2 Pyɛ̂ 2:3 - Kɑɑ Fí

³ Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

2 Pyɛ̂ 2:3 ပူးပေါင်းရင်းမြစ်များ

Mɑtʉ̈ɔ 23:14

(Pʉʉ pɛpʉ́ktú, pʉʉ pɑfɑlísɑy pɔ́p pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pʉʉ ɡɑŋ-mɛfʉklɛ, pʉʉ ɡẅɛɛnɛ pɛpfúk ńcẅɛ́ɛ mɛndɑ́ mɔ́p, ńtsʉ́Ꞌ nɛcɛꞋlɛ Sɛ́, ńcú nu ɛ́ sɑk, nɛlɔk ɛ́fú mík-pʉɔ, pɔ́p kwɑŋɛ ŋɡɔ pʉʉ pʉɔ sʉ́Ꞌnɛ. Ɛ́ ɡʉ ńdɛɛ pɔ́Ꞌɔ, pʉʉ lɑ́Ꞌ ŋ́kúu tsɛt ŋɡʉ̈ɔ́Ꞌ ɡwɛ́.

Lúkɑ́shi 18:8

Tsʉ́Ꞌnɛ ŋ kɛ sẅíi wʉ́ʉ, ɑ kɛ́ lɑ́ɑtɛ nɛtɔ́ ńcẅɛ́lɛ́ wɔ́p pɔ́. Lɑ́, tɛ ɛ́ pɑꞋɑ, Mɔ́ɔ-ŋu ŋ́ɡɛ ŋ́ɡɔ ńtɔ́ ndǔ tsɛ́tsɑ́Ꞌ, ńjʉ́ɔ pʉɔmɛsɔŋ pɔ́ ńzɑ́p tʉ́m nǔu Sɛ́?»

Lúkɑ́shi 20:20

Ŋ́ɡɔ́ɔ ńzɛ nɛpɔ́ ḿbɑ́tɛ wɛ́, ńtúu pɛ mɑ́nɑ́ŋ nzʉʉ yɛ, lɑ́ pɔ́p pɔ́ yɔ́p nzʉʉ yɛ pɔ pɑꞋ pʉɔ sʉ́Ꞌnɛ, lɑ́ ḿbɔ́ ńzẅíꞋlɛ pɑꞋ ɑ ɡɛ ɛ́fɑɑnɛ ntsu wɛ́, lɑ pɛ́ lɔk ŋ́ɡẅɛɛ wɛ́ ŋ́ɡɑ́ mbɔ̌ ŋɡɔ́mnɑɑ-Pɑlɔ́mɑ.

Lúkɑ́shi 22:47

A kɑ pɛ́t ńcú cúnɛ, nɔɔ-lɑ́Ꞌ tɔ́, tɛ Jẅídɑ ẅí ɑ ḿbɔ́nɛ wɛcɔ́ tɑ́Ꞌ ŋu tsɛtsɛt ɡɑŋku pɛ́ ntsɔ̌ppɑ́ nɛ́ nɛɡɛ́m pɔ́ mbi, ŋ́kẅɛ́Ꞌlɛ ńtɔ́ nɛ́ nɛjɔ́ŋ Yɛ́su, ńtɑ́ŋtɛ wɛ́, ńcɛꞋlɛ wɛ́.

Jɑ̂ŋ 2:16

ńcú mbɔ̌ pɑfɛn pɛpuutɛ ŋɡɔ: «Pʉʉ lɔk yúu mɑ́ ɛ́fú zɑꞋnɛ ŋ́ɡʉ! Pʉʉ pɑ́ɑ nɛlɔk zʉꞋ-Tɑ̌ɑ mɔ ŋ́ɡɛ zʉꞋ-mɛtɑ́ɑ.»

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

1 Tɛsɑlɔník 2:5

Pʉʉ sɛ́ ńjí sʉ́Ꞌnɛ ŋɡɔ pɛk ŋ́kɑɑ sẅiŋɛ sẅíŋɛ-lẅɑklɛ pɔ́, ŋ́kɛ́ mbɔɔ cú nu yi pɛk lɔk ńtsɑ́ɑ pii yi ɛ́ ɡʉ kúu pɑɑ pɛk pɔ́. Tɛ Sɛ́ pɔ́ ńjí.

1 Tɛsɑlɔník 5:3

Pʉɔmɛ́sɔŋ ɡʉ ńdɑ́Ꞌ ḿbɔ́ tɛ ḿbɔ́ ńcú ŋɡɔ: Mbɔ́tnɛ tsɛt lɑ́Ꞌ, pɔ́p pɔɔ pɛn ḿbɔ́ ńcʉ̈ɔꞋ pɔ́, lɑ́ mɑ́mɑ́ ŋɡʉ̈ɔ́Ꞌ ɡɔ́ɔ ŋ́kɛ́ ńtɔ́ nǔu pɔ́p pɑ́Ꞌ mɔ́ɔ nɑŋnɛ tɛ ńnɛ́m mɑŋɡɛ́ shǔutɛ lɑ́. Ŋu wɔp pɔɔ lʉ́ɔꞋlɛ tɛ ńduk pɔ́.

