2 Kɔlɛ̂ŋtɛ 13:10 - Kɑɑ Fí

¹⁰ Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

2 Kɔlɛ̂ŋtɛ 13:10 ပူးပေါင်းရင်းမြစ်များ

1 Kɔlɛ̂ŋtɛ 4:21

Pʉʉ ɡʉ nǔu mɛnu mɔnɛ mɛmbɑ́ ŋ́kɑŋ yʉ́ʉ. Pʉʉ tsɑ́ɑ ŋɡɔ ŋ ɡɔ́ ńtɔ́ tsɛtsɛt pʉʉ ŋ́ɡẅɛɛ pɔ ŋɡwɑɑ kɛ ŋ ɡɔ ńtɔ́ tʉ́m wɑ́ɑ pɔ́ ḿbɔŋ pɔŋnɛ, m bɔ́ ŋ́kɔŋ wʉ́ʉ kɔŋnɛ?

1 Kɔlɛ̂ŋtɛ 5:4

«Pʉʉ lɑɑ ńcúꞋlɛ nǔu lík-Tsɑpʉɔ Yɛ́su. Mbɔ ɛ́ ńdɛɛ nǔu tɑ́ ntsu wɛkŋɛ m bɔ́ yɑ́ɑ pɔ sɛ́. Pʉʉ lɔk mɛtʉʉ-Tsɑpʉɔ Yɛ́su,

2 Kɔlɛ̂ŋtɛ 10:2

M búꞋ mbɔ́ mbɔ̌ pʉʉ ŋɡɔ kɔɔ pʉʉ ɡɛ nǔu ntɛ́ yi mɔ ŋ́ɡɛ ńtɔ́ tsɛtsɛt pʉʉ, ńcú nu pɔ nɛ́ cʉ́ɔk. Mɔ ŋ́ɡɛ ŋ́kɛ́ ńcʉ̈ɔ́k pʉɔ pi pɔ́p sɛ́ ńjʉ́ɔ yɔ́p pɔ ŋɡɔ pɛk ŋ́ɡɛ yɛ́k kʉ̈ɔ́ lɑ́ ńdɔk ńdɔɔ pɔ pii pɑ́Ꞌ mbɑ wɔ̌ lɑ́.

2 Kɔlɛ̂ŋtɛ 10:4

Yúu mi pɛk lɔknɛ ḿmɑꞋ ntsɔ kɑ́ pɔ́ pɔ yɛ pʉɔmɛsɔŋ pɔ́, mɛtʉʉ mi ɛ́ nǔu fú mbɔ̌ Sɛ́, nɛpɔ́ yi pɛk ɡʉ ńdɔk ɛ́sɑt kʉ̈ɔ́ lɑ́ yi ɛ́ tʉʉnɛ tú. Pɛk sɛ́ ńjɔ́Ꞌ mɛkwɑŋɛ mi ɛ́ pɔ́ pɔ mɛ́ cɔtnu.

2 Kɔlɛ̂ŋtɛ 10:8

Tsɑpʉɔ kɑ zɑ́pnɛ wɛ́k, nɛtʉ́ʉ mbi ńcú nu mbɔ̌ pʉʉ, nɛlɔk ŋ́ɡɛ cúꞋlɛ yʉ́ʉ kẅiꞋ ŋ́ɡʉ pɔ́p nɛ́ mbi, ɛ́ ŋkɑɑ pɔ́ nɛlɔk ńtɑ́k pɔ́. Ɛ́ lɑɑ ńzɛɛ ḿbɔ́ yi mɔ sɛ́ ńdɔk ẅîwɑ́ nɛpɔ́ ŋ́kɑꞋmɛ tɛ ɛ́ lɛɛ, mbɔ ɛ́ lɑɑ ḿbɔ́ sʉ́ʉ pɔɔ wɑ́ɑ kɔ́.

2 Kɔlɛ̂ŋtɛ 13:2

Mɔ zɑ́Ꞌnɛ njí ŋkɔ̂ɔnɛ, ḿbɛn ńcú nu mbɔ̌ pʉɔ pi pɔ́p kɑ ɡɔ́ ḿbɔ́ mɛcɔ́ mɛku, mbɔ pɔ́p ɡɛ mɛnu kɛpɔŋ mbɑ mbɔ̌ pʉɔ tsʉʉ. Ɛ́ nǔu lɔ́Ꞌnɛ, ŋ kɑ́ pɔ́ tsɛtsɛt pʉʉ pɔ́, lɑ́ mɔ ŋ́kẅíitɛ wʉ́ʉ nɛ́ nu yi ŋ kɑ cúnɛ mbɔ̌ pʉʉ ŋkɑ́ yi ŋ kɑ tɔ́nɛ lɑ́Ꞌ pʉʉ nǔu mbɑ́ɑtɛ yɛ́pɑ́. Ŋ kɑ cú ŋɡɔ ŋ ɡʉ ŋ́ɡɛ ńtɔ́, ńníꞋ ntsɑŋ tú-pʉɔ tsʉʉ pi pɔ́p fɑɑnɛ́nɛ nu.

2 Kɔlɛ̂ŋtɛ 13:8

Pɛk zɛɛ ŋ́ɡẅɛɛ yɛ́k pɔ nɛfúŋ nu yi ɛ́ nɛ́nẅín, pɛk kɑ́ ɡẅɛɛ nɛtɑ́ktɛ nu yi ɛ́ nɛ́nẅín pɔ́.

2 Kɔlɛ̂ŋtɛ 2:3

Ɛ́ yúu mi ɛ́ kɑ ɡɛnɛ ŋ ŋwɑꞋnɛ pɔ ŋwɑꞋnɛ ŋ́ɡɑ́ mbɔ̌ pʉʉ, nǔu ntɛ́ yi ŋ kɑ ŋwɑꞋnɛ́nɛ lɑ́, mɔ ŋ́kɑɑ ḿbɔ́ ŋ́kɔŋ nɛɡɔ́ ńtɔ́ lɑ́Ꞌ pʉʉ, ńjʉ́ɔ pʉɔ pɔ́p ɡɛ ŋ ɡẅɛɛ nɛmʉk lɑ́ mbɔ pɔ́p ḿbɔ́ ŋ́ɡʉ ŋ́ɡɛ tʉ́m yɑ́ɑ tsɑ́ɑtɛ tsɑ́ɑtɛ́nɛ pɔ́. Mɔ sɛ́ ńjí sʉ́Ꞌnɛ ŋɡɔ n dɑɑ ḿbɔ́ ńtsɑ́ɑtɛ, mbɔ pʉʉ ɡʉ ńtsɑ́ɑtɛ yʉ́ʉ.

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

Tîtɛ 1:13

Nu yi ɑ kɑ cúnɛ lɑɑ, ɛ́ nu nɛ́nẅín. Ɛ́ yɛ́tɛ́ lɑ́ ɛ́ sɛ́ ḿbíkŋɛ ŋɡɔ ɔ lɔk cʉ́ɔk ńcú nu mbɔ̌ pɔ́p, ńjí ŋɡɔ pɔ́p ɡʉ ńtsuŋ ńzɑ́p tʉ́m yɔ́p nǔu Sɛ́,