2 Pyɛ̂ 1:12 - Kɑɑ Fí

¹² Ɛ́ yúu mi ɛ́ ɡɛnɛ ŋ ɡʉ ńdɑ́Ꞌ ńjúk kẅíitɛ wʉ́ʉ nɛ́ mɔnɛ mɛnu kẅíitɛ́nɛ tɛ mbɑ pɑ́Ꞌ pʉʉ sɛ́ ńjí, ḿbɛn ḿbɔ́ ńnɛn pɔ nǔu nu yi ɛ́ nɛ́nẅín yi pɛ́ kɑ sẅíinɛ wʉ́ʉ lɑ́.

2 Pyɛ̂ 1:12 ပူးပေါင်းရင်းမြစ်များ

1 Jɑ̂ŋ 2:21

Ŋ kɑ ɡɔ́ ŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ mbɔɔ ńdɔk ńcú ŋɡɔ pʉʉ kɑ́ pɔ́ ńjí nu nɛ́nẅín pɔ́ pɔ́. Ɛ́ pɔ́ pɔ nu yi pʉʉ sɛ́ ńjí. Pʉʉ pɛn ḿbɔ́ ńjí ŋɡɔ, mbɔ yɛcɔ́ cɔtnu pɔɔ tsɛt nu nɛ́nẅín cẅɛt.

Filipɛ 3:1

Ɛ́ nǔu ŋkɔ̂ɔnɛ, mbɑ̌ɑ pɔ́ɔpɛ́mɑ́ pɑ́ɑ, pʉʉ tsɑ́ɑtɛ tsɑ́ɑtɛ́nɛ ntɛ́ Tsɑpʉɔ. Ɛ́ lɑɑ ḿbɔ́ m bɔɔ kɑ́ɑ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nɛlɔk ŋ́kẅíitɛ wʉ́ʉ nɛ́ yúu mi ŋ kɑ zɛɛnɛ ńcú mbɔ̌ pʉʉ pɔ́. Ɛ́ ɡʉ ḿbyɛ́p wʉ́ʉ nɛvu nǔu ɡwɑk.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

Jẅidɛ 1:5

Mɔ sɛ́ ŋ́kɔŋ nɛkẅíitɛ wʉ́ʉ nɛ́ nu yi pʉʉ tsuŋ ḿbɔ́ ńjí sʉ́Ꞌnɛ, ɛ́ pɔ́ pɑ́Ꞌ Tsɑpʉɔ kɑ cẅɛɛtɛ́nɛ pʉɔ pɛ́ pʉɔ-Isɑyɛ̂l tsɛt ŋɡɔŋ-Ɛ́ɡíptɔ pɔ́p luk, ḿbɑ́ɑtɛ ŋ́ɡɛ pʉɔ pi pɔ́p ŋ́kɑɑ zɑ́p tʉ́m nǔu wɛ́ tsɛtsɛt pɔ́p pɔ́ lɑ́kŋɛ.

2 Jɑ̂ŋ 1:2

Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.

2 Pyɛ̂ 1:13

Lɑ́ ŋ kwɑŋɛ ŋɡɔ ŋkɑ́ yi m bɛ́t ntʉʉ lɑɑ, mɔ ŋ́kɛ́ ḿbɔ́ kẅíitɛ wʉ́ʉ nɛ́ mɔnɛ mɛnu kẅíitɛ́nɛ, ɛ́ lɔk jʉɔmɛ wʉ́ʉ.

Jẅidɛ 1:17

Lɑ́ ɛ́ ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅíitɛ mɛnu mi ɡɑŋntúu-Tsɑpʉɔ wɛkŋɛ Yɛ́su Kɛlístɔ kɑ zɑ́Ꞌnɛ njí ńcú mbɔ̌ pʉʉ.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.

2 Pyɛ̂ 3:17

Pɛsúu pɑ́ɑ pɛ́ tʉʉndɛn, ɛ́ ɡʉ nǔu pʉʉ, mbɔ mɔ ńzɑ́Ꞌ njí ɛ́sẅíi wʉ́ʉ. Pʉʉ kɛ́ ńdɑk tú yʉ́ʉ, ḿbɔ́k pɑkɛ́kɔ́sʉ́ʉ nɛfúklɛ wʉ́ʉ pʉʉ fɑɑnɛ sɛ̂ndúŋ, ńzɛ nɛmʉ́Ꞌlɛ nǔu yúu mi tʉ́m yʉ́ʉ kɑ zɛɛnɛ ńtʉ́ʉ nǔu tɛ ńtʉ́ʉ.