1 Timɔtɛ́ɛ 3:3

Ɛ́ kɑ́ píkŋɛ ŋɡɔ ɑ pɔ́ ŋu ẅí ɑ mɑꞋnɛ mbʉʉ yɛ nǔu mɛluꞋ pɔ́, ŋɡɔ ɑ sɑ́Ꞌ mbʉꞋ pɔ́. Ɛ́ píkŋɛ ŋɡɔ ɑ pɔ́ ŋu ẅí ɑ pɔ́tnɛnɛ, ŋu ẅí ɑ kɑ́ lɔɔ fɛꞋ pɔ́. Kɔɔ ɑ pɔ́ ŋu ẅí ɑ zɑ́pnɛ tʉ́m yɛ́ nǔu ŋkɑ́p.

1 Timɔtɛ́ɛ 3:8

Ɛ́ pɛn ḿbíkŋɛ ŋɡɔ pɑfɑꞋ mɛfɑꞋ tsɛt cúꞋlɛ-pʉɔ-Kɛlístɔ pɔ́ yɔ́p pʉɔ pi pɔ́p ɡẅɛɛnɛ mɛkuꞋ, ḿbɔ́ pɑsẅíi nu nɛ́nẅín, ḿbɔ́ pʉɔ pi pɔ́p kɛ́ mɑꞋ mbʉʉ yɔp nǔu mɛluꞋ pɔ́, ŋ́kɛ́ ḿbɔɔ pʉɔ pi pɔ́p kɔŋnɛ ŋkɑ́p ɡɑ́tɛ́ ɡɑ́tɛ́nɛ pɔ́.

1 Timɔtɛ́ɛ 6:5

ḿbɔ́ ŋkɑ́ tsʉʉ ńzɔŋ nu tsɛtsɛt pɔ́p zɔŋnɛ, ŋ́kwɑŋɛ yɔ́p fu wɔ́p, mbíꞋŋɡɔ pɔ́p kɑ́ pɛ́t ńjí nu nɛ́nẅín pɔ́, ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɛ́ sɛ̂ndúŋ ẅí ɑ ɡʉ ɛ́fú nǔu ŋ́ɡẅɛɛ ŋkɑ́p.

Tîtɛ 1:11

Ɛ́ píkŋɛ ŋɡɔ ɔ jʉ́ɔꞋ ntsu wɔ́p, mbíꞋŋɡɔ pɔ́p sɛ́ ńdɔk yúu mi pɔ́p zíꞋnɛ pʉɔ, ńtɛplɛ pʉɔ tsʉʉ tsɛt mɛtsɛ́nndɑ́. Ɛ́ pɔ́ yúu mi ɛ́ kɑ́ pɔ́ ḿbíkŋɛ nɛzíꞋ pɔ́, ńdɔk ńdɔɔ ŋkɑ́p.

Tîtɛ 1:7

N cú mbíꞋŋɡɔ, Pɑ́Ꞌ ŋu ẅí ɑ fɑꞋnɛ fɑꞋ-Sɛ́ lɑ́, ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kẅíinɛ lík yɛ́ kɛpɔŋ pɔ́. Kɔɔ ɑ pɔ́ ŋɡɑŋ nyɛt mbʉʉ, kɔɔ ɑ nɑ́ŋ ńzɑ́ŋ lɔ́ŋ, kɔɔ ɑ mɑꞋ mbʉʉ yɛ nǔu mɛluꞋ, kɔɔ ɑ pɔ́ ŋu ɡɑ́Ꞌlɛ́nɛ, kɔɔ ɑ lɔk ɡɑ́tɛ ńdɔɔ ŋkɑ́p.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

1 Pyɛ̂ 5:2

N cú mbɔ̌ pʉʉ pɑcẅɛ́ɛmbi ŋɡɔ pʉʉ tsiinɛ nɔɔ-njinjɔ-Sɛ́ yi ɑ kɑ ɡɑ́nɛ mbɔ̌ pʉʉ, kɔɔ pʉʉ tsiinɛ pɔ pɑ́Ꞌ ŋkɑ́ yi pɛ́ ɡẅɛɛ wʉ́ʉ ɡẅɛɛnɛ lɑ́, pʉʉ tsiinɛ nɛ́ tʉ́m sʉ́Ꞌnɛ, pɑ́Ꞌ Sɛ́ sɛ́ ŋ́kɔŋ. Kɔɔ pʉʉ ɡɛ pɑ́Ꞌ ŋkɑ́ yi pʉʉ lɔɔ ŋkɑ́p lɑ́, pʉʉ lɔk pɔ ŋkɔŋɛ.

