2 Kɔlɛ̂ŋtɛ 12:15 - Kɑɑ Fí

¹⁵ Ɛ́ ɡʉ nǔu mɔ, mbɔ ɛ́ pɔŋ wɑ́ɑ pɔŋnɛ nɛɡɑ́ kʉ̈ɔ́ lɑ́ yi ŋ ɡẅɛɛnɛ mbɔ̌ pʉʉ. Mbɔ m bɛn ŋ́ɡɑ́ mbɑ tú yɑ́ɑ mbíꞋ wʉ́ʉ. N dɑɑ ḿbɔ́ ŋ́kẅiꞋ ŋ́kɔŋ wʉ́ʉ pɔ ndɛnnú, yʉ́ʉ kɔŋnɛ nzʉʉ mɔ pɛn cẅɛ́tɛ cẅɛ́tɛ́nɛ ɔ́ɔ?

2 Kɔlɛ̂ŋtɛ 12:15 ပူးပေါင်းရင်းမြစ်များ

Pʉɔ-Lɔ́mɑ 9:3

Pɛkŋɛ pɛpɔ́p tɑ́Ꞌ njẅɛt. Ɛ́ kɑ pɔ́ yi mbɔ sɛ̂ndúŋ pɔ́ ɡú nɛpɔ́ yi Sɛ́ ɡʉ ḿbɑꞋnɛ wɑ́ɑ pɛk Kɛlístɔ pɛn ɛ́fɑkŋɛ, tɛ ɛ́ pɔ́ yi pɔ́ɔpɛ́mɑ́ pɑ́ɑ pɑyúdɑ ɡʉ ńdɛɛ nǔu ńjí ŋu ẅí Kɛlístɔ jʉ́, mbɔ ɛ́ lɑɑ ḿbɔ́ m bɔɔ lʉꞋ.

2 Kɔlɛ̂ŋtɛ 1:14

Pɑ́Ꞌ pʉʉ kɑ zɛnɛ nɛzúꞋ ntɛ́ ŋu ẅí mɔ jʉ́ lɑ́, ɛ́ ɡʉ ńdɑ́Ꞌ lɛ́Ꞌ yi Tsɑpʉɔ Yɛ́su Kɛlístɔ tɔ́nɛ, ŋ ɡɔ́ ḿbɔ́ mbɔ̌ pʉʉ ḿbɔ́ yʉ́ʉ yúu-kɑꞋmɛ, pʉʉ pɛn ḿbɔ́ yɑ́ɑ.

2 Kɔlɛ̂ŋtɛ 1:6

Pɛk lɑɑ ḿbɔ́ ńjʉ́ɔ ŋɡʉ̈ɔ́Ꞌ, mbɔ pʉʉ ɡʉ ńdúꞋnɛ, Sɛ́ lɛɛ nǔu, ńtɔ́ɔtɛ wʉ́ʉ, pʉʉ kɛ́ ḿbɔ́ pɔ nǔu sɛ̂ndúŋ-Sɛ́. Ɛ́ lɑɑ ḿbɔ́ yi Sɛ́ sɛ́ ńtɔ́ɔtɛ wɛ́k, mbɔ ɛ́ pɔ́ pɔ nɛlɔk ńtɔ́ɔtɛ wʉ́ʉ, pɔ́Ꞌɔ pʉʉ kuꞋ nɛsʉk nǔu ŋkɑ́ yi ntɛ́ ŋɡʉ̈ɔ́Ꞌ yi ɛ́ sɛ́ ŋ́kúu wɛ́k, kúunɛ wʉ́ʉ ɡúu.

2 Kɔlɛ̂ŋtɛ 11:11

N cú pɔ́Ꞌɔ, mɛlɑ́Ꞌ kʉ̈ɔ́? MbíꞋŋɡɔ ŋ kɑ́ kɔŋ wʉ́ʉ pɔ́ kɛkʉ̈ɔ́? Ŋɡɑ́ŋ, Sɛ́ sɛ́ ńjí ŋɡɔ ŋ kɔŋ wʉ́ʉ.

