ŊwɑꞋnɛ-Gɑŋntúu Yɛ́su Kɛlístɔ 13:39 - Kɑɑ Fí

³⁹ Mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su ɛ̂wɑ́ lɑ́, Sɛ́ líŋɛ wɛ́ ɑ pɔ́ mbi yɛ́ ḿbɔ́ ndʉ́ŋndʉŋ. Yɔ pɛn ḿbɔ́ yúu mi nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:39 ပူးပေါင်းရင်းမြစ်များ

Lúkɑ́shi 10:25

Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»

Lúkɑ́shi 10:28

Yɛ́su cú mbɔ̌ wɛ́ ŋɡɔ: «Ɔ pʉ̈ɔt sʉ́Ꞌnɛ, ɡɛ pɔ́Ꞌɔ, pʉʉ Sɛ́ lɑ́Ꞌnɛ ńtsʉ́Ꞌ ńnɑ́ŋ.»

Lúkɑ́shi 18:14

Yɛ́su mɑꞋ tú yɔ nu ŋɡɔ: «Tsʉ́nɛ ŋ kɛ sẅíi wʉ́ʉ, wɔ ńcẅɛ́ɛ ntsup kɑ ɡɔ́ ḿbɛn nɛ ndɑ́ yɛ, Sɛ́ pɔɔ pɛ́t ḿbɔ́ ńdɑ́Ꞌ wɛ́ pɔ́. Lɑ́, ŋ́ɡʉ nǔu ŋu-Pɑfɑlísɑy ɛ̂wɑ́, Sɛ́ kɛ ḿbɔ́ ńdɑ́Ꞌ wɛ́ lɑ́Ꞌnɛ. Ɛ́ pɔ́Ꞌɔ, lɑ́ ḿbɔ́ yi ŋu lɑɑ ŋ́ŋɑ́Ꞌ mbʉʉ yɛ, mbɔ pɛ́ ɡʉ ŋ́kɔk wɛ́, ŋ́kɔk mbʉʉ yɛ, mbɔ Sɛ́ ɡʉ ŋ́ŋɑ́Ꞌ wɛ́.»

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

ŊwɑꞋnɛ-Gɑŋntúu Yɛ́su Kɛlístɔ 10:43

Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

Pʉɔ-Lɔ́mɑ 10:10

MbíꞋŋɡɔ ŋu zɑ́p tʉ́m yɛ́ nǔu Kɛlístɔ, Sɛ́ tsʉ́Ꞌ ńdíŋɛ ŋɡɑŋ ɑ pɔ́ pɔ ndʉ́ŋndʉŋ mbi yɛ́. Ŋu pɛn ńtʉ́ʉ tsɛtsɛt lɑ́Ꞌ ńtsɔ́Ꞌ ntsu wɛ́, sɑ́ɑnɛ sɑ́ɑnɛ́nɛ ńcú ŋɡɔ ɑ ŋu-Yɛ́su, mbɔ Sɛ́ ŋ́ɡɛ ɑ luk.

Pʉɔ-Lɔ́mɑ 10:4

Kɛlístɔ kɑ zɛɛ ńtɔ́, ncẅɛtnɛ-ndɑ́ nɛpʉ́ʉ lɔk ḿbuutɛ. Pɔ́Ꞌɔ, ŋu zɑ́p tʉ́m nǔu Kɛlístɔ lɑ Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 4:15

Nɛpʉ́ʉ zɛɛ ŋ́ɡɛ lɔ́ŋ-Sɛ́ zɑ́ŋ zɑ́ŋnɛ mbíꞋŋɡɔ pʉɔ kɑ́ pɔ́ ŋ́kúꞋlɛ pɔ́. Ɛ́ kɑ pɔ́ pɛ́Ꞌnɛ nɛpʉ́ʉ pɔɔ ɡú pɔ́, mbɔ pʉɔ kɑ́ fɑɑnɛ nɛpʉ́ʉ pɑ́Ꞌnɛ pɔ́.

Pʉɔ-Lɔ́mɑ 4:24

Pɛ́ kɑ pɔ́ ɛ́sɑ́ŋ mbɑ wɛkŋɛ ɡúu, pi Sɛ́ kɑ pɔ́ ŋ́ɡʉ ŋ́ɡɛ ńdíŋɛ wɛkŋɛ, pɛkŋɛ pɔ́ ndʉ́ŋndʉŋ mbi yɛ́, pɛkŋɛ pi pɛkŋɛ zɑ́pnɛ tʉ́m nǔu jʉ́ Sɛ́ ẅí ɑ kɑ ɡɛnɛ Ndɛ wɛkŋɛ Yɛ́su Kɛlístɔ fú lɑ́Ꞌ-pɛpfú ńzẅíimɛ.

