2 Pyɛ̂ 1:1 - Kɑɑ Fí

¹ A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 1:1 ပူးပေါင်းရင်းမြစ်များ

Mɑtʉ̈ɔ 10:2

Mɛlík-ɡɑŋntúu-Yɛ́su ntsɔ̌ppɑ́ nɛ́ nɛɡɛ́m ɛ̂yɑ́ pʉ́ɔ: Nduŋmbi Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂. Wɛcɔ́ pɔ́ Ndɛlɛ́yɑ ḿbɔ́ mɔ́ɔmɑ́ pɛ́ Pyɛ̂. Pɛcɔ́ pɔ́ Jɑ̂k mɔ́ɔ-Zɛbɛ́dɛ́ɛ pɔ́p mɔ́ɔmɑ́ wɛ Jɑ̂ŋ,

Mɑtʉ̈ɔ 4:18

Yɛ́su ɡɛ ḿbɔ́ ńnɛn mbʉʉ nɛkʉŋ-ŋki-Ŋɡɑlilɛɛ, ńjʉ́ɔ pɔ́ɔpɛ́mɑ́ pɛ́pɑ́. Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂, mbɑ Ndɛlɛ́yɑ ẅí ɑ mɔ́ɔmɑ́ pɛ́ Símɔ ɛ̂wɑ́. Pɔ́p pɔ́ ḿmɑꞋ mɛŋkʉ ŋki. MbíꞋŋɡɔ pɔ́p ḿbɔ́ pɑmɑꞋshú.

Lúkɑ́shi 1:47

tʉ́m yɑ́ɑ sɛ́ ńtsɑ́ɑtɛ tɛꞋ nǔu Tsɑpʉɔ Sɛ́ Nzɑ́Ꞌŋkʉ wɑɑ.

Lúkɑ́shi 11:49

Mbɔ Sɛ́ kɑ zɑ́Ꞌ njí ńdɔk jínu yɛ́ ńcú ŋɡɔ: «Ŋ ɡɛ túu pɛŋɡɛ́mndʉ̈ɔ́Ꞌ pɑ́ɑ tɛ mbɑ pɛɡɑŋntúu pɑ́ɑ mbɔ̌ pɔ́p, pɔ́p ɡɛ ŋ́ɡẅɛɛ pɛcɔ́ jẅítɛ, ńnyɛt pɛcɔ́ nɛ́ ŋɡʉ̈ɔ́Ꞌ.»

Jɑ̂ŋ 1:42

Ńdɔk Símɔ̂ŋ, ŋ́ɡʉ nɛjɔ́ŋ Yɛ́su, Yɛ́su tsuŋ ńdíŋɛ Símɔ̂ŋ tɛ ńcú mbɔ̌ wɛ́ ŋɡɔ: «Ɔ Símɔ̂ŋ mɔ́ɔ-Jɑ̂ŋ. Pɛ́ ɡʉ ŋ́ɡɛ ɛ́fúŋ wú ŋɡɔ Kɛfɑs», ɛ́ lɔk ḿbɔ́ ńcú ŋɡɔ Pyɛ̂.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Jɑ̂ŋ 20:21

Yɛ́su pɛn ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ. Pɑ́Ꞌ Tɑ̌ɑ kɑ túunɛ wɑ́ɑ lɑ́, mɔ ńtúu wʉ́ʉ ɡúu.»

ŊwɑꞋnɛ-Gɑŋntúu Yɛ́su Kɛlístɔ 15:14

Símɔ lɔ sɛ́ nɛkẅíitɛ wɛkŋɛ nɛ́ nu yí Sɛ́ kɑ ɡɛnɛ nǔu pʉɔ pí pɔ́p kɑ́ pɔ́ pɑyúdɑ pɔ́. Yîyɑ́ nu pɔ́ ŋɡɔ tɛ ɛ́fú nzɛnɛ, Sɛ́ zɑ́p ŋɡɔ ɑ ɡʉ ŋ́ɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńtsɔ́Ꞌ pʉɔ ńdɔk ŋ́ɡɛ pʉɔ pí pɔ́p pɛ́.»

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Pʉɔ-Lɔ́mɑ 1:12

N dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ n dɑɑ ńtɔ́ ḿbɔ́ tsɛtsɛt pʉʉ, yʉʉ ntɛ́ nɛzɑ́p tʉ́m nǔu Sɛ́ ɡɔ́ ńní mɛtʉʉ mɑ́ɑ, yɑɑ ntɛ́ níꞋ mɛtʉʉ mʉ́ʉ ɡúu.