2 Pyɛ̂ 3:1

Pɛsúu pɑ́ɑ pɛ́ tʉʉndɛn, mɔ pɑ́Ꞌɑ ńdɔk ŋ́ɡɑ́ ŋwɑꞋnɛ mbɔ̌ pʉʉ ŋkɑ́ yɛ́pɑ́. Ɛ́ tsɛt mɛŋwɑꞋnɛ ɛ̂mɑ́, m bɔ́ ńdɔɔ nɛkẅíitɛ wʉ́ʉ nɛ́ yúu mi pʉʉ kɑ zíꞋnɛ, ńdɔk pɔ́Ꞌɔ, ḿbʉ́Ꞌtɛ jínu yʉ́ʉ ŋɡɔ ɛ́ kwɑŋɛ nu ndʉ́ŋndʉŋ.

2 Pyɛ̂ 1:15

Ŋ kɛ́ ḿbɔ́ ńtsuŋ ńniitɛ nǔu ntɛ́ yi mɔ ḿbɔ́ tɛ ḿpfú, pʉʉ tʉ́ʉ mbɑ nǔu mbɑ yɛ́tɛ́ nu ɔɔ, ŋ́kẅíitɛ yúu mi ŋ kɑ zíꞋnɛ wʉ́ʉ.

1 Pyɛ̂ 5:12

Sílɑs kɑ cẅɛ́lɛ́ wɑ́ɑ nɛŋwɑꞋnɛ wɔ mɔ́yúu ŋwɑꞋnɛ. A mbɔ̌ mɔ ḿbɔ́ mɔ́ɔmɑ́ ẅí ɑ jí yɛ́ pɔ ndɑꞋ nu-Yɛ́su. Ŋ ɡɑ́ yɔ ŋwɑꞋnɛ mbɔ̌ pʉʉ nɛlɔk ńníꞋ mɛtʉʉ mʉ́ʉ mbɑ nɛlɔk ńniitɛ ɛ́sẅíi wʉ́ʉ nɛ́ ntɛ́ yi Sɛ́ kɑ lɔknɛ mɛnu sʉ́Ꞌnɛ ŋ́ɡɑ́ fuꞋ níinɛ yɛkŋɛ, kwɑꞋ pɑ́Ꞌ ŋ ŋwɑꞋnɛnɛ lɑɑ. Pʉʉ tɛntɛ nǔu mɛnu ɛ̂mɑ́ sʉ́Ꞌnɛ.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

Ɛ́bɛlʉʉ 10:32

Lɑ́, Kɔɔ pʉʉ likŋɛ pɑ́Ꞌ ɛ́ kɑ pɔ́ nǔu mɛnduŋmbi mɛlɛ́Ꞌ, nǔu pɑ́Ꞌ pʉʉ kɑ pɔ́ tɛ Sɛ́ lɔk kyɛꞌ ŋ́kyɛꞋ wʉ́ʉ, pʉʉ jʉ́ɔ ŋɡʉ̈ɔ́Ꞌ tɛꞋ. Pɛ́ ḿmɑꞋ wʉ́ʉ nɛ́ ntsɔ tɛꞋ, lɑ́ pʉʉ kɛ ɛ́sʉk sʉknɛ.

2 Timɔtɛ́ɛ 1:6

Ɛ́ yúu mi ɛ́ ɡɛnɛ m bɔ́ ŋ́kẅíitɛ wú ŋɡɔ, yúu mi ŋ kɑ zɑ́pnɛ mbɔ́ mɑ́ɑ tú ɡu, Sɛ́ ɡɑ́ fuꞋ fɛ̌ɛ yú, ɔ kuꞋ nɛɡɛ, kɔɔ nɑ́ ɛ́ lɛ́.

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.

ŊwɑꞋnɛ-Gɑŋntúu Yɛ́su Kɛlístɔ 16:5

Pʉɔ-Kɛlístɔ pɔ́ ŋ́kẅiꞋ ńzɑ́p tʉ́m nǔu Sɛ́ ńdɔk ŋ́ɡʉ pɔ nɛ́ mbi. Ndɛn wɔ́p pɔ́ ḿbɔ́ lɛ́Ꞌ tsʉʉ, ŋ́kẅiꞋ kẅiꞋnɛ.

Kɔlɔsíyɛ̂ŋ 1:5

Pʉʉ ɡɛ pɔ́Ꞌɔ, mbíꞋŋɡɔ pʉʉ sɛ́ ńzẅíꞋlɛ yúu mi Sɛ́ kɑ niitɛ́nɛ ńzɑ́p tʉ́nɛ́pú mbíꞋ wʉ́ʉ. Pʉʉ kɑ ɡɔ́ ńjí yîyɑ́ yúu, ɛ́fú nǔu nu nɛ́nẅín yi pɛ́ kɑ sẅíinɛ wʉ́ʉ, yîyɑ́ nu nɛ́nẅín fú nǔu Ŋkʉʉ Sʉ́Ꞌnɛ.