2 Kɔlɛ̂ŋtɛ 8:19 - Kɑɑ Fí

¹⁹ Pɛk kɑ́ pɔ́ ńtúu wɛ́ zɛ́nɛ pɛk pɔ́, mɛcúꞋlɛ-pʉɔ-Kɛlístɔ kɑ pɛn ńtsɔ́Ꞌ wɛ́ ŋɡɔ pɛkŋɛ pɛ́pɔ́p tɛ́m ku, ńcúꞋlɛ yɔ ŋkɑ́p. Pɛk ɡɛ yɔ fɑꞋ-pɔŋtʉ́m nɛlɔk ŋ́ɡɛ Tsɑpʉɔ ɡẅɛɛ nɛɡúꞋ mbɑ nɛlɔk ńnyɛt ŋɡɔ pɛk sɛ́ ńtsɑ́ɑ nɛcẅɛ́lɛ pɛcɔ́ pʉɔ.

2 Kɔlɛ̂ŋtɛ 8:19 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 14:23

Tsɛt mɛtʉ́sɔŋ mɔ, zʉꞋ cúlɛ-pʉɔ-Kɛlístɔ zúꞋu pɔ́p tsɔ́Ꞌ pʉɔ pí pɔ́p ɡʉ ńcẅɛ́ɛ mbi tsɛt yîyɑ́ cúlɛ-pʉɔ-Kɛlístɔ. Tɛ ɛ́ kuꞋ, pɔ́p kɔŋ kɔŋnɛ, ńdʉꞋ yúu pɛjʉ́, ńcɛꞋlɛ Tsɑpʉɔ Sɛ́, ŋ́ɡɔ́ɔ ŋ́kɛ́ fɛ́ɛ wɔ́p mbɔ̌ Tsɑpʉɔ ẅi pɔ́p pɛ́mnɛ nu yɛ́.

ŊwɑꞋnɛ-Gɑŋntúu Yɛ́su Kɛlístɔ 15:22

Gɑŋntúu-Yɛ́su, pɔ́p pɑcẅɛ́ɛ mbi ŋ́ɡɛ ŋɡɔŋ mɛcúꞋlɛ-pʉɔ-Kɛlístɔ tsʉʉ mi ɛ́ Yɛlúsɑlɛm ɡɔ́ɔ ŋ́kɛ́ ńzɑ́p ŋɡɔ ɛ́ pɔŋ pɛ́ ɡʉ tsɛtsɛt pɔ́p, ńtsɔ́Ꞌ pɛcɔ́ ntɑ́Ꞌpʉɔ, ńtúu wɔ́p pɛ́ Pɔ̂l pɔ́p Pɑnɛpɑ́ɑshi Antíyɔshɛ. Ŋkwɑŋɛ pɔ́Ꞌɔ ńtsɔ́Ꞌ Jẅidɛ ẅí pɛ́ pɛnnɛ ɛ́fúŋ wɛ́ ŋɡɔ Mbɑlsɑbɑs, ḿbɛn ńtsɔ́Ꞌ Sílɑs. Pʉɔ pɔnɛ pɛ́pɑ́ pɔ́ pʉɔ pi pɔ́p cúnɛ nu pɛ́ zúꞋ.

ŊwɑꞋnɛ-Gɑŋntúu Yɛ́su Kɛlístɔ 15:25

Ɛ́ yúu mi ɛ́ ɡɛnɛ lɑ pɛk pɛtsʉʉ cúꞋlɛ ńzɑ́p ŋɡɔ pɛ́ tsɔ́Ꞌ pʉɔ, ńtúu wɔ́p mbɔ̌ pʉʉ. Pɔ́p Pɑnɛpɑ́ɑshi ŋ́ɡɛ Pɔ̂l, pɛtʉʉndɛn pɔ́ɔpɛ́mɑ́ pɛkŋɛ, pɔ́p tɔ́ ńjʉ́ɔ wʉ́ʉ,

ŊwɑꞋnɛ-Gɑŋntúu Yɛ́su Kɛlístɔ 19:22

Ŋ́kwɑŋɛ pɔ́Ꞌɔ, ńzɑ́Ꞌ njí ńtúu Timɔtɛ̂ɛ pɔ́p Ɛlɑ̂stɛ Mɑsɛ́ndwɑn, pɔ́p pɔ́ pʉɔ pinɛ pɔ́p cẅɛ́lɛ́nɛ wɛ́. Lɑ́ kwɑꞋ jʉ́ nɛ́ tú yɛ́ pɛn ńnɑ́Ꞌ ńzɛɛ ńnɑ́ŋ tsɛt pɑk-ŋɡɔŋ-Azîi.