Pʉɔ-Lɔ́mɑ 1:17

Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

1 Kɔlɛ̂ŋtɛ 15:9

mbíꞋŋɡɔ mɔ tsɛtsɛt ɡɑŋntúu ḿbɔ́ wɛ nzʉʉ. N zɛɛ ŋ́kɛ́ mbɔɔ kuꞋ nɛpɔ́ yi mbɔ pɛ́ fúŋ wɑ́ɑ nɛ́ ŋɡɑŋntúu pɔ́, mbíꞋŋɡɔ ŋ kɑ nyɛt cúꞋlɛ-pʉɔ Sɛ́ nɛ́ ŋɡʉ̈ɔ́Ꞌ.

1 Kɔlɛ̂ŋtɛ 9:1

Mɔ pɑ́Ꞌɑ mbɔ m bɔɔ ɡɛ yúu nǔu ntɛ́ yi mɔ sɛ́ ńjí pɔ́ kíi? Ŋ kɑ́ pɔ́ ŋɡɑŋntúu-Yɛ́su pɔ́ ɔɔ? Mɔ ŋkɑɑ jʉ́ɔ yɑ́ɑ Tsɑpʉɔ wɛkŋɛ Yɛ́su pɔ́ ɔɔ? Pʉʉ ŋkɑɑ ɡɔ́ ńjí Tsɑpʉɔ, ɛ́fú pɔ nǔu fɑꞋ yi ɛ fɑꞋnɛ mbɔ̌ wɛ́ pɔ́ ɔɔ?

2 Kɔlɛ̂ŋtɛ 4:13

ŊwɑꞋnɛ-Sɛ́ cú ŋɡɔ: Ŋ kɑ zɑ́p tʉ́m nǔu Sɛ́, ɛ́ yúu mi ɛ́ kɑ ɡɛnɛ n cú nu, pɛk kɑ lɔk pɑ́Ꞌ pɛk zɑ́pnɛ tʉ́m nǔu Sɛ́, nǔu yîyɑ́ ntɛ́, ŋ́ɡẅɛɛ yɛ́k pɔ nɛcú nu Sɛ́,

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 2:8

Ɛ́ lɔk ḿbɔ́ ŋɡɔ Sɛ́ ẅí ɑ kɑ zɛɛnɛ ŋ́ɡɑ́ mɛtʉʉ mbɔ̌ Pyɛ̂, ńtúu wɛ́ mbɔ̌ pɑyúdɑ, jʉ́ kɑ pɛnnɛ ŋ́ɡɑ́ mɛtʉʉ mbɔ̌ mɔ, ńtúu wɑ́ɑ mbɔ̌ pʉɔ pí pɔ́p kɑ́ pɔ́ pɑyúdɑ pɔ́.

Ɛ́fɛ̂zɛ 3:5

Sɛ́ ŋkɑɑ kyɛꞌ yɔ ntsɛm yɛ́ mbɔ̌ pʉɔmɛsɔŋ pɛ́ ŋkɑ́mbi pɔ́. Ɛ́ kɛ́ ḿbɔ́ ŋkɔ̂ɔnɛ, mbɔ ɑ ɡɛ Zẅikŋɛ yɛ́ sɑ́ɑnɛ sɑ́ɑnɛ́nɛ ŋ́kyɛ́Ꞌ nu ɛ̂yɑ́ mbɔ̌ pʉɔ pi ɑ kɑ niitɛ́nɛ wɔ́p ńdɔk ŋ́ɡɛ ɡɑŋntúu-Yɛ́su mbɑ pi ɑ kɑ lɔknɛ wɔ́p ŋ́ɡɛ pʉɔ pi pɔ́p ɡʉ ńnɑ́ŋ cẅi Ŋkʉʉ ẅí ɛ́ fúnɛ mbɔ̌ yɛ́.

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

Ɛ́fɛ̂zɛ 4:5

Pɛkŋɛ pɛtsʉʉ ɡẅɛɛ pɔ tɑ́Ꞌ Tsɑpʉɔ wɛ́mɔ́Ꞌ, ńzɑ́p tʉ́m pɔ ndɑꞋ nǔu wɛ́ zɛ́nɛ jʉ́, mbɔ pɛkŋɛ pɛtsʉʉ kɑ tɛmtɛ ńcẅɛ́ɛ ŋki pɔ nǔu lík-tɑ́Ꞌ ŋu.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Filipɛ 1:29

A kɑ ɡɑ́ fuꞋ yʉ́ʉ, pʉʉ pɔ́ pʉɔ-Kɛlístɔ, lɑ́ ɛ́ kɛ́ mbɔɔ pɔ́ pɔ ndɑꞋ pɔ́Ꞌɔ pɔ́, ɛ́ pɛn ḿbɔ́ mbɑ nɛjʉ́ɔ ŋɡʉ̈ɔ́Ꞌ ntɛ́ Kɛlístɔ.

