ŊwɑꞋnɛ-Gɑŋntúu Yɛ́su Kɛlístɔ 15:24 - Kɑɑ Fí

²⁴ Pɛk kɑ zúꞋ ŋɡɔ pɛcɔ́ ntɑ́Ꞌpʉɔ kɑ fú tsɛtsɛt pɛk, ńtɔ́ ḿmɑꞋ ntɑ́kŋɛ tsɛtsɛt pʉʉ, ńdɔk sẅiŋɛ yɔ́p ŋ́ɡɛ tɛ pʉʉ pɔɔ kíi ńjí tú yʉ́ʉ pɔ́. Lɑ́ pɛk ŋkɑɑ nɛ zɛɛ ńtúu wɔ́p ŋɡɔ pɔ́p ɡʉ ńcú pɔ́Ꞌɔ pɔ́.

ŊwɑꞋnɛ-Gɑŋntúu Yɛ́su Kɛlístɔ 15:24 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 15:1

Pɛcɔ́ pʉɔ ɡɛ ɛ́fú Judɛ̂, ńtɔ́ Antíyɔshɛ, ńzɛ nɛzíꞋ pʉɔ-Kɛlístɔ ŋɡɔ Sɛ́ lɑɑ ḿbɔ́ ɑ pɔɔ ɡɛ pɔ́p luk kɛ́ pɔ́ yi pɛ́ púꞋ wɔ́p pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ pɔ́.

Ŋɡɑlɑ̂t 1:7

Ŋ kɑ́ pɔ́ ńdɔk ńcú ŋɡɔ yɛcɔ́ Ŋkʉʉ sʉ́Ꞌnɛ pɛn ḿbɔ́ ɡú pɔ́, pɛcɔ́ pʉɔ sɛ́ ḿbɔ́ ḿbúunɛ tú yʉ́ʉ, ḿbɔ́ ńdɔɔ nɛkúpmɛ Ŋkʉʉ Sʉ́Ꞌnɛ-Kɛlístɔ.

Ŋɡɑlɑ̂t 5:10

Lɑ́ Tsɑpʉɔ kɛ́ ḿbɔ́ ŋ́ɡɛ n jí ŋɡɔ pʉʉ kɛ́ kẅiꞋ yɛcɔ́ yúu nǔu yúu mi ŋ kɑ zíꞋnɛ wʉ́ʉ pɔ́. M bɛn ḿbɔ́ ńjí ŋɡɔ ŋu ẅí ɑ sɛ́ ḿmɑꞋ ntɑkŋɛ tsɛtsɛt pʉʉ, ɑ lɑɑ ḿbɔ́ pɔ wɔ̌ lɑ́ ɔɔ, mbɔ Sɛ́ ɡʉ ŋ́ɡɛ ńzɑ́Ꞌ ntsɑŋ yɛ́.

Ŋɡɑlɑ̂t 5:12

Ɛ́ ɡʉ nǔu pʉɔ pi pɔ́p púunɛ́nɛ wʉ́ʉ nǔu nu nɛpúꞋ ŋu, pɔ́p lɔk nu yɔ́p ŋ́ɡʉ mbi, kwɑꞋ pɔ́p shɔtnɛ́nɛ ɛ́shʉ̈ɔ́ túmbʉʉ yɔ́p.

Ŋɡɑlɑ̂t 5:4

Pʉʉ pi pʉʉ sɛ́ ńdɔɔ nɛɡɛ yúu mi nɛpʉ́ʉ ɛ̂nɑ́ sɛ́ ḿbíkŋɛ lɑ́ ńdɔk ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pʉʉ pɑ́Ꞌɑ ńdɔk ḿbɔ́ pʉɔ pí pʉʉ fɑknɛ mbʉʉ nǔu Kɛlístɔ. Ɛ́ pɔ́ pɔ́Ꞌɔ pʉʉ lɔk ḿbɛ́ nu yi Sɛ́ lɑ́Ꞌ ḿbɔ́ ŋ́ɡʉ ńdɔk ŋ́ɡɑ́ fuꞋ fɛ̌ɛ yʉ́ʉ.

2 Timɔtɛ́ɛ 2:14

Mɔnɛ mɛnu tsʉʉ mi ɔ ɡẅɛɛ nɛkẅíitɛ mbɔ̌ pʉɔ tsʉʉ, ńtʉ́ʉ mbi Sɛ́ ɛ́sɑ́ɑnɛ sɑ́ɑnɛ́nɛ ɛ́sẅíi pʉɔ ŋɡɔ kɔɔ pɔ́p kɑ́t ńzɔŋ nu. Pɔ́p zɔŋ nu pɔ́Ꞌɔ, ɛ́ pɔɔ cẅɛ́lɛ́ nǔu yɛcɔ́ yúu pɔ́, tɛ ńtsʉ́Ꞌ pɔ́Ꞌɔ, mbɔ ɛ́ ḿbʉ́ʉpɛ pʉɔ pi pɔ́p zúꞋnɛ mîmɑ́ mɛnu pʉ́ʉpɛ́nɛ nzʉʉ Sɛ́.

1 Jɑ̂ŋ 2:19

Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,