɛ tɛ ŋ́kúu Antíyɔshɛ ẅi ɛ́ mbʉʉ Pisidîi,

ŊwɑꞋnɛ-Gɑŋntúu Yɛ́su Kɛlístɔ 14:6

Pɔ́p pɛ́t ŋ́kwɑŋɛ kwɑŋɛ́nɛ, Pɔ̂l pɔ́p Pɑnɛ́pɑ́ɑshi piitɛ ńzúꞋ, ŋ́ɡɔ́ɔ ŋ́kɛ́ ŋ́kʉɔ ŋ́ɡʉ nɛ́ tsɛt pɑk-ŋɡɔŋ-Likɑwɔni, ŋ́kúu zúꞋu ŋ́ɡʉ tʉ́sɔŋ-Listɛlɛ pɔ́p Ndɛlbɛ, tɛ mbɑ tsɛt mɛcɔ́ mɛtʉ́sɔŋ mí ɛ́ shʉ́ zúꞋu,

ŊwɑꞋnɛ-Gɑŋntúu Yɛ́su Kɛlístɔ 7:23

A ɡɛ ḿbɔ́ tɛ ŋ́ɡẅɛɛ ŋɡuꞋlɑ́Ꞌ mɛɡɛ́mɛ́nɛ́kwɑ, kwɑŋɛ nɛjʉ́ɔ pɔ́ɔpɛ́mɑ́ pɛ́ pɑíslɑyɛ̂l tɔ́ tú yɛ́.

Pʉɔ-Lɔ́mɑ 1:11

MbíꞋŋɡɔ mɔ sɛ́ ńtsuŋ ńtsɑ́ɑ nɛtɔ́ ńjʉ́ɔ wʉ́ʉ, nɛpɔ́ yi ŋ ɡʉ ŋ́ɡɛ Zẅikŋɛ Lɛ́ɛnɛ́nɛ ɡɑ́ fuꞋ níinɛ yʉ́ʉ, mɛtʉ́m mʉ́ʉ kẅiꞋ ńtɛntɛ. Pʉʉ lɔk pɔ́Ꞌɔ ŋ́kẅiꞋ ńtɛntɛ.

2 Kɔlɛ̂ŋtɛ 11:28

Ŋ kɑ́ tʉ́ʉ tsʉʉ pɔ́, ɛ́ lɛ́Ꞌ tsʉʉ ḿbɔ́ ɛ́sɑ́ŋ nu nǔu mɛcúꞋlɛ-pʉɔ-Kɛlístɔ mi ɛ́ zʉꞋ tsʉʉ,

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

1 Tɛsɑlɔník 3:6

Lɑ́ ɛ́ nǔu ŋkɔ̂ɔnɛ, mbɔ ɑ fú lɑ́Ꞌ pʉʉ ḿbɛn tɛ ŋ́kúu zɑꞋnɛ. A sẅíi wɛ́k nɛ́ nu nǔu wʉʉ nɛzɑ́p tʉ́m nǔu Sɛ́, nǔu ŋkɔŋɛ yi pʉʉ ɡẅɛɛnɛ, tɛ nu pɔŋ wɛ́k. A sẅíi wɛ́k pɑ́Ꞌ pʉʉ nɑŋnɛ ŋ́kẅíi wɛ́k pɔ sʉ́Ꞌnɛ, mbɑ pɑ́Ꞌ pʉʉ sɛ́ ńtsɑ́ɑ nɛpɛn ńjʉ́ɔ wɛ́k pɑ́Ꞌ pɛk ɡúu sɛ́ ńtsɑ́ɑ nɛpɛn ńjʉ́ɔ wʉ́ʉ.

2 Timɔtɛ́ɛ 1:4

Ŋ kɑ́ likŋɛ pɑ́Ꞌ pûu kɑ ɡɔ́ fɑkŋɛ ɔ lɑɑ pɔ́. Mɔ sɛ́ ńtsɑ́ɑ tɛꞋ pɑ́Ꞌ m bɔ́ ḿbɛn ńjʉ́ɔ wú, nu pɔŋ wɑ́ɑ pɑ́ꞋtɛꞋ.