2 Kɔlɛ̂ŋtɛ 8:18 - Kɑɑ Fí

¹⁸ Pɛk túu wɔ́p wɛcɔ́ mɔ́ɔmɑ́ wɛkŋɛ. A pɔ́ ẅi mɛcúꞋlɛ-pʉɔ-Kɛlístɔ tsʉʉ ɡɛnɛ mɛkuꞋ mɛ́ tɛꞋ, ɛ́fú nǔu yɛ́ ntɛ́ nɛníꞋ tú nǔu Ŋkʉʉ Sʉ́Ꞌnɛ.

2 Kɔlɛ̂ŋtɛ 8:18 ပူးပေါင်းရင်းမြစ်များ

Pʉɔ-Lɔ́mɑ 16:4

Ɛ́ kɑ tsʉ́Ꞌ mɔ́zʉꞋ pɔ́p pfú nǔu tú yɑ́ɑ. Mɔ kɑ́ pɔ́nɛ ndɑꞋ ŋu ẅí yɔ nu nɑ́ŋnɛ ḿbɔŋ wɛ́ pɔ́. Ɛ́ pɛn ḿbɔŋ mbɑ mɛcúꞋlɛ-pʉɔ-Kɛlístɔ mí ɛ́ tsɛt mɛlɑ́Ꞌ mi ɛ́ kɑ́ pɔ́ mɛ́ pɑyúdɑ pɔ́.

1 Kɔlɛ̂ŋtɛ 16:3

Mɔ ŋ́ɡɛ ńtɔ́, ńtúu pʉɔ pi pʉʉ tsɔ́Ꞌnɛ, ŋ́ɡɑ́ mɛŋwɑꞋnɛ mbɔ̌ pɔ́p, pɔ́p lɔk ŋ́ɡʉ Yɛlúsɑlɛm ŋ́ɡɑ́ ŋkɑ́p yi pʉʉ cúꞋlɛ́nɛ.

1 Kɔlɛ̂ŋtɛ 4:17

Ŋ ɡɔ́ ńtúu Timɔtɛ̂ɛ mbɔ̌ pʉʉ mbíꞋ pɔ pɔ́Ꞌɔ. A nǔu nu-Kɛlístɔ ḿbɔ́ mɔ́ɔ wɑ́ɑ wi ŋ kɔŋnɛ wɛ́ tɛꞋ. A jí pɔ ndɑꞋ nu-Tsɑpʉɔ. A ŋ́ɡɛ ńtɔ́ ŋ́kẅíitɛ wʉ́ʉ nɛ́ yúu mi n zíꞋnɛ pʉɔ nǔu nɛnɛn nzʉʉ Kɛlístɔ pɔ kwɑꞋ pɑ́Ꞌ mɔ sɛ́ ńtɔ́ mbɑ ɡɔ́ lɑ́ tsɛt mɛcúꞋlɛ-pʉɔ-Kɛlístɔ ńzíꞋ lɑ́.

1 Kɔlɛ̂ŋtɛ 7:17

Lɑ́ ŋ́ɡʉ nǔu mɔnɛ mɛnu tsʉʉ, mbɔ ɛ́ pɔŋ ŋɡɔ mbɑ wɔ̌ lɑ́ pɔ́ pɔ nǔu zʉꞋ yi Sɛ́ kɑ zɑ́pnɛ ŋɡɔ ɑ pɔ́ zúꞋu, ńnɑ́ŋ nǔu zʉꞋ yi Sɛ́ kɑ ɡɔ́ ɛ́fúŋ wɛ́ ɑ nɑ́ŋ zúꞋu. Ɛ́ yúu mi mɔ sɛ́ ńcú tsɛt mɛcúꞋlɛ-pʉɔ-Kɛlístɔ tsʉʉ ŋɡɔ pɛ́ ɡɛ.

2 Kɔlɛ̂ŋtɛ 12:18

Ŋ kɑ PúꞋ mbɔ́ mbɔ̌ Titɛus ŋɡɔ ɑ ɡʉ tɛ ńjʉ́ɔ wʉ́ʉ, ńtúu wɔ́p wɛcɔ́ mɔ́ɔmɑ́ wɛkŋɛ ẅí pʉʉ sɛ́ ńjí wɛ́ lɑ́. Kɛ Titɛus kɑ tɔ́ ɛ́fúklɛ wʉ́ʉ ńcẅɛ́ɛ yɛcɔ́ yúu mbɔ̌ pʉʉ ɔɔ? A ŋkɑɑ ńnɛn pɔ nǔu mɛku mɑ́ɑ pɔ́ ɔɔ? Pɛknɛ kɛ́ mbɔɔ ɡẅɛɛ pɔ tɑ́Ꞌ kwɑŋɛ pɔ́ ɔɔ?

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

2 Kɔlɛ̂ŋtɛ 8:19

Pɛk kɑ́ pɔ́ ńtúu wɛ́ zɛ́nɛ pɛk pɔ́, mɛcúꞋlɛ-pʉɔ-Kɛlístɔ kɑ pɛn ńtsɔ́Ꞌ wɛ́ ŋɡɔ pɛkŋɛ pɛ́pɔ́p tɛ́m ku, ńcúꞋlɛ yɔ ŋkɑ́p. Pɛk ɡɛ yɔ fɑꞋ-pɔŋtʉ́m nɛlɔk ŋ́ɡɛ Tsɑpʉɔ ɡẅɛɛ nɛɡúꞋ mbɑ nɛlɔk ńnyɛt ŋɡɔ pɛk sɛ́ ńtsɑ́ɑ nɛcẅɛ́lɛ pɛcɔ́ pʉɔ.