2 Pyɛ̂ 3:12 - Kɑɑ Fí

¹² ḿbɔ́ ńzẅíꞋlɛ ŋɡɔ lɛ́Ꞌlɑ́Ꞌ-Sɛ́ tɔ́, ḿbɔ́ ɛ́sɑ́Ꞌ tʉʉ nɛpɔ́ yi ɑ ɡʉ fɛ́Ꞌnɛ ńtɔ́. Lɛ́Ꞌ yi múk ɡʉ ńdɑ́Ꞌ ńtɔɔ nɛfɑŋ ɛ́ kɛ́mɛ, zʉꞋ tɔɔnɛ, mbɑ kʉ̈ɔ́ lɑ́ yi ɛ́ nɛfɑŋ síi ńcʉ́ɔtɛ.

2 Pyɛ̂ 3:12 ပူးပေါင်းရင်းမြစ်များ

2 Pyɛ̂ 3:10

Lɛ́Ꞌ lɑ́Ꞌ-Tsɑpʉɔ ɡʉ ńdɑ́Ꞌ ńtɔ́ pɔ pɑ́Ꞌ tsɔ́ŋ tɔ́nɛ lɑ́. Ɛ́ pɔ́ lɛ́Ꞌ ɛ̂yɑ́, nɛfɑŋ ɡɔ́ ḿmɛ, zʉꞋ zɔtnɛ tɛ pɛ́ pɔ́k. Yúu mi ɛ́ nɛfɑŋ puu ɛ́shí, tsɛ́tsɑ́Ꞌ pɔ́p yúu mi ɛ́ ndǔ puu mɛ.

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Jẅidɛ 1:21

Pʉʉ ɡɛ Sɛ́ kɛ́ ḿbɔ́ ŋ́kẅiꞋ ŋ́kɔŋ wʉ́ʉ kɔŋnɛ, ḿbɔ́ ńzẅíꞋlɛ ŋɡɔ Tsɑpʉɔ wɛkŋɛ Yɛ́su Kɛlístɔ ŋ́ɡʉ ŋ́ɡɛ pʉʉ ɡẅɛɛ luk kɛ́mɛ, mbíꞋŋɡɔ ɑ tsɑ́ɑ mɛjʉ́ŋ mʉ́ʉ.

Filipɛ 1:6

N jí ŋɡɔ jʉ́ Sɛ́ ẅí ɑ kɑ zɛnɛ mɛfɑꞋ sʉ́Ꞌnɛ tsɛt tʉ́m pʉʉ, ɡʉ ńdɔk ŋ́ɡʉ pɔ nɛ́ mbi tɛ ńdɑ́Ꞌ ŋ́kúu lɛ́Ꞌ yi Yɛ́su Kɛlístɔ ɡʉ ńdɑ́Ꞌ ḿbɛn ńtɔ́.

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

2 Pyɛ̂ 3:4

ńcú ŋɡɔ: Yɛ́su ŋkɑɑ cú ŋɡɔ ɑ ɡʉ ńtɔ́ pɔ́ɔ? Tɛ ɑ pɔ ɡɔ́? Pɛtɑ́t pɛk kɑ lɑ́Ꞌ mɔ́ ḿpfútɛ, yɛcɔ́ yúu ŋ́kɛ́ mbɔɔ kúpmɛ, mbɑ kʉ̈ɔ́ lɑ́ kɛ́ ḿbɔ́ pɔ pɑ́Ꞌ ɛ́ kɑ pɔ́nɛ tɛ ɛ́fúnɛ pɑ́Ꞌ pɛ́ kɑ niitɛ́nɛ ndǔmbí.

2 Pyɛ̂ 3:11

Pɑ́Ꞌ yúu ɛ̂pɑ́ ɡʉ ŋ́ɡɛ ḿmɛ lɑɑ, ɛ́ lɔk ɛ́sẅíi wʉ́ʉ nɛ́ ntɛ́ yi ɛ́ pɔ́ŋnɛ ŋɡɔ pʉʉ nɑ́ŋ pɔ́Ꞌɔ. Ɛ́ sɛ́ ḿbíkŋɛ ŋɡɔ pʉʉ nɑ́ŋ pɔ nǔu ntɛ́ yi Sɛ́ sɛ́ ŋ́kɔŋ, ńjí pɔ ndɑꞋ wɛ́,