Filipɛ 3:9

nɛpɔ́ yi ŋ ɡʉ tsʉ́Ꞌ ḿbɔ́ pɔ nǔu mbɔ́ mɛ́, ḿbɔ́ m bɔɔ pɛn ńcú ŋɡɔ mɔ kɛ́fɑɑnɛ mbi Sɛ́, mbíꞋŋɡɔ n jí nɛpʉ́ʉ-pɑyúdɑ pɔ́. Mɔ mbi yɛ́ ḿbɔ́ kɛ́fɑɑnɛ mbíꞋ pɔ nu yi n zɑ́pnɛ tʉ́m yɑ́ɑ nǔu Kɛlístɔ, Sɛ́ ɡɛnɛ ŋɡɔ m bɔ́ ŋu nɛ́nẅín pɑ́Ꞌ wɛ́tɛ́ ŋu ẅí ɑ zɑ́pnɛ tʉ́m yɛ́ nǔu Kɛlístɔ lɑ́.

2 Timɔtɛ́ɛ 1:5

Ŋ kɑ́ likŋɛ ŋɡɔ ɔ zɑ́p tʉ́m nǔu Yɛ́su Kɛlístɔ tɛ ɛ́sẅíi nu pɔ́, ŋ kɑ́ likŋɛ ŋɡɔ mɑ́ wu wɛ ndʉ́m Lɔẅîs tɛ mbɑ mɑ́ wu Ɛnîs kɑ pɔ́ ŋ́ɡɛ pɔ pɔ́Ꞌɔ pɔ́. N jí ŋɡɔ mbɑ ɡu yú pɛn ńzɑ́p tʉ́m yú nǔu Yɛ́su pɔ pɑ́Ꞌ pɔ́p.

Tîtɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ɛ fɑꞋ fɑꞋ-Sɛ́, ḿbɛn ḿbɔ́ ŋɡɑŋntúu-Yɛ́su Kɛlístɔ. Sɛ́ kɑ zɑ́p wɑ́ɑ nɛɡɛ ŋɡɔ pʉɔ pi ɑ kɑ tsɔ́Ꞌnɛ zɑ́p tʉ́m nǔu wɛ́. Ḿbɛn ńjí nu nɛ́nẅín yi pɔ́p ńdɛɛtɛ nǔu ńnɑ́ŋ pɑ́Ꞌ ɛ́ pɔŋnɛ Sɛ́.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.

1 Pyɛ̂ 1:7

Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

1 Pyɛ̂ 2:7

Ɛ́ mbɔ̌ pʉʉ pɑzɑ́p tʉ́m nǔu wɛ́, ḿbɔ́ yúu mɛkuꞋ. Lɑ́ ŋ́ɡʉ nǔu pʉɔ pi pɔ́p kɑ́ pɔ́ ńzɑ́p tʉ́m nǔu yîyɑ́ ŋɡɔꞋ pɔ́, mbɔ pɛ́ kɑ ŋwɑꞋnɛ ŋɡɔ: «ŊɡɔꞋ yi pɑpɔ́ɔndɑ́ kɑ mɛꞋnɛ kɑ tsʉ́Ꞌ mɔ́ ŋɡɔꞋ-nɛlẅí-ndɑ́.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

2 Pyɛ̂ 1:4

Ɛ́ kɑ fú pɔ́Ꞌɔ, ɑ ɡɑ́ mɛyúu tʉʉndɛn mbɔ̌ pɛkŋɛ, ɛ́ pɔ́ mi ɛ́ ńcẅɛ́lɛ́ wɛkŋɛ tɛꞋ, ḿbɔ́ yi ɑ kɑ kɑꞋnɛ, ŋ́ɡɑ́ pɔ́Ꞌɔ, nɛpɔ́ yi pɛkŋɛ ɡʉ ńdɛɛtɛ nǔu mîmɑ́ mɛyúu, ŋ́kuꞋ nɛkʉɔ mɛnu-ntsɛ́llɛ́ mi ɛ́ tsɛt yɔ mbí, ɛ́fú nǔu yúu mi mbʉʉ yɛkŋɛ tsʉ́ʉnɛ́nɛ wɛkŋɛ nɛɡɛ, kʉɔ pɔ́Ꞌɔ, ńtsʉ́Ꞌ ŋ́ɡẅɛɛ pɔ tsẅɛ́ wɛ jʉ́ Sɛ́.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.