2 Kɔlɛ̂ŋtɛ 6:10 - Kɑɑ Fí

¹⁰ Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.

2 Kɔlɛ̂ŋtɛ 6:10 ပူးပေါင်းရင်းမြစ်များ

Mɑtʉ̈ɔ 5:12

Pʉʉ tsɑ́ɑtɛ ńzɔp ńnʉŋ, mbíꞋŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ tʉ́ nɛpú. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ, pɛ́ kɑ zɑ́Ꞌnɛ ku-pɛŋɡɛ́mndʉ̈ɔ́Ꞌ-Sɛ́ pinɛ pɔ́p kɑ piitɛnɛ ńtɔ́ lɑ́ pʉʉ tɔ́.

Mɑtʉ̈ɔ 5:4

Pɛpɔ́ttú pʉɔ pinɛ pɔ́p sɛ́ ŋ́kíi, mbíꞋŋɡɔ Sɛ́ ɡʉ ŋ́ɡɛ ńjíi ŋki-mík mɔ́p

Lúkɑ́shi 6:21

Pʉʉ pɛpɔ́ttú pʉʉ pi pʉʉ sɛ́ ḿpfú nji ŋkɔ̂ɔnɛ, mbíꞋŋɡɔ pʉʉ ŋ́ɡɛ ńzwɛ́t. Pʉʉ pɛpɔ́ttú pʉʉ pi pʉʉ ŋkɔ̂ɔnɛ ḿbɔ́ ŋ́kíi, mbíꞋŋɡɔ pʉʉ ŋ́ɡɛ ŋ́ɡwɛ.

Jɑ̂ŋ 16:22

Ɛ́ ndʉ́ŋndʉŋ pɑ́Ꞌ pʉʉ ŋkɔ̂ɔnɛ ḿbɔ́ ḿmʉk mʉknɛ, lɑ́ ŋ ɡʉ ŋ́ɡɛ ḿbɛn ńjʉ́ɔ wʉ́ʉ, pʉʉ ɡɔ́ɔ ŋ́kɛ́ ńtsʉ́Ꞌ ńtsɑ́ɑtɛ tsɑ́ɑtɛ́nɛ. Wɛcɔ́ ŋu pɔɔ kuꞋ nɛsɑꞋ yʉ́ʉ tsɑ́ɑtɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 16:25

Tʉʉ túꞋ ɡɛ ḿbɔ́ ŋ́kuꞋ, Pɔ̂l pɔ́p Sílɑs pɔ́ ńcɛꞋlɛ Sɛ́, ńzɔp ŋki ńdɔk ŋ́ɡúꞋlɛ wɛ́. Pɛcɔ́ ɡɑŋtsɑ́ŋ pɔ́ ńzúꞋ,

ŊwɑꞋnɛ-Gɑŋntúu Yɛ́su Kɛlístɔ 3:6

Pyɛ̂ cú mbɔ̌ wɛ́ ŋɡɔ: «Ŋ kɑ́ ɡẅɛɛ sɑ̌ɑ ŋkɑ́p pɔ́, ŋ́kɛ́ mbɔɔ tʉ́n-ŋɡɔ̂l ɡẅɛɛ, lɑ́ yúu mi ŋ ɡẅɛɛnɛ, mɔ ŋ́ɡɑ́ mbɔ̌ ɡu. N cú nǔu lík-Yɛ́su Kɛlístɔ mɔ́ɔ-Nɑ̌zɑlɛt: Lɔ sɛ́ ńnɛn.»