2 Kɔlɛ̂ŋtɛ 12:14

Ɛ́ pʉ́ɔlɑɑ yi mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ nǔu mbɑ́ɑtɛ yɛ́tɑ́t lɑɑ. Lɑ́ mɔ ńtɔ́, pʉʉ kɛ́ ḿbɔɔ wɛcɔ́ pɛ́ tú mɔ tɑ́ŋ, mbíꞋŋɡɔ ŋ kɑ́ pɔ́ ńtɔ́ lɔɔ yúu pʉ́ʉ pɔ́, n tɔ́ pɔ lɔɔ wʉ́ʉ. Ɛ́ zɛɛ ḿbɔ́ pɑꞋnɛ, ɡɛ́ɡɛ́ mbɔ́ŋkʉ̈ɔ́ kɑ́ ɡẅɛɛ nɛlɛp ŋkɑ́p ŋ́ɡɑ́ mbɔ̌ pɛtɑ́t pɔ́p pɔ́, pɛtɑ́t-pɔ́ɔ ɡẅɛɛnɛ nɛlɛp ŋkɑ́p ŋ́ɡɑ́ mbɔ̌ mbɔ́ŋkʉ̈ɔ́ pɔ́p.

2 Kɔlɛ̂ŋtɛ 12:9

ḿbúꞋ mbɔ́ mbɔ̌ wɛ́ pɔ́Ꞌɔ, ɑ tsɔ́Ꞌ ŋɡɔ, mɔ sɛ́ ńdíŋɛ wú, ńcẅɛ́lɛ wú, yú kuꞋ pɔ́Ꞌɔ, mbíꞋŋɡɔ ɔ pɔ́ tɛ ḿbɔ́ ḿbɔ́t pɔ́tnɛ lɑ ńdɔk ŋ́ɡɑ́ shʉ́ pɑ́Ꞌ mɑ́ɑ mɛtʉʉ ɡʉ tsuŋ ɛ́fɑꞋ. Ɛ́ yɛ́tɛ́ lɑ́ ŋ kɔŋ nɛpiitɛ ńdɔk pɑ́Ꞌ ḿbɔ́t pɔ́tnɛ ŋ́kɑꞋmɛ. Pɔ́Ꞌɔ, ńjí ŋɡɔ mɛtʉʉ-Kɛlístɔ ɡʉ ńtɔ́ ḿbɔ́ nǔu mɔ.

2 Kɔlɛ̂ŋtɛ 2:3

Ɛ́ yúu mi ɛ́ kɑ ɡɛnɛ ŋ ŋwɑꞋnɛ pɔ ŋwɑꞋnɛ ŋ́ɡɑ́ mbɔ̌ pʉʉ, nǔu ntɛ́ yi ŋ kɑ ŋwɑꞋnɛ́nɛ lɑ́, mɔ ŋ́kɑɑ ḿbɔ́ ŋ́kɔŋ nɛɡɔ́ ńtɔ́ lɑ́Ꞌ pʉʉ, ńjʉ́ɔ pʉɔ pɔ́p ɡɛ ŋ ɡẅɛɛ nɛmʉk lɑ́ mbɔ pɔ́p ḿbɔ́ ŋ́ɡʉ ŋ́ɡɛ tʉ́m yɑ́ɑ tsɑ́ɑtɛ tsɑ́ɑtɛ́nɛ pɔ́. Mɔ sɛ́ ńjí sʉ́Ꞌnɛ ŋɡɔ n dɑɑ ḿbɔ́ ńtsɑ́ɑtɛ, mbɔ pʉʉ ɡʉ ńtsɑ́ɑtɛ yʉ́ʉ.

2 Kɔlɛ̂ŋtɛ 4:12

Ɛ́ fú pɔ́Ꞌɔ, nɛvú ɡɔ́ ḿbɔ́ sɔŋ-mbʉʉ pɛk ḿbɔ́ ɛ́fɑꞋ yɛ́ fɑꞋ, luk pɔ́ ɛ́fɑꞋ yɛ́ fɑꞋ sɔŋ-mbʉʉ pʉʉ.

