ŊwɑꞋnɛ-Gɑŋntúu Yɛ́su Kɛlístɔ 1:5 - Kɑɑ Fí

⁵ «Jɑ̂ŋ kɑ nuꞋ pʉɔ ŋki, lɑ́ ŋ́ɡʉ nǔu pʉʉ, mbɔ ɛ́ tsʉ́Ꞌ mɛcɔ́ mɛlɛ́Ꞌ, Sɛ́ nuꞋ wʉ́ʉ tsɛt Zẅikŋɛ Lɛ́ɛnɛ́nɛ.»

ŊwɑꞋnɛ-Gɑŋntúu Yɛ́su Kɛlístɔ 1:5 ပူးပေါင်းရင်းမြစ်များ

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Mɑtʉ̈ɔ 3:6

ńtʉ́ʉ mbi pʉɔtsʉʉ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.

Mɑ́lɛ́kúshi 1:8

Ɛ́ ɡʉ nǔu mɔ, mbɔ n nuꞋ wʉ́ʉ pɔ tsɛt ŋki. Lɑ́ ɑ ɡʉ ńtɔ́ ńnuꞋ wʉ́ʉ pɔ mbɔ̌ Zẅikŋɛ Lɛ́ɛnɛ́nɛ.»

Lúkɑ́shi 3:16

Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»

Jɑ̂ŋ 1:26

Jɑ̂ŋ tsɔ́Ꞌ mbɔ̌ pɔ́p ŋɡɔ ɛ́ ɡʉ nǔu mɔ, mbɔ n nuꞋ pʉɔ pɔ ndɑꞋ tsɛt ŋki. Wɛcɔ́ ŋu kɛ́ ḿbɔ́ tsɛtsɛt pʉʉ, pʉʉ pɛ́t kɛ́ jí wɛ́.

Jɑ̂ŋ 1:31

KwɑꞋ mɔ ŋkɑɑ pɔ́ ńjí ŋu ẅí ɑ ɡʉ ŋ́ɡɛ ḿbɔ́ jʉ́ pɔ́. Lɑ́ ŋ kɑ tɔ́ yɑ́ɑ, ḿbɔ́ ńnuꞋ pʉɔ ŋki nɛlɔk ŋ́ɡɛ pɑíslɑyɛ̂l jí wɛ́.»

Jɑ̂ŋ 1:33

KwɑꞋ mɔ ŋ kɑ zɛɛ m̄bɔɔ ḿbɔ́ ńjí wɛ́ pɔ́, lɑ́ Sɛ́ ẅi ɑ kɑ túunɛ wɑ́ɑ ŋɡɔ ŋ ɡʉ ńnuꞋ pʉɔ ŋki, jʉ́ ńcúnɛ mbɔ̌ mɔ ŋɡɔ: Ɔ ɡʉ ŋ́ɡɛ ńjʉ́ɔ zẅikŋɛ-lɛ́ɛnɛ́nɛ tɔ́ ńnɑ́ŋ nǔu ŋu. A jʉ́ ẅi ɑ ɡʉ ŋ́ɡɑ́ pʉɔ mbɔ̌ zẅikŋɛ lɛ́ɛnɛ́nɛ.»

ŊwɑꞋnɛ-Gɑŋntúu Yɛ́su Kɛlístɔ 10:45

Yɛ́su pɔ́p pɑpɛ́m pi pɔ́p lɑ́Ꞌnɛ ńtɔ́ ńcɑklɛ Pyɛ̂, pɔ́p m̄bɔ́ pɑyúdɑ. Pɔ́p jʉ́ɔ yɔ nu ɛ́ kʉꞋnɛ wɔ́p tɛꞋ, pɑ́Ꞌ Sɛ́ ɡɑ́nɛ Zẅikŋɛ Lɛ́ɛnɛ́nɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ pɔ pɑ́Ꞌ ɑ kɑ pɔ́ ŋ́ɡɑ́ mbɔ̌ pɔ́p ɡúu!

ŊwɑꞋnɛ-Gɑŋntúu Yɛ́su Kɛlístɔ 19:4

Pɔ̂l cú mbɔ̌ pɔ́p ŋɡɔ: «Jɑ̂ŋ kɑ pɔ́ ńnuꞋ pʉɔ ŋki ńdɔk ńnyɛt ŋɡɔ pɔ́p pɛ́m nɛkúpmɛ mɑt, lɑ́ ŋ́kɛ́ ḿbɔ́ ńcú mbɔ̌ lɑ́Ꞌ ŋɡɔ pɔ́p zɑ́p tʉ́m yɔ́p nǔu ŋu ẅí ɑ nzʉʉ yɛ́ ḿbɔ́ ńtɔ́, ńcú pɔ́Ꞌɔ, ŋɡɑŋ pɔ́ Yɛ́su.»

1 Kɔlɛ̂ŋtɛ 12:13

MbíꞋŋɡɔ Sɛ́ kɑ lɔk tɑ́Ꞌ Zẅikŋɛ wɛ́mɔ́Ꞌ ńtɛmtɛ wɛkŋɛ pɛtsʉʉ nɛpɔ́ yi pɛkŋɛ ɡʉ ńdɔk pɔ́Ꞌɔ, ḿbɔ́ tɑ́Ꞌ mbɑp-mbʉʉ, pʉɔ lɑɑ ḿbɔ́ pɔ pɑyúdɑ, kɛ pɔ pʉɔ pi pɔ́p kɑ́ pɔ́ pɑyúdɑ pɔ́ ɔɔ, mbɔ pɔ pɛkwɑɑ kɛ pɔ́ɔ-lɑ́Ꞌ ɔɔ, mbɔ Sɛ́ kɑ tɛmtɛ ńníꞋ tɑ́Ꞌ Zẅikŋɛ wɛ́mɔ́Ꞌ tʉ́m pɛkŋɛ pɛpɔ́p pɛtsʉʉ.

Tîtɛ 3:5

ɑ ɡɛ pɛkŋɛ luk. A ɡɛ pɔ́Ꞌɔ ɛ́ pɔɔ pɔ́ ŋɡɔ pɛkŋɛ ɡɛ mɛnu mi ɛ́ tʉ́ʉnɛ ndʉ́ŋndʉŋ pɔ́, lɑ́ ɛ́ mbíꞋŋɡɔ ɑ tsɑ́ɑ mɛjʉ́ŋ mɛkŋɛ. A kɑ suk mɛnu kɛpɔŋ mɛkŋɛ, ńdɛɛ nǔu Zẅikŋɛ Lɛ́ɛnɛ́nɛ ŋ́ɡɛ pɛ́ pí wɛkŋɛ nɛpí wɛ fí.