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Pʉɔ-Lɔ́mɑ 11:12

Ɛ́ lɑɑ ḿbɔ́ yi ɛ́ kɑ fú nǔu pɑ́Ꞌ pɔ́p tɛ́mnɛ ku yɔ́p, ndǔmbí tsʉʉ lɛɛtɛ nǔu ŋ́ɡẅɛɛ fuꞋ yi ɛ́ fúnɛ mbɔ̌ Sɛ́, ɛ́fú nǔu pɑ́Ꞌ pɔ́p vunɛ Sɛ́, pʉɔ pi pɔ́p kɑ́ pɔ́ pɑyúdɑ pɔ́ lɛɛtɛ yɔ́p nǔu ŋ́ɡẅɛɛ fuꞋ, mbɔ Sɛ́ ɡʉ ńdɑ́Ꞌ ḿbɔ́ tɛ ḿbʉꞋ wɔ́p pɛtsʉʉ, fuꞋ pɔɔ mɛkŋɛ ŋ́ɡɑ́Ꞌ pɔ́ ɔɔ?

Pʉɔ-Lɔ́mɑ 12:15

Pʉɔ lɑɑ ḿbɔ́ ńtsɑ́ɑtɛ pʉʉ pɛpɔ́p tɛmtɛ ńtsɑ́ɑtɛ, ḿbɔ́ ńdɑɑ pʉʉ pɛpɔ́p tɛmtɛ ńdɑɑ.

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

Pʉɔ-Lɔ́mɑ 8:32

Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

Pʉɔ-Lɔ́mɑ 9:2

Yîyɑ́ nu ɛ́ ŋɡɔ n nɑ́ŋ kwɑꞋ nɛ́ nɛmʉk, ḿbɛn ḿbɔ́ ńzúꞋ kɛ́kɑ́ŋ tʉ́m mɔ ŋkɑ́ tsʉʉ mbi pɔ́ɔpɛ́mɑ́ pɑ́ɑ pɑyúdɑ.

1 Kɔlɛ̂ŋtɛ 1:5

Pɑ́Ꞌ pʉʉ pɛ́ Kɛlístɔ kɑ kɛ́mɔ́ ńtɛmtɛ lɑ́, Sɛ́ kɑ fú pɔ́Ꞌɔ, ŋ́ɡɑ́ pɔ́fɑꞋ tsʉʉ mbɔ̌ pʉʉ. A kɑ ɡɛ pʉʉ kuꞋ nɛsẅíi nu yɛ́, ḿbɛn ŋ́ɡɛ pʉʉ kuꞋ nɛjínu nɛ́nẅín.

2 Kɔlɛ̂ŋtɛ 2:4

Ŋ kɑ pɔ́ ŋ́ŋwɑꞋnɛ ŋwɑꞋnɛ ɛ̂yɑ́, ńdɔk pɔ ŋki-mík, tʉ́m yɑ́ɑ pɔ́ ńzɑ́ŋ tɛꞋ, mbʉʉ yɑɑ pɔ́ ńcitɛ, lɑ́ mɔ ŋ́kɑɑ ŋ́kɛ́ ḿbɔ́ ŋ́ŋwɑꞋnɛ ńdɔk ŋ́ɡɛ ŋɡɔ pʉʉ mʉk pɔ́. Ŋ kɑ pɔ́ ŋ́ŋwɑꞋnɛ pɔ́Ꞌɔ, pɔ nɛlɔk ńnyɛt wʉ́ʉ nɛ mɑ́mɑ́ ŋkɔŋɛ yi ŋ ɡẅɛɛnɛ nzʉʉ pʉʉ.

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

2 Kɔlɛ̂ŋtɛ 4:7

Lɑ́ pɛk pi yɔ fuꞋ nǔu pɛk, pɛk pɔ́ pɔ pɑ́Ꞌ mɛkʉŋ-tsɑ́Ꞌ lɑ́. Ɛ́ fú nǔu pɛ́ jʉ́ɔ sʉ́Ꞌnɛ ŋɡɔ mîmɑ́ mɛtʉʉ mi fʉꞋ yɛ kɑ́ pɔ́ ɡú pɔ́, fú pɔ mbɔ̌ Sɛ́, ɛ́ kɑ́ pɔ́ fú mbɔ̌ pɛk pɔ́.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Ɛ́fɛ̂zɛ 3:16