2 Kɔlɛ̂ŋtɛ 7:2

Ɛ́ pɛn ḿbɔ́ ḿbíkŋɛ ŋɡɔ pʉʉ ɡɛ tɛ pɛk jí ŋɡɔ nu yɛ́k ɛ́ tsɛt tʉ́m pʉʉ, pɛk kɑ́ fɑɑnɛ nu mbɔ̌ wɛcɔ́ ŋu pɔ́, pɛk ŋkɑɑ ɡɛ ŋu ɛ́fɑɑnɛ sɛ̂ndúŋ-Sɛ́ pɔ́, pɛk kɛ́ mbɔɔ fʉ́klɛ wɛcɔ́ ŋu ńjʉ́ yúu yɛ́ pɔ́.

2 Kɔlɛ̂ŋtɛ 7:3

Ŋ kɛ́ ḿbɔɔ ńcú pɑ́Ꞌɑ ńdɔk ńcú ŋɡɔ pʉʉ fɑɑnɛ yɛcɔ́ nu pɔ́. Mɔ ńzɛɛ mɔ́ ńdɑ́Ꞌ ɛ́sẅíi wʉ́ʉ ŋɡɔ, nu yʉ́ʉ ɛ́ tsɛt tʉ́m pɛk. Pɛk zúꞋ pɛkŋɛ pɔ́nɛ pɔ nǔu tɑ́Ꞌ nɔɔ, kɛ pɛkŋɛ sɛ́ ńzúꞋ pɔ sʉ́Ꞌnɛ ɔɔ, kɛ pɛkŋɛ pɔ́ pɔ ntsu nɛvú ɔ́ɔ.

Ŋɡɑlɑ̂t 4:10

Pʉʉ kɑꞋ ndɛn mɛcɔ́ mɛlɛ́Ꞌ nji, ŋ́kɑꞋ mɛ pɛcɔ́ pɛsɑŋ, ŋ́kɑꞋ wɛ mɛcɔ́ mɛfʉꞋ nɛ mɛ́ mɛcɔ́ mɛŋɡuꞋ tɛꞋ.

Filipɛ 2:17

Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

1 Tɛsɑlɔník 2:8

Pɛk kɑ kɔŋ wʉ́ʉ kɔŋnɛ tɛ ńtʉ́ʉ pɑ́Ꞌ ḿbɔ́ pɛk pɔɔ ɡɑ́ pɔ ndɑꞋ Ŋkʉʉ Sʉ́Ꞌnɛ nu-Sɛ́ mbɔ̌ pʉʉ pɔ́, pɑ́Ꞌ mbɔ pɛk pɛn ŋ́ɡɑ́ mbɑ tú yɛ́k, mbíꞋŋɡɔ ɛ́ kɑ ɡɔ́ ḿbɔ́, mbɔ pʉʉ tsʉ́Ꞌ yúu-tʉʉndɛn mbɔ̌ pɛk.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

Ɛ́bɛlʉʉ 13:17

Pʉʉ zúꞋ ntsu-pʉɔ pi pɔ́p tsiinɛnɛ wʉ́ʉ. Pʉʉ ɡɑ́ mbʉʉ sɛ́ mbi pɔ́p, mbíꞋŋɡɔ pɔ́p sɛ́ ńdíŋɛ wʉ́ʉ ŋɡɔŋ ŋkɑ́ tsʉʉ, ḿbɔ́ ńjí ŋɡɔ pɔ́p ɡʉ ńdɑ́Ꞌ ńtʉ́ʉ mbi Sɛ́ ḿbɛ́ɛtɛ ntɛ́ yi pɔ́p kɑ lɔknɛ ɛ́fɑꞋ tsɛtsɛt pʉʉ. Pɔ́Ꞌɔ lɑ́, pʉʉ ɡɛ nǔu ntɛ́ yi pɔ́p ɡʉ ɛ́fɑꞋ fɑꞋ yɔ́p nɛ́ tsɑ́ɑtɛ, tɛ pɔ́p pɔɔ pɔ́ tsẅii tsẅiinɛ pɔ́, mbíꞋŋɡɔ ɛ́ lɑɑ ḿbɔ́ pɔ́Ꞌɔ, pʉʉ pɔɔ lúꞋnɛ.