2 Pyɛ̂ 2:18 - Kɑɑ Fí

¹⁸ Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

2 Pyɛ̂ 2:18 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 2:40

Pyɛ̂ kɑ pɛn ńtsuŋ ńcú nu mbɔ̌ pɔ́p nɛlɔk ɛ́sẅíi wɔ́p nɛ́ yúu mi ɑ sɛ́ ńjí nǔu Yɛ́su, ḿbɔ́ ńníꞋ mɛtʉʉ mɔ́p ńcú ŋɡɔ: «Pʉʉ fú tsɛtsɛt pʉɔ pinɛ pɔ́p ndǔ mbí ŋkɔ̂ɔnɛ pi pɔ́p kɑ fɑɑnɛ sɛ̂ndúŋ ńcẅɛt ńjí ŋɡɔ pʉʉ ɡʉ ńduk.»

ŊwɑꞋnɛ-Gɑŋntúu Yɛ́su Kɛlístɔ 8:9

Wɛcɔ́ ŋu pɔ́ tʉ́sɔŋ-Sɑmɑlîi ɛ̂wɑ́, lík yɛ́ pɔ́ ŋɡɔ Símɔ̂ŋ. Yɛ́ fɑꞋ pɔ́ nɛɡɛ nɛkɑŋ. Pʉɔ-Sɑmɑlîi pɔ́ ńdíŋɛ wɛ́ ḿmɑɑ mɑɑnɛ. A pɔ́ ŋɡɔ ɑ mɑ́mɑ́ ŋu,

Pʉɔ-Lɔ́mɑ 13:13

Pɛkŋɛ ɡẅɛɛ tsẅɛ́ sʉ́Ꞌnɛ nǔu pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡẅɛɛ pɔ́Ꞌɔ, ŋkɑ́ yi zʉꞋ sɛ́ ɛ́fúk, ḿbɑ́ɑ nɛkwɛ́t yúu kɛ nɛ́ nɔ́ mɛluꞋ pɔ́ nɛ́ ɡɛɡʉʉ, ḿbɑ́ɑ nɛ́ puutɛ mbɑ wɔ̌ lɑ́ pɛkŋɛ pɛpɔ́p nɔɔ nɔɔnɛ, ḿbɑ́ɑ yúu mi sʉ́ʉ ɡʉ kɔ́ wɛkŋɛ nǔu, ḿbɑ́ɑ nɛtɑ́k mɛfɛꞋ, ḿbɑ́ɑ kɛ́ɡʉ̈ɔꞋ.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

2 Tɛsɑlɔník 2:4

A ɡʉ ńdɑ́Ꞌ cẅɛt ńtʉ́ʉ, ŋ́ɡɔ́ɔ ŋ́kɛ́ ńzɛ nɛtɔꞋ pʉɔ ŋɡɔ kɔɔ pɔ́p pɛn ŋ́ɡúꞋlɛ yɛcɔ́ yúu tɛ mbɑ Sɛ́, ɛ́ pɔ́ ńcú ŋɡɔ jʉ́ lɛɛnɛ wɔ́p pɛ́tsʉʉ, ɑ ŋ́kúu mbɑ tsɛt zʉꞋ Sɛ́ nɑ́ŋnɛ, cú ŋɡɔ jʉ́ pɔ́nɛ Sɛ́.

Jɑ̂k 5:5

Pʉʉ kɑ nɑ́ŋ ndǔ tsɛ́tsɑ́Ꞌ ŋ́ɡẅɛɛ mɛyúu, ńtsɑ́ɑ kʉ̈ɔ́ ɔɔ ŋ́ɡẅɛɛ, ŋ́kwɛ́t yúu ŋ́ɡúꞋ pɑ́Ꞌ mɛyúumɛku mí pɔ́p zẅíꞋlɛ́nɛ lɛ́Ꞌ yi pɛ́ ɡʉ ŋ́ɡwɑt wɔ́p lɑ́.

2 Pyɛ̂ 1:4

Ɛ́ kɑ fú pɔ́Ꞌɔ, ɑ ɡɑ́ mɛyúu tʉʉndɛn mbɔ̌ pɛkŋɛ, ɛ́ pɔ́ mi ɛ́ ńcẅɛ́lɛ́ wɛkŋɛ tɛꞋ, ḿbɔ́ yi ɑ kɑ kɑꞋnɛ, ŋ́ɡɑ́ pɔ́Ꞌɔ, nɛpɔ́ yi pɛkŋɛ ɡʉ ńdɛɛtɛ nǔu mîmɑ́ mɛyúu, ŋ́kuꞋ nɛkʉɔ mɛnu-ntsɛ́llɛ́ mi ɛ́ tsɛt yɔ mbí, ɛ́fú nǔu yúu mi mbʉʉ yɛkŋɛ tsʉ́ʉnɛ́nɛ wɛkŋɛ nɛɡɛ, kʉɔ pɔ́Ꞌɔ, ńtsʉ́Ꞌ ŋ́ɡẅɛɛ pɔ tsẅɛ́ wɛ jʉ́ Sɛ́.

2 Pyɛ̂ 2:14

Yɔ́p jínu tʉ́ʉ pɔ nǔu pɑŋɡɛ́. Pɔ́p kɑ́ kɑ́ɑ nɛɡɛ nu kɛpɔŋ pɔ́. Pɔ́p lẅɑklɛ pʉɔ pi pɔ́p pɔ́t pɔ́tnɛ. Tʉ́m yɔ́p ŋkɑ́ tsʉʉ ńtʉ́ʉ pɔ nǔu pii yi mbɔ pɔ́p jʉ́. Ndɔɔ tú pɔ́p.

2 Pyɛ̂ 2:2

Pʉɔ tɛ ńzɑ́ɑ cʉ́ɔ nzʉʉ pɔ́p ńtsʉ́Ꞌ ŋ́ɡɛ pɔ mɛnu sʉ́ʉ. Pɛ́ lɛɛ nǔu pɔ́p, ńzɔɔtɛ sɛ̂ndúŋ-nu yi ɛ́ nɛ́nẅín.

2 Pyɛ̂ 2:20

Pʉɔ lɑɑ ńzɛɛ ńdɔk pɑ́Ꞌ pɔ́p jínɛ Tsɑpʉɔ Yɛ́su Kɛlístɔ ẅí ɑ ɡɛnɛ pɛkŋɛ luk, ɛ́fú nǔu ntsɛ́llɛ́ ẅi ɛ́ ndǔmbí ńcẅɛt, ŋ́ɡɛ ḿbɛn ḿbɛn tsɛtú, ḿbɛ́m mîmɑ́ mɛyúu puu ńjʉ́ wɔ́p, mbɔ pɔ́p ɡʉ ḿbʉ́k tɛ ńdɛɛ pɑ́Ꞌ pɔ́p kɑ zɛɛnɛ ḿbɔ́.

2 Pyɛ̂ 2:7

A kɑ fú zúꞋu ńcẅɛɛtɛ Lɔ̂t. A pɔ́ ŋu ẅí ɑ kɑ pɔ́ ŋ́ɡɛ pɔ yúu mi ɛ́ ndʉ́ŋndʉŋ mbi jʉ́ Sɛ́, tɛ ńjʉ́ɔ tsẅɛ́ kɛpɔŋ, pɔ́p mɛnu sʉ́ʉ mi pʉɔ pɛtʉ́sɔŋ ɛ̂pɑ́ kɑ pɔ́ ɛ́fʉꞋ tɛ ɛ́sɑ́Ꞌ sɑ́Ꞌnɛ, ɛ́ tsuŋ ḿbʉ́k wɛ́ tɛꞋ.

2 Pyɛ̂ 3:17

Pɛsúu pɑ́ɑ pɛ́ tʉʉndɛn, ɛ́ ɡʉ nǔu pʉʉ, mbɔ mɔ ńzɑ́Ꞌ njí ɛ́sẅíi wʉ́ʉ. Pʉʉ kɛ́ ńdɑk tú yʉ́ʉ, ḿbɔ́k pɑkɛ́kɔ́sʉ́ʉ nɛfúklɛ wʉ́ʉ pʉʉ fɑɑnɛ sɛ̂ndúŋ, ńzɛ nɛmʉ́Ꞌlɛ nǔu yúu mi tʉ́m yʉ́ʉ kɑ zɛɛnɛ ńtʉ́ʉ nǔu tɛ ńtʉ́ʉ.

Jẅidɛ 1:13

Pɔ́p pɑ́Ꞌ mɛnʉ́ʉ-ŋki mi ɛ́ sɛ́ ńtɛ́mɛ, mɛfɑꞋ-sʉ́ʉ mɔ́p sɑt zʉꞋ pɑ́Ꞌ mɛkyɑŋɛ mi ŋki lɔknɛ ɛ́sɑt zʉꞋ tsʉʉ lɑ́. Pɔ́p pɑ́Ꞌ pɛcʉ̈ɔ́Ꞌ-sɑŋ pi pɔ́p ɡɔ́ ḿbɔ́ ḿbúunɛ, mbɔ Sɛ́ kɑ niitɛ zʉꞋ yɔ́p tɑ́Ꞌ ŋkɑ́ tsɛt fɛ́m nzɛ́nzʉ́ʉ.

Mɛnu ɛ́ ńdɑ́Ꞌ ńcẅɛt 13:11

M bɛn ńjʉ́ɔ wɛcɔ́ ŋkʉꞋnɛ nɑɑ pɔ́ ɛ́fú tsɛt tsɛ́tsɑ́Ꞌ ńcẅɛt. Mɛndɔ́ŋ mɛ́ pɔ́ mɛmbɑ́ pɑ́Ꞌ mɛ́ mɔ́ɔ-Njinjɔ, tɛ ɑ pɔ́ ńcú nu pɑ́Ꞌ mɑ́mɑ́ nɔ́nɛŋɡɛ́m lɑ́.