ŊwɑꞋnɛ-Gɑŋntúu Yɛ́su Kɛlístɔ 13:27 - Kɑɑ Fí

²⁷ Lɑ́ ɛ́ kɛ́ ḿbɔ́ pɑ́Ꞌɑ, mbɔ pʉɔ-Yɛlúsɑlɛm pɔ́p pɑsɑ́Ꞌ lɑ́Ꞌ yɔ́p ŋ́kɑɑ kɛ́ ńjí ŋu ẅí Yɛ́su jʉ́ pɔ́, pɔ́p ŋ́kɑɑ pɛn ŋ́kɛ́ ńzúꞋ yúu mi sẅiŋɛ-pɛŋɡɛ́mndʉ̈ɔ́Ꞌ-Sɛ́ cúnɛ pɔ́, lɑ́ ḿbɛn ŋ́kɛ́ ḿbɔ́ ɛ́fúŋ ŋɡɔŋ mɛlɛ́Ꞌnji mɔ́p tsʉʉ. Ɛ́ kɑ lɛɛ pɔ́Ꞌɔ, pɔ́p ŋɑk Yɛ́su pɑ́Ꞌ pɛ́ ɡʉ ńjẅí wɛ́. Pɔ́p kɑ lɔk pɔ́Ꞌɔ, ŋ́ɡɛ yúu mi pɛŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú puutɛ,

ŊwɑꞋnɛ-Gɑŋntúu Yɛ́su Kɛlístɔ 13:27 ပူးပေါင်းရင်းမြစ်များ

Mɑtʉ̈ɔ 22:29

Yɛ́su pʉ̈ɔt mbɔ̌ pɔ́p ŋɡɔ: «Jínu yʉ́ʉ sɛ́ fʉ́klɛ wʉ́ʉ mbíꞌŋɡɔ pʉʉ kɑ́ jí yúu ɛ́ tsɛt ŋwɑꞋnɛ-Sɛ́ pɔ́, ḿbɛn ŋ́kɛ́ mbɔɔ jí pɑ́Ꞌ mɛtʉʉ-Sɛ́ pɔ́Ꞌɔ, pɔ́.»

Lúkɑ́shi 22:34

Yɛ́su cú ŋɡɔ: «Pyɛ̂, tsʉ́Ꞌ ŋ kɛ́ ɛ́sẅíi wú: Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ńtɔ́ŋ nɛtúꞋ lɔ́Ꞌnɛ, mbɔ ɔ muŋɛ mɔ́ wɑ́ɑ ŋkɑ́ yɛ́tɑ́t.»

Lúkɑ́shi 23:13

Pɛ́ lɔk wɛ́ ŋ́kúu zúꞋu, Pilɑ́tu fúŋ pɑnɔ́ŋpɔꞋ pɛɡwɛ́, mbɑ pɑsɑ́Ꞌ lɑ́Ꞌ,

Lúkɑ́shi 24:20

PɑꞋ Pɛtɑ́tndɑ́-pɑnɔ́ŋpɔꞋ pɔ́p pɑsɑ́Ꞌ lɑ́Ꞌ pɛk kɑ cɑklɛ wɛ́ mbɔ̌ Pilɑ́tu ŋɡɔ pɛ́ ɡʉ ŋ́ŋɑk wɛ́, ńjẅí wɛ́. Pɛ́ kɑ ɡɔ́ɔ ŋ́kɛ́ ŋ́kẅii wɛ́ nǔu tʉ́ Mbɑŋtɛ pɑ́ŋtɛ́nɛ.

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

Jɑ̂ŋ 16:3

Pɔ́p ɡʉ ŋ́ɡɛ pɔ́Ꞌɔ, mbíꞋŋɡɔ pɔ́p kɑ́ jí Tɑ̌ɑ pɔ́, ŋ́kɛ́ mbɔɔ wɑ́ɑ jí.

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

Jɑ̂ŋ 8:28

Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 15:21

KwɑꞋ nɛ́nẅín tɛ ɛ́fú mɛŋɡuꞋ mɛŋɡuꞋ, ŋ́kúu lɔ́Ꞌnɛ, pɛ́ lɔ ńjúk pɔ nɛsɑ́Ꞌ nɛpʉ́ʉ-Mɔ̌sɛ̂ɛ tsɛt mɛtʉ́sɔŋ mbɑ tsɛt ŋɡɔŋ mɛlɛ́Ꞌnji-pɑyúdɑ tsʉʉ. Pɛ́ fúŋ pɔ nînɑ́ nɛpʉ́ʉ tsɛt mɛndɑ́-cúꞋlɛ mɔ́p.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 3:17

Pɔ́ɔpɛ́mɑ́ pɑ́ɑ, n tsuŋ ḿbɔ́ ńjí sʉ́Ꞌnɛ ŋɡɔ yúu pʉʉ pɛ́ pɛfɔɔ pʉ́ʉ kɑ ɡɛnɛ nǔu Yɛ́su kɑ lɔk ḿbɔ́ pɔ ɡʉʉnɛ.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

1 Kɔlɛ̂ŋtɛ 2:8

Sɑ̌ɑ tɑ́Ꞌ nǔu yúu kɛpɔŋ yi ɛ́ sɑ́Ꞌnɛ yɔ mbí ŋkɑɑ jí yîyɑ́ jínu pɔ́. Pɔ́p kɑ pɔ́ pɛ́Ꞌnɛ ńjí yîyɑ́ jínu mbɔ pɔ́p ŋkɑɑ ɡɛ pɛ́ kẅii Ndɛ nǔu tʉ́ mbɑ́ŋtɛ pɑ́ŋtɛ́nɛ pɔ́, Ndɛ ẅí ɑ ɡẅɛɛnɛ nɛɡúꞋ.

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.