2 Pyɛ̂ 3:3 - Kɑɑ Fí

³ Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

2 Pyɛ̂ 3:3 ပူးပေါင်းရင်းမြစ်များ

Jɑ̂ŋ 12:48

Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

2 Timɔtɛ́ɛ 3:1

Timɔtɛ̂ɛ Jí ŋɡɔ, ɛ́ ɡʉ ńdɑ́Ꞌ ḿbɔ́ nǔu mɛndẅiknzʉʉ mɛlɛ́Ꞌlɑ́Ꞌ, zʉꞋ tɛn tɛꞋ.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

2 Pyɛ̂ 1:20

Yúu mi pʉʉ ɡẅɛɛ nɛpiitɛ ńjí ɛ́ pɔ́ ŋɡɔ: Yɛcɔ́ sẅiŋɛ-ncẅiŋkʉʉ-Sɛ́ yi ɛ́ tsɛt ŋwɑꞋnɛ-Sɛ́, ḿbɔ́ yi ɛ́ lɑɑ ḿbɔ́ ŋu lɔk jínu yɛ́ zɛ́nɛ jʉ́ ŋ́kyɛ́Ꞌtɛ ɛ́ kɑ́ pɔ́ ɡú pɔ́

2 Pyɛ̂ 2:10

A ŋ́ɡɛ ḿbɔ́ lɛ́Ꞌ ɛ̂yɑ́, ḿbiitɛ ńtsuŋ ńzɑ́p ŋɡʉ̈ɔ́Ꞌ pɔ tú-pʉɔ pi pɔ́p ńnɑ́ŋnɛ ŋ́ɡɛ yúu mi mbʉʉ yɔ́p tsʉ́ʉnɛ́nɛ wɔ́p nɛɡɛ, ńnɑ́ŋ ńtsɑ́ɑ mɛnu-ncɛ́llɛ́. Sɛ́ cú nu pɔ́p ɡwɑ́k ɡwɑ́knɛ. PɑzíꞋ pʉɔ nɛ́ cɔtnu, pɔ́p kwɛn nzɔꞋ yɔp tɛꞋ, ḿbɛ́m mɛ́m tɛ mbɔɔ pɔ́k nɛzɔɔtɛ mɛzẅikŋɛ mi ɛ́ ɡẅɛɛnɛ nɛɡúꞋ pɔ́.

1 Jɑ̂ŋ 2:18

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.

Jẅidɛ 1:16

Pʉɔ ɛ̂pɑ́ nɑ́ŋ ŋkɑ́ tsʉʉ nu pɔ́ ńzɑ́ŋ wɔ́p zɑ́ŋnɛ, ḿbɔ́ ŋ́kíi ŋɡʉ̈ɔ́Ꞌ yɔp, ńnɑ́ŋ ŋ́ɡɛ pɔ yúu mi mbʉʉ yɔp sɛ́ ńtsʉ́ʉnɛ wɔ́p nɛɡɛ, pɔ́p ŋkɑ́ tsʉʉ ɛ́sẅíi pɔ sẅiŋɛ yi pɔ́p lɔk ŋ́ŋɑ́Ꞌtɛ ŋɑ́Ꞌtɛ́nɛ, ḿbɔ́ ńdẅɑklɛ ŋu ḿbɔ́ ńjí pii yi pɔ́p ɡʉ ńjʉ́ nǔu wɛ́.

Jẅidɛ 1:18

Pɔ́p kɑ cú mbɔ̌ pʉʉ ŋɡɔ, ɛ́ ɡʉ ńdɑ́Ꞌ ḿbɔ́ nǔu ŋkɑ́ yi ndǔmbí ɡʉ ḿmɛ, pɛcɔ́ pʉɔ ɡwɛ wʉ́ʉ, ŋ́ɡɛ mɛnu kɛpɔŋ nǔu ntɛ́ yi mbʉʉ yɔp sɛ́ ńtsʉ́ʉnɛ wɔ́p nɛɡɛ pɔ́Ꞌɔ.