2 Kɔlɛ̂ŋtɛ 11:20 - Kɑɑ Fí

²⁰ Pʉɔ sɛ́ ńdɔk wʉ́ʉ ŋ́ɡɛ pɛkwɑɑ pɔ́p, pʉʉ ɛ́fɑꞋ pɔ́p jʉ́, pɔ́p sɛ́ ńjɔ yúu pʉ́ʉ, ḿbɔ́ ńnɔt wʉ́ʉ, ńtɔ́ pɔ́ nɛɡʉ̈ɔꞋ pʉʉ, pʉʉ pɛ́m pɛ́mnɛ.

2 Kɔlɛ̂ŋtɛ 11:20 ပူးပေါင်းရင်းမြစ်များ

Mɑ́lɛ́kúshi 12:40

ḿbɛn ńdɔk jínu ńcẅɛ́ɛ yúu pɛpfúk, ńtsʉ́ꞌ nɛcɛꞋlɛ Sɛ́, ńdɔk nɛcú nu ɛ́ sɑk, ɛ́fú mík-pʉɔ, Sɛ́ ɡʉ ńdɑ́Ꞌ ńzɑ́p yɔp ŋɡʉ̈ɔ́Ꞌ ɛ́ tɛn tɛꞋ.»

Lúkɑ́shi 6:29

Ŋu lɑɑ ńtswɑ́ɑ pɔ́ nɛtúutɛ wu, ɔ shɔt yɛcɔ́ ɡúŋ, ŋ́ɡɑ́ ɑ mɛkŋɛ ńtswɑ́ɑ! Ŋu lɑɑ ŋ́ɡẅɛɛ wú ńcẅɛ́ɛ ndẅí-fɑ́k yu, ɔ mɛkŋɛ ɛ́sɔt yi tsɛtú, ŋ́ɡɑ́ mbɔ̌ wɛ́!

1 Kɔlɛ̂ŋtɛ 4:11

Nji júk nɛzɑ́ŋ wɛ́k. Gɑ́k yɛ́k júk ɛ́shí. Ndẅí mɑꞋnɛ pɔɔ ɡú pɔ́. Pɛ́ júk pɔ nɛtswɑ́ɑ wɛ́k. