2 Pyɛ̂ 1:8 - Kɑɑ Fí

⁸ MbíꞋŋɡɔ pʉʉ lɑɑ ḿbɔ́ ŋ́ɡɛ mɛnu mi pɛ́ kẅíinɛ lɑɑ, ḿbɔ́ ńdɔk ŋ́ɡʉ nɛ́ mbi, mbɔ ɛ́ ɡʉ ŋ́ɡɛ mbʉʉ yʉʉ zɑŋɛ nɛɡɛ yúu mi Sɛ́ kɔŋnɛ, ɛ́ pɛn ŋ́ɡɛ pʉʉ pɔ́ ŋ́kẅiꞋ ńjí ŋu ẅí Tsɑpʉɔ wɛkŋɛ Yɛ́su Kɛlístɔ jʉ́.

2 Pyɛ̂ 1:8 ပူးပေါင်းရင်းမြစ်များ

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Mɑtʉ̈ɔ 20:3

Nɛm yɛ́nɛ́pfuꞋú pɛn ŋ́kuꞋ, ɑ pɛn ńcẅɛt njɛ́Ꞌ yɛ́, ńjʉ́ɔ pɛcɔ́ ɡɑŋfɑꞋ pɛn ńtʉ́ʉ mɛfyɑkŋɛ-ndúŋ, mbɔɔ pɔ́ ŋ́ɡɛ yɛcɔ́ yúu pɔ́.

Mɑtʉ̈ɔ 20:6

A ɡɛ ḿbɔ́ ntsuŋkẅɛ́Ꞌ nǔu nɛm yɛ́tɑ́ɑ, ńcẅɛt, ńjʉ́ɔ pɛcɔ́ ɡɑŋfɑꞋ tʉ́ʉtɛ, ɑ píkŋɛ wɔ́p ŋɡɔ: «Mɛlɑ́Ꞌ kʉ̈ɔ́ pʉʉ tʉ́ʉ zɑꞋɑ tɛ ɛ́fú mbɑ́ꞋmbɑꞋɑ́ kɛ́ pɔ́ ŋ́ɡɛ yɛcɔ́ yúu?»

Mɑtʉ̈ɔ 25:26

Lɑ́, tɑ́t wɛ pʉ̈ɔt mbɔ̌ wɛ́ ŋɡɔ: «Ɔ ŋɡɑŋfɑꞋ kɛpɔŋ, ḿbɔ́ ndɔ́ŋ, ɔ kɑ pɔ́ ńjí ŋɡɔ n dɔ ŋ́kɑ́p yúu zʉꞋ yí mɔ ŋ́kɑɑ zúꞋu mɑꞋ, ḿbʉ̈ɔ́Ꞌ yúu zʉꞋ yí mɔ ŋ́kɑɑ zúꞋu pi.

Jɑ̂ŋ 15:2

«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

Jɑ̂ŋ 5:42

Lɑ́, mɔ pɔ́nɛ ńjí wʉ́ʉ, pʉʉ tʉ́m pʉʉ mbɔɔ Sɛ́ kɔŋ.

Pʉɔ-Lɔ́mɑ 12:11

Kɔɔ pʉʉ pɔ́ pɛlɔ́ŋ, pʉʉ pɔ́ pɔ ɡɑŋfɑꞋ. Pʉʉ lɔk tʉ́m yʉ́ʉ tsʉʉ ɛ́fɑꞋ mbɔ̌ Tsɑpʉɔ.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

2 Kɔlɛ̂ŋtɛ 13:5

Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

2 Kɔlɛ̂ŋtɛ 8:2

Ŋɡʉ̈ɔ́Ꞌ mɛntɛ́ mɛntɛ́ sɛ́ ŋ́kúu pʉɔ-Kɛlístɔ zúꞋu lɑ́, tʉ́m yɔ́p pɔ́ ńtsɑ́ɑtɛ tsɑ́ɑtɛ́nɛ tɛꞋ. Pɔ́p zɛɛ ḿbɔ́ pɔ pɛpúŋ tɛꞋ lɑ́, ŋ́ɡẅɛɛ tʉ́m sʉ́Ꞌnɛ nɛɡɑ́ yúu tɛ ɛ́ zɑ́ɑ zɑ́ɑnɛ.

2 Kɔlɛ̂ŋtɛ 8:7

Ɛ́ tʉ́ʉ nǔu kʉ̈ɔ́lɑ́ pʉʉ ɡɑ́nɛ fʉꞋ sʉ́Ꞌnɛ, pʉʉ zɑ́p tʉ́m nǔu Sɛ́ sʉ́Ꞌnɛ, ńjí nɛcú nu ɛ́ cẅɛt, ńjí nu-Sɛ́ kwɑꞋ sʉ́Ꞌnɛ, ńzɑŋɛ mbʉʉ ŋɡɔŋ ŋkɑ́ tsʉʉ, ŋ́ɡẅɛɛ ŋkɔŋɛ nzʉʉ pɛk, pɔ́Ꞌɔ lɑ́ pʉʉ pɛn ńnyɛt fʉꞋ sʉ́Ꞌnɛ nǔu yɔ fɑꞋ-pɔŋtʉ́m.

2 Kɔlɛ̂ŋtɛ 9:14

Nu yʉ́ʉ ɡʉ ŋ́kúu tʉ́m pɔ́p, pɔ́p nɑ́ŋ ḿbɔ́ ńcɛꞋlɛ Sɛ́ nǔu tú yʉ́ʉ, mbíꞋŋɡɔ pɔ́p jʉ́ɔ ŋɡɔ ɑ ɡɑ́ fuꞋ níinɛ yʉ́ʉ, pʉʉ ɡẅɛɛ tʉ́m sʉ́Ꞌnɛ tɛꞋ, lɑ́ mbɔ́ ńcẅɛ́lɛ pʉɔ pɑ́Ꞌɑ.

Filipɛ 1:9

Yúu mi mɔ sɛ́ ḿbɛn ńnɑ́ŋ ḿbúꞋ mbɔ́ mbɔ̌ Sɛ́ ńtsɑ́ɑ ŋɡɔ ɑ ɡɑ́ mbɔ̌ pʉʉ ɛ́ ŋɡɔ jʉ́ Sɛ́ ɡɛnɛ pʉʉ kẅiꞋ ŋ́ɡẅɛɛ ŋkɔŋɛ ńdɔk ŋ́ɡʉ nɛ́ mbi, ḿbɔ́ ńtsuŋ ńjí wɛ́ sʉ́Ꞌnɛ, ḿbɔ́ ńjí tɔŋ yi ɛ́ nǔu nu sʉ́Ꞌnɛ pɔ́p yi kɛpɔŋ.

Filipɛ 2:5

Pʉʉ ɡẅɛɛ kwɑŋɛ yí Yɛ́su Kɛlístɔ kɑ ɡẅɛɛnɛ.

Filipɛ 3:8

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii,

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

1 Tɛsɑlɔník 3:12

Pɛk pɛn ḿbɔ́ ńdɔ́ɔ ŋɡɔ Tsɑpʉɔ ɡɛ ŋkɔŋɛ yi pʉʉ ɡẅɛɛnɛ tsɛtsɛt pʉʉ, mbɑ yi pʉʉ ɡẅɛɛnɛ nǔu pɛcɔ́ pʉɔmɛsɔŋ tsʉʉ, ɛ́ kẅiꞋ kẅiꞋnɛ, ŋɡɔ ɑ ɡɛ ɛ́ pɔ́ pɑ́Ꞌ yi pɛk ɡẅɛɛnɛ nǔu pʉʉ,

1 Tɛsɑlɔník 4:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ ɛ́ pɔ́ pɔ ŋɡɔ pɛk kɑ sẅíi wʉ́ʉ nɛ́ ntɛ́ yi ɛ́ lɑɑ ḿbɔ́ pʉʉ lɔk ńnɑ́ŋ pɔ́Ꞌɔ, nu yʉ́ʉ pɔŋ Sɛ́. Ɛ́ ɡʉ ŋ́ɡɛ pɑ́Ꞌ lɑ́ pʉʉ pɔ́ ńnɑ́ŋ pɔ pɔ́Ꞌɔ. Lɑ́ pɛk pɛn ḿbɔ́ ḿbíkŋɛ mbɔ̌ pʉʉ, tɛ ḿbúꞋ pɔ mbɔ́ nǔu lík-Tsɑpʉɔ Yɛ́su ŋɡɔ, pʉʉ ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi.

2 Tɛsɑlɔník 1:3

Pɔ́ɔpɛ́mɑ́, pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ ŋɡɔŋ ŋkɑ́ tsʉʉ. Ɛ́ pɔŋ ŋɡɔ pɛ́ ɡɛ pɔ́Ꞌɔ, mbíꞋŋɡɔ pʉʉ kɑ́ pɔ́ ŋ́kɑ́ɑ nɛzɑ́p tʉ́m nǔu wɛ́ pɔ́, ḿbɛn ḿbɔ́ ŋ́ɡẅɛɛ ŋkɔŋɛ tsɛtsɛt pʉʉ ńdɔk ŋ́ɡʉ pɔ nɛ́ mbi.

1 Timɔtɛ́ɛ 5:13

Pɔ́p lɑɑ mbɔɔ ɡẅɛɛ yúu pɔ́p ŋ́ɡɛ pɔ́, pɔ́p tsʉ́Ꞌ pɛlɔ́ŋ, ḿbɔ́ ŋ́kɑ́t tsɛt mɛndɑ́, ɛ́ ɡɔ́ mɛkŋɛ ḿbʉ́k pɔ́p mɛꞋ ńtíi mɛlík-pʉɔ, ŋ́kɑ́t ŋ́kíɛꞋ mɛnu mi pɛ́ lɔɔ ŋ́kíɛꞋ pɔ́, ńcú nu nǔu mɛnu mi ɛ́ kɑ́ pɔ́ ńdíŋɛ wɔ́p pɔ́.

Tîtɛ 3:14

Ɛ́ píkŋɛ ŋɡɔ pɔ́ɔpɛ́mɑ́ pɛkŋɛ nzʉʉ Kɛlístɔ ɡẅɛɛ nɛsɑ́Ꞌ tʉʉ ŋ́ɡɛ mɛnu sʉ́Ꞌnɛ, nɛlɔk ńcẅɛ́lɛ́ pʉɔ pi kwɑꞋ nu tʉ́ʉnɛ nǔu pɔ́p, kɔɔ pɔ́p pɔ́ pʉɔ kɛ pɛ́ ńdúꞋnɛ wɔ́p.

Filɛmɔ̂ŋ 1:6

Mɔ sɛ́ ḿbúꞋ mbɔ́ mbɔ̌ Sɛ́ ŋɡɔ ɑ lɔk pɑ́Ꞌ pɛkŋɛ tɛmtɛnɛ, ɛ́ fú nǔu nɛzɑ́p tʉ́m nǔu wɛ́ lɑ́, ŋ́ɡɛ ŋɡɔ ɔ tsuŋ ńjí mɛnu sʉ́Ꞌnɛ mi ɛ́ píkŋɛnɛ ŋɡɔ pûu ɡɛ lɑ ńdɔk ɛ́fɑꞋ mbɔ̌ Kɛlístɔ.

Ɛ́bɛlʉʉ 6:12

Kɔɔ pʉʉ tsʉ́Ꞌ pɛlɔ́ŋ. Tɛ ńtsʉ́Ꞌ pɔ́Ꞌɔ, pʉʉ pɛ́ɛ fʉꞋ nǔu pʉɔ pi pɔ́p lɔk nɛzɑ́p tʉ́m nǔu Sɛ́ mbɑ nɛzẅíꞋlɛ kɛ́ kɑ́ɑ, ńcẅɛ́ɛ yúu mi Sɛ́ kɑ kɑꞋnɛ nɛɡɑ́ mbɔ̌ pɔ́p.

2 Pyɛ̂ 1:2

Sɛ́ pɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ sʉ́Ꞌnɛ, ɛ́fú nǔu pɑ́Ꞌ pʉʉ jínɛ wɛ́, ḿbɛn ńjí Tsɑpʉɔ wɛkŋɛ Yɛ́su.

2 Pyɛ̂ 1:3

Sɛ́ kɑ lɔk mɔ́ mɛtʉʉ mɛ́, ŋ́ɡɑ́ wɛkŋɛ nɛ́ mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɛkŋɛ ɡẅɛɛ lɑ ńdɔk ńnɑ́ŋ, ḿbɔ́ ńdɑt mbʉʉ yɛkŋɛ pɔ ndɑꞋ nǔu wɛ́. A kɑ zɛɛ ŋ́ɡɛ pɛkŋɛ jí jʉ́ Sɛ́ ẅi ɑ kɑ fúŋnɛ wɛkŋɛ pɑ́Ꞌ pɛkŋɛ pɛpɔ́p ɡʉ ńtɛmtɛ ḿbɔ́ tsɛt nɛɡúꞋ wɛ, ńjʉ́ pii pɔŋtʉ́m yɛ́.

2 Pyɛ̂ 2:20

Pʉɔ lɑɑ ńzɛɛ ńdɔk pɑ́Ꞌ pɔ́p jínɛ Tsɑpʉɔ Yɛ́su Kɛlístɔ ẅí ɑ ɡɛnɛ pɛkŋɛ luk, ɛ́fú nǔu ntsɛ́llɛ́ ẅi ɛ́ ndǔmbí ńcẅɛt, ŋ́ɡɛ ḿbɛn ḿbɛn tsɛtú, ḿbɛ́m mîmɑ́ mɛyúu puu ńjʉ́ wɔ́p, mbɔ pɔ́p ɡʉ ḿbʉ́k tɛ ńdɛɛ pɑ́Ꞌ pɔ́p kɑ zɛɛnɛ ḿbɔ́.

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.