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Pʉɔ-Lɔ́mɑ 5:20

Lɑ́ ɛ́ pɛn ŋ́ɡʉ nǔu nɛpʉ́ʉ-Mɔ̌sɛ̂ɛ, mbɔ Sɛ́ kɑ pɔ́ ńzɑ́p nɛpɔ́ yi pʉɔ ɡʉ ŋ́ɡɛ ɛ́fú nǔu ńjʉ́ɔ ndɛn ẅi pɔ́p lɔknɛ ŋ́ɡɛ nu kɛpɔŋ pɔ́Ꞌɔ. Pɑ́Ꞌ mɛnu kɛpɔŋ sɛ́ ńzɑ́ɑ ŋɡɔ́ku lɑ́ Sɛ́ pɔ́ ńtsɑ́ɑ mɛjʉ́ŋ pʉɔ ŋ́ɡɑ́ fuꞋ níinɛ yɔ́p tɛ ńdɛɛ ntɛ́.

Pʉɔ-Lɔ́mɑ 5:9

Ɛ́ nǔu ŋkɔ̂ɔnɛ, mbɔ mɛci mɛ́ ɡɛ Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́, mbɔ kʉ̈ɔ́ pɛn ŋ́ɡɛ tɛ Kɛlístɔ lɑ́Ꞌ ńnɑ́ kɛ́ ɡɛ pɛkŋɛ luk ŋɡʉ̈ɔ́Ꞌ yi ɛ́ ɡʉ ńdɑ́Ꞌ ɛ́fú nǔu pɑ́Ꞌ Sɛ́ sɛ́ ńzɑ́ŋ lɔ́ŋ?

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

Pʉɔ-Lɔ́mɑ 9:31

ŋ́kɛ́ ŋ́ɡʉ nǔu Pɑíslɑyɛ̂l pi pɔ́p kɑ pɔ́ ńdɔɔ nɛfú pɔ nǔu nɛkúꞋlɛ nɛpʉ́ʉ-Mɔ̌sɛ̂ɛ ḿbɔ́ pʉɔ pi pɔ́p ndʉ́ŋndʉŋ mbi Sɛ́, mbɔ pɔ́p ŋkɑɑ kuꞋ, wɔ́p sɛ̂ndúŋ pɔ́p mɔ́p ncẅɛtnɛ ndɑ́ nɛpʉ́ʉ ŋkɑɑ kɛ́ ḿbuutɛ pɔ́.

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 3:8

ŊwɑꞋnɛ-Sɛ́ kɑ zɛɛ ńzɑ́Ꞌ njí ńnyɛt ŋɡɔ: Sɛ́ ɡʉ ńdɑ́Ꞌ ɛ́fú nǔu pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́, ɡʉ ńdɑ́Ꞌ ńzɑ́p tʉ́m nǔu wɛ́ ɑ pɛ́m wɔ́p pɑ́Ꞌ pʉɔ pi pɔ́p mbi yɛ́ ḿbɔ́ ndʉ́ŋndʉŋ. Ɛ́ yɛ́tɛ́ lɑ ŋwɑꞋnɛ-Sɛ́ kɑ zɑ́Ꞌ njí ńcẅi wɔ Ŋkʉʉ Sʉ́Ꞌnɛ mbɔ̌ Ábɛlɛhɑ̂m ŋɡɔ: Sɛ́ ɡʉ ńdɑ́Ꞌ ńdɛɛ nǔu ɡu ńníꞋ mbɔ́tnɛ nǔu mɛlɑ́Ꞌ tsʉʉ mi ɛ́ ndǔ tsɛ́tsɑ́Ꞌ.

Ŋɡɑlɑ̂t 5:3

Mɔ ḿbɛn ńcú nǔu yɛcɔ́ ŋkɑ́ mbɔ̌ mbɑ wɛ́tɛ́ ŋu lɑ́ ẅí ɛ́ píkŋɛ ŋɡɔ pɛ́ púꞋ wɛ́, ŋɡɔ ɑ ɡẅɛɛ nɛɡɛ yúu tsʉʉ yi nɛpʉ́ʉ-Mɔ̌sɛ̂ɛ sɛ́ ḿbíkŋɛ.

Ɛ́bɛlʉʉ 10:11

Ɛ́ ɡʉ nǔu nɔŋpɔꞋ wɛ ndɛn kɑɑ, mbɔ ɑ lɛ́Ꞌ tsʉʉ, ńtʉ́ʉ pɔ ntsu fɑꞋ yɛ́, ŋ́kɛ́ ńnɔŋ pɔ tɑ́Ꞌ ntɛ́ pɔꞋ ẅi ḿbɔ́ ɛ́ pɔɔ lɑ́Ꞌ yɛcɔ́ lɛ́Ꞌ ŋ́kuꞋ nɛfú nǔu ŋu ńjɛ́p mɛnu kɛpɔŋ mɛ́ pɔ́.

Ɛ́bɛlʉʉ 10:4

MbíꞋŋɡɔ yɛcɔ́ luk yí ḿbɔ́ mɛci pɛlúu-pɛfɔŋ mbɑ mɛ́ pɛkɛkɔm fú nǔu ŋumɛsɔŋ ńjɛ́p mɛnu kɛpɔŋ mɛ́ ɡú pɔ́.

Ɛ́bɛlʉʉ 7:19

Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.