2 Pyɛ̂ 1:16

Pɛk ŋ́kɑɑ kɛ́ ŋ́ɡɔ́ ɛ́sẅíi wʉ́ʉ pɑ́Ꞌ Yɛ́su Kɛlístɔ, Ndɛ wɛkŋɛ ɡʉ ŋ́ɡɛ ńtɔ́, nɛ́ nɛŋwɑ́ŋɛ wɛ, ɛ́fú pɔ nǔu mɛnu mɑ́pítsɔꞋ mi pɛk nɑ́ŋnɛ sɛ́ ńdɔk jínu ńdʉꞋlɛ pɔ́. Pɛk kɑ fú nǔu pɑ́Ꞌ pɛk lɔknɛ mík mɛ́k ńjʉ́ɔ nɛɡúꞋ wɛ.

2 Pyɛ̂ 2:1

Pɑcẅi Ŋkʉʉ-Sɛ́ pɛ́ cɔtnu kɑ pɔ́ yɛcɔ́ ŋkɑ́ ḿbɔ́ tsɛtsɛt pʉɔ-Íslɑyɛ̂l, ɛ́ ndʉ́ŋndʉŋ pɑ́Ꞌ pɑzíꞋ pʉɔ nɛ́ nu-Sɛ́ pɛ́ cɔtnu ɡʉ ŋ́ɡɛ ńcẅɛt tsɛtsɛt pʉʉ. Pɔ́p ɡʉ ŋ́ɡɛ ńdɔk pɔ ndɑ̌ɑ ndɑɑ ńzíꞋ pʉɔ nɛ́ cɔtnu, ɛ́ pɔ́ yi mbɔ ɛ́ pʉ́ʉpɛ tʉ́m-pʉɔ, ɛ́ pɔ́ pɔ́nɛ tɛ ḿmuŋɛ Ndɛ ẅí ɑ kɑ ɡɛnɛ pɔ́p luk, ŋ́ɡɛ pɔ́Ꞌɔ, ńdɔk ɛ́shuŋ ŋɡʉ̈ɔ́Ꞌ yi ɛ́ ɡʉ ḿbík wɔ́p, ɛ́ kɛ́ ḿbɔɔ líi nɛtɔ́ pɔ́.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

Jẅidɛ 1:11

Ndɔɔ tú pɔ́p mbíꞋŋɡɔ pɔ́p nɛn nǔu mɛku-Kɑ́yín, ḿbɔ́ ɛ́fɑɑnɛ ndúŋ mbíꞋ ŋkɑ́p pɑ́Ꞌ Mbɑlɑm. Pɔ́p pɔ́Ꞌɔ, mbɔ pɔ́p lɑ́kŋɛ mɔ́, mbíꞋŋɡɔ pɔ́p tʉʉ tú mbɔ̌ Sɛ́ pɑ́Ꞌ Kɔlɛ̂.

Jẅidɛ 1:15

Ńtɔ́ pɔ́Ꞌɔ, nɛzɑ́Ꞌ ntsɑŋ yɔ́p pʉɔ tsʉʉ, ńníꞋ ŋɡʉ̈ɔ́Ꞌ tú-pʉɔ kɛpɔŋ tsʉʉ mbíꞋ mɛfɑꞋ kɛpɔŋ mi pɔ́p kɑ fɑꞋnɛ. Mbɑ́ɑtɛ nǔu pʉɔ pɔ́p kɑ tʉʉnɛ tú mbɔ̌ Sɛ́, tɛ mbɑ nǔu sẅiŋɛ yɔ́p tsʉʉ yi ɛ́ pʉ́k pʉ́knɛ, yi pʉɔ kɛpɔŋ ɛ̂pɑ́ pi pɔ́p ŋ́kɑɑ ɡẅɛɛ mɛkuꞋ pɔ kɑ pɔ́ ńcú nǔu Sɛ́.

Jẅidɛ 1:16

Pʉɔ ɛ̂pɑ́ nɑ́ŋ ŋkɑ́ tsʉʉ nu pɔ́ ńzɑ́ŋ wɔ́p zɑ́ŋnɛ, ḿbɔ́ ŋ́kíi ŋɡʉ̈ɔ́Ꞌ yɔp, ńnɑ́ŋ ŋ́ɡɛ pɔ yúu mi mbʉʉ yɔp sɛ́ ńtsʉ́ʉnɛ wɔ́p nɛɡɛ, pɔ́p ŋkɑ́ tsʉʉ ɛ́sẅíi pɔ sẅiŋɛ yi pɔ́p lɔk ŋ́ŋɑ́Ꞌtɛ ŋɑ́Ꞌtɛ́nɛ, ḿbɔ́ ńdẅɑklɛ ŋu ḿbɔ́ ńjí pii yi pɔ́p ɡʉ ńjʉ́ nǔu wɛ́.

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.