2 Kɔlɛ̂ŋtɛ 8:24 - Kɑɑ Fí

²⁴ Pɔ́p pɛ́pɔ́p lɑɑ ńtɔ́, pʉʉ ɡɛ tɛ pɔ́p jí ŋɡɔ pʉʉ sɛ́ ŋ́kɔŋ wɔ́p tɛ ɛ́sẅíi nu. MɛcúꞋlɛ-pʉɔ-Kɛlístɔ ɡɔ́ɔ ŋ́kɛ́ ńjí ŋɡɔ pɛk lɔk nu yʉ́ʉ ŋ́kɑꞋtɛ mbi pɔ́p pɑꞋnɛ tɛ ɛ́sẅíi nu.

2 Kɔlɛ̂ŋtɛ 8:24 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 9:31

Ɛ́ pɔ́ ŋkɑ́ yîyɑ́, ŋɡɔŋ pɑpɛ́m Yɛ́su tsʉʉ nɑ́ŋ tsɛt mɔ́fíitɛ. Pɛ́ pɔɔ pɛn ŋ́ɡɑ́ɑnɛ wɔ́p nǔu pɑk-ŋɡɔŋ-Judɛ̂ pɔ́. Tɛ mbɑ tsɛt pɑk-ŋɡɔŋ-Ŋɡɑlilɛɛ tɛ mbɑ Sɑmɑlîi. Pɔ́p pɛtsʉʉ pɔ́ ńtɔ́ɔtɛ mɛmbʉʉ mɔ́p, ŋ́kẅiꞋ ńtɛntɛ, ḿbɔ́ ńzúꞋ ntsu-Tsɑpʉɔ. Zẅikŋɛ-Sɛ́ pɛn ḿbɔ́ ńtɔ́ɔtɛ wɔ́p, ḿbɛn ŋ́ɡɛ ndɛn wɔ́p kẅiꞋ ńzɑ́ɑ.

2 Kɔlɛ̂ŋtɛ 7:14

Ɛ́ ɡɔ́ ḿbɔ́, mbɔ ŋ kɑ tʉ́ʉ mbi Titɛus ńnɑ́Ꞌ ńdɔk nu yʉ́ʉ ŋ́kɑꞋtɛ. A pɛn fú lɑ́Ꞌ pʉʉ, sʉ́ʉ kɛ́ mbɔɔ wɑ́ɑ kɔ́. Yúu mi pɛk kɑ pɔ́ ńdɔk nu yʉ́ʉ ŋ́kɑꞋtɛ mbi Titɛus nǔu, ɛ́ kɑ pɛn ńcẅɛt ḿbɔ́ pɔ nu nɛ́nẅín, ndʉ́ŋndʉŋ pɑ́Ꞌ pɛk ńjúknɛ ɛ́sẅíi wʉ́ʉ pɔ nɛ́ nu nɛ́nẅín lɑ́.

2 Kɔlɛ̂ŋtɛ 7:4

Mɔ ńtɛ́m mɔ́ ŋkwɛn yɑɑ ŋ́ɡɑ́ mbɔ̌ pʉʉ, n dɔk pɔ wʉ́ʉ ńtsɑ́ɑtɛ tɛꞋ, m bɛ́t ŋ́ɡẅɛɛ pɔ sʉk tɛꞋ, tsɑ́ɑtɛ tʉ́m mɔ tɛꞋ tɛ mbɑ pɑ́Ꞌ pɛk sɛ́ ńjʉ́ɔ ŋɡʉ̈ɔ́Ꞌ tɛꞋ lɑ́.

2 Kɔlɛ̂ŋtɛ 8:8

Ŋ kɑ́ pɔ́ ńcú pɑ́Ꞌɑ ńdɔk ńcú pɔ yɛcɔ́ nu yi pʉʉ ɡʉ ŋ́ɡɛ pɔ́. Ɛ sẅíi wʉ́ʉ pɔ pɑ́Ꞌ mɛcɔ́ mɛcúꞋlɛ-pʉɔ-Kɛlístɔ sɛ́ zɑŋɛ mbʉʉ ŋ́ɡɛ pɔ́Ꞌɔ, ńdɔk ŋ́ɡɑ́ wʉ́ʉ nɛ́ shʉ́ nɛɡɛ pɛ́ jí ŋɡɔ pʉʉ ɡẅɛɛ ŋkɔŋɛ tɛ ɛ́sẅíi nu.