ŊwɑꞋnɛ-Gɑŋntúu Yɛ́su Kɛlístɔ 10:39 - Kɑɑ Fí

³⁹ Pɛk wɔ tʉ́ʉ pɑꞋnɛ mbɔ pɛk kɑ lɔk mík mɛ́k ńjʉ́ɔ mbɑ kʉ̈ɔ́ lɑ́ yi ɑ kɑ ɡɛnɛ tsɛt lɑ́Ꞌ-pɑyúdɑ mbɑ Yɛlúsɑlɛm. Pɛ́ kɑ ɡɔ́ ńjẅí wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 10:39 ပူးပေါင်းရင်းမြစ်များ

Lúkɑ́shi 1:2

ŋ́ŋwɑꞋnɛ kwɑꞋ pɑ́Ꞌ pʉɔ pi pɔ́p kɑ jʉ́ɔnɛ pɑ́Ꞌ nu yɔ kɑ zɛnɛ, ḿbɛn ńjʉ́ɔ pɑ́Ꞌ ɛ́ kɑ nɛnnɛ pɔ́Ꞌɔ.

Lúkɑ́shi 24:48

Pʉʉ ɡʉnɛ ŋ́kɛ́ ḿbɔ́ pɑjʉ́ ńjʉ́ɔ, nɛlɔk mɛnu ɛ̂mɑ́ ɛ́sɑt lɑ́Ꞌ.

Jɑ̂ŋ 15:27

Pʉʉ yʉ́ʉ pɛn ŋ́kɑ́t ɛ́sẅíi nu yí pʉʉ jínɛ nǔu mɔ, ɛ́ pɔ́ pɔ pɑ́Ꞌ pɛkŋɛ pɔ́nɛ tɛ ɛ́fú nzɛnɛ.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

ŊwɑꞋnɛ-Gɑŋntúu Yɛ́su Kɛlístɔ 10:41

A ŋkɑɑ nyɛt mbɔ̌ lɑ́Ꞌ tsʉʉ pɔ́, ɑ kɑ nyɛt pɔ mbɔ̌ pɛk pɑjʉ́njʉ́ɔ pi Sɛ́ kɑ piitɛ́nɛ ńtsɔ́Ꞌ. A kɑ zẅíimɛ nǔu nɛvú pɔ́Ꞌɔ, pɛk pɛ́pɔ́p jʉ́ yúu ḿbɛn ńnɔ́.

ŊwɑꞋnɛ-Gɑŋntúu Yɛ́su Kɛlístɔ 13:31

A lɔk mɛlɛ́Ꞌ tɛ ńzɑ́ɑ, ńnyɛt mbʉʉ yɛ mbɔ̌ pʉɔ pí pɔ́p pɛ́ pɔ́p kɑ fúnɛ Ŋɡɑlilɛɛ ńtɛmtɛ ŋ́ɡʉ Yɛlúsɑlɛm. Píipɑ́ pʉɔ ŋkɔ̂ɔnɛ ḿbɔ́ pɛ́ pɑjʉ́njʉ́ɔ mbi lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 2:32

Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.

ŊwɑꞋnɛ-Gɑŋntúu Yɛ́su Kɛlístɔ 4:10

Pʉʉ pɛtsʉʉ tɛ mbɑ pɑíslɑyɛ̂l tɛ ḿmɛ, ɛ́ ŋ́kɛ́ ḿbɔ́ ḿbíkŋɛ ŋɡɔ pʉʉ jí tɑ́Ꞌ nu. Yîyɑ́ nu pɔ́ ŋɡɔ pɛk kɑ lɔk pɔ lík-Yɛ́su Kɛlístɔ mɔ́ɔ-Nɑ̌zɑlɛt lɑ ŋ́ɡɛ ŋu wɔ fíitɛ pɑ́Ꞌ pʉʉ jʉ́ɔnɛ lɑɑ. A Yɛ́su Kɛlístɔ wɑ́ ẅi pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.