mɔ sɛ́ ńdɔ́ɔ mbɔ̌ wɛ́ ŋɡɔ ɑ lɔk pɑ́Ꞌ nɛɡúꞋ wɛ ɡú tɛꞋ lɑ́, ḿbɛ́m, ŋ́ɡɛ Zẅikŋɛ yɛ́ ɡɑ́ yʉ́ʉ tʉʉ nɛpɔ́ yi tʉ́m yʉ́ʉ ɡʉ tsuŋ tɛntɛ tɛꞋ.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Filipɛ 2:17

Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.

Filipɛ 4:4

Ŋ ɡʉ ńcú mbɔ̌ pʉʉ ŋɡɔ tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ, mbíꞋŋɡɔ pʉʉ pʉɔ-Tsɑpʉɔ. M bɛn ńzɛ́plɛ ńcú mbɔ̌ pʉʉ ŋɡɔ, tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

1 Tɛsɑlɔník 1:6

Pʉʉ kɑ pɛ́ɛ fʉꞋ nǔu pɛk, mbɑ nǔu Tsɑpʉɔ. Pɛ́ zɛɛ ḿbɔ́ ńnyɛt wʉ́ʉ nɛ́ ŋɡʉ̈ɔ́Ꞌ tɛꞋ lɑ́, pʉʉ lɔk tsɑ́ɑtɛ yí ɛ́ fúnɛ mbɔ̌ Zẅikŋɛ Lɛ́ɛnɛ́nɛ, ḿbɛ́m sẅiŋɛ-tsɑpʉɔ.

1 Tɛsɑlɔník 5:16

Pʉʉ pɔ́ ńtsɑ́ɑtɛ tsɑ́ɑtɛ́nɛ ŋkɑ́ tsʉʉ.

1 Timɔtɛ́ɛ 4:8

Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.

1 Timɔtɛ́ɛ 6:18

Cú mbɔ̌ pɔ́p ŋɡɔ pɔ́p ɡɛ nu sʉ́Ꞌnɛ. NɛfɑꞋ mɛfɑꞋ sʉ́Ꞌnɛ pɔ́ yɔ́p fuꞋ, ŋɡɔ pɔ́p zíꞋ nɛɡɑp pɔ́, ńdɔk yúu pɔ́p ńcẅɛ́lɛ́ pʉɔ.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Pyɛ̂ 4:13

Pʉʉ tsʉ́Ꞌ ńtsɑ́ɑtɛ tsɑ́ɑtɛ́nɛ mbíꞋŋɡɔ pʉʉ sɛ́ ńjʉ́ɔ yʉʉ ŋɡʉ̈ɔ́Ꞌ pɑ́Ꞌ Kɛlístɔ, ɛ́ lɛɛ pɔ́Ꞌɔ, pʉʉ ɡɛ ḿbɔ́ tɛ ńjʉ́ɔ nɛɡúꞋ wɛ ḿbɛn ŋ́ɡẅɛɛ yʉ́ʉ mɑ́mɑ́ tsɑ́ɑtɛ.

Mɛnu ɛ́ ńdɑ́Ꞌ ńcẅɛt 2:9

Mɔ sɛ́ ńjí ŋɡʉ̈ɔ́Ꞌ yʉʉ, ḿbɔ́ ńjí ŋɡɔ pʉʉ pɔ́ pɔ pɛpúŋ, lɑ́ ŋ́kɛ́ ḿbɔ́ nǔu nɛjí Sɛ́ ḿbɔ́ ɡɑŋyúu. Mɔ, m bɛn ḿbɔ́ ńjí ŋɡɔ pʉɔ pí pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú, pɔ́p sɛ́ ŋ́kẅíi lík yʉ́ʉ kɛpɔŋ. Pɔ́p pɔ́ pɔ pʉɔ-cúꞋlɛ-Sɑ́ttɑ.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.