ŊwɑꞋnɛ-Gɑŋntúu Yɛ́su Kɛlístɔ 10:38 - Kɑɑ Fí

³⁸ Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 10:38 ပူးပေါင်းရင်းမြစ်များ

Mɑtʉ̈ɔ 12:15

Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.

Mɑtʉ̈ɔ 12:28

Lɑ́ ŋ́ɡʉ nǔu mɔ, mbɔ n dɔk pɔ mɛtʉʉ-Zẅikŋɛ-Sɛ́ lɑ ńzuŋ. Ɛ́ lɔk ńnyɛt ŋɡɔ Sɛ́ ńdɑ́Ꞌmɔ́ ńtɔ́, tɛ ḿbɔ́ fɔɔ ndǔ yɔ mbí.

Mɑtʉ̈ɔ 9:19

Yɛ́su lɔ sɛ́, pɔ́p ɡɑŋku pɛ́ cʉ́ɔ nzʉʉ yɛ́.

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Mɑ́lɛ́kúshi 6:6

Ɛ́ kʉꞋnɛ Yɛ́su tɛꞋ, pɑꞋ pɔ́p kɑ́ zɑ́p tʉ́m nǔu wɛ́ pɔ́. Yɛ́su ɡɛ ɛ́fú zúꞋu, ŋ́ɡʉ ńzɛ nɛnɛn tsɛt mɛlɑ́Ꞌ shʉ́ zúꞋu, ḿbɔ́ ńzíꞋ pʉɔ nɛ́ nu-Sɛ́.

Lúkɑ́shi 3:22

Zẅikŋɛ Lɛ́ɛnɛ́nɛ cúŋ pɑ́Ꞌ puutɛ lɑ́, ńtʉ́ʉ nǔu yɛ, ŋɡi fú tʉ́nɛ́pú ŋɡɔ: «Ɔ mɔ́ɔ wɑɑ, ŋ kɔŋ wú tɛꞋ, ɔ yɑ́ɑ tsɑ́ɑtɛ.»

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Lúkɑ́shi 9:42

Tɑ́-mɔ́ɔ pɔ́ ńdɔk wɛ́ ńtɔ́, zẅikŋɛ kɛpɔŋ ɛ̂yɑ́ pɛn ŋ́ɡẅɛɛ wɛ́ ńtɛ́m sɛ́, ɛ́ tsʉ́Ꞌnɛ wɛ́ nɛ́ tʉʉ. Yɛ́su cɔ́k zẅikŋɛ kɛpɔŋ ɛ̂yɑ́, ɑ nɑ́ mɔ́ɔ ɑ fíitɛ. Yɛ́su ɡẅɛɛ pɔ́ yɛ́, ŋ́ɡɑ́ wɛ́ mbɔ̌ tɑ́t-wɛ.

Lúkɑ́shi 9:56

Ŋ́ɡɛ pɔ́Ꞌɔ pɔ́p pɛ́pɔ́p tsʉꞋ ńdɔk pɔ wɛcɔ́ ndúŋ-lɑ́Ꞌ wɛ ndɛꞋ ńdɔk ŋ́ɡʉ.

Jɑ̂ŋ 10:32

Lɑ́ Yɛ́su pɛn ńcú mbɔ̌ pɔ́p ŋɡɔ: «Ŋ kɑ ɡɛ pʉʉ jʉ́ɔ mɛfɑꞋ sʉ́Ꞌnɛ tɛ ɛ́ zɑ́ɑ zɑ́ɑnɛ mi ɛ́ fúnɛ mbɔ̌ Tɑ̌ɑ mɔ, pʉʉ lɑk mɛŋɡɔꞋ nɛlɔk ńtɛ́mtɛ wɑ́ɑ ńjẅí pɑ́Ꞌɑ mbíꞋ yɛ́tɛ́ nǔu?»

Jɑ̂ŋ 16:32

Ŋkɑ́ sɛ́ ŋ́kuꞋ, tɛ ɛ́ zɛɛ ŋ́kuꞋ kuꞋnɛ, pɑ́Ꞌ pʉʉ ɡʉ ńtɑ́kŋɛ ɛ́sɑt zʉꞋ. Mbɑ wɔ̌ lɑ́ lɔk yɛ́ ɡúŋ, ńnɑ́ wɑ́ɑ zɛ́nɛ mɔ, lɑ́ ŋ kɛ́ mbɔɔ zɛ́nɛ mɔ pɔ́, pɛk Tɑ̌ɑ mɔ pɔ́nɛ.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 3:34

Ŋu ẅí Sɛ́ túunɛ wɛ́, ɑ cú mɛnu mí ɛ́ fúnɛ mbɔ̌ Sɛ́, mbíꞋŋɡɔ Sɛ́ ɡɑ́ Zẅikŋɛ yɛ́ mbɔ̌ wɛ́ kɛ́ ndẅiklɛ.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

ŊwɑꞋnɛ-Gɑŋntúu Yɛ́su Kɛlístɔ 10:37

Wɔ Ŋkʉʉ ẅîwɑ́ kɑ pɑ́ɑtɛ́nɛ nǔu ẅi Jɑ̂ŋ kɑ ɡɔ́ nuꞋ pʉɔ ŋki, ḿbɔ́ ɛ́sɑ́Ꞌ. Pʉʉ sɛ́ ńjí ŋɡɔ yɔ nu kɑ zɛ Ŋɡɑlilɛɛ, ḿbɛn ŋ́ɡʉ ɛ́sɑt zʉꞋ tsɛt Judɛ̂ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

Ɛ́bɛlʉʉ 1:9

Ɔ kɔŋ nu yi ɛ́ tʉ́ʉnɛ ndʉ́ŋndʉŋ, ḿbɑɑ yi ɛ́ kɑ́ tʉ́ʉ.» Ɛ́ yúu mi ɛ́ ɡɛnɛ pɛ́ jí, mɔ Sɛ́ wu kɑ zɔ́Ꞌnɛ wú ńdɔk wú ŋ́ɡɛ yúu, mbʉʉ yu pɔŋ nǔu tɛꞋ. Ŋ kɑ ɡɑ́ fuꞋ yú ńdɛɛ yɛ́ ɡɑŋku pú.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

1 Jɑ̂ŋ 2:20

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ. Ɛ́ yúu mi ɛ́ ɡɛnɛ pʉʉ pɛtsʉʉ jí nu nɛ́nẅín.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.