ŊwɑꞋnɛ-Gɑŋntúu Yɛ́su Kɛlístɔ 19:29

Tʉ́sɔŋ tsʉʉ tsʉʉ tɑ́kŋɛ. Lɑ́Ꞌ ɡẅɛɛ Ŋɡɑẅîs pɔ́p Alistɑk, pɔ́p pɔ́ pʉɔ-Mɑsɛ́ndwɑn pi pɔ́p Pɔ̂l kɑ pɔ́ ńnɛn, ɛ́shuŋ wɔ́p ńdɔk ŋ́ɡʉ nɛ́ ndǔ yɛcɔ́ ntɛ́ zɑ́n yi pɛ́ cúꞋlɛ́nɛ zúꞋu, ŋ́ɡɛ mɛɡɑɑ.

Pʉɔ-Lɔ́mɑ 5:11

Pɛkŋɛ kɛ́ ḿbɔɔ ńdɔk pɔ ndɑꞋ yîyɑ́ nu tsɑ́ɑtɛ pɔ́, pɛkŋɛ pɛn ńtsɑ́ɑtɛ ntɛ́ pɑ́Ꞌ Sɛ́ lɛɛnɛ nǔu nu-Tsɑpʉɔ wɛkŋɛ Yɛ́su Kɛlístɔ ŋ́ɡɛ mbuu yi ɛ́ kɑ pɔ́nɛ tsɛtsɛt pɛkŋɛ pɛ Sɛ́ mɛ.

Pʉɔ-Lɔ́mɑ 5:3

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, pɛk pɛn ŋ́ɡẅɛɛ tsɑ́ɑtɛ tɛ mbɑ ŋkɑ́ yi pɛk sɛ́ ńjʉ́ɔ ŋɡʉ̈ɔ́Ꞌ, ḿbɔ́ ńjí ŋɡɔ ŋɡʉ̈ɔ́Ꞌ ɡʉ ŋ́ɡɛ pɛk sʉk.

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

2 Kɔlɛ̂ŋtɛ 8:11

pɑ́Ꞌ pʉʉ ɡʉ mɛk yîyɑ́ fɑꞋ yi pʉʉ kɑ zɛnɛ lɑ́. Pʉʉ ɡɔ́ mɛk yîyɑ́ fɑꞋ, mbɑ wɔ̌ lɑ́ ɡɑ́ pɔ yúu mi ɑ kuꞋnɛ nǔu. Ndʉ́ŋndʉŋ pɑ́Ꞌ pʉʉ kɑ lɔk zɑŋɛ mbʉʉ ŋ́kwɑŋɛ, pʉʉ pɛn ńdɔk zɑŋɛ mbʉʉ ŋ́ɡɛ.

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

2 Kɔlɛ̂ŋtɛ 8:20

Pɛk kɑ́ pɔ́ ŋ́kɔŋ ŋɡɔ pɛ́ zɔɔtɛ wɛ́k nǔu yɔ mɑ́mɑ́ nɛpuꞋ-ŋkɑ́p ni pɛ́ sɛ́ ńtsup ŋ́ɡʉ nníꞋ mbɔ̌ pɛk pɔ́.

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

2 Kɔlɛ̂ŋtɛ 9:8

Sɛ́ pɛn ŋ́kuꞋ pɑ́Ꞌ ḿbɔ́ ɑ ɡɑ́ yúu sʉ́Ꞌnɛ mɛntɛ́ mɛntɛ́ mbɔ̌ pʉʉ, nɛpɔ́ yi pʉʉ ɡʉ ḿbɔ́ ŋkɑ́ tsʉʉ ŋ́ɡẅɛɛ yúu mi ɛ́ sɛ́ ḿbíkŋɛ mbɔ̌ pʉʉ, tɛ ḿbɛn ŋ́ɡẅɛɛ mbɑ mi ḿbɔ́ pʉʉ lɔk ɛ́fɑꞋ mɛfɑꞋ sʉ́Ꞌnɛ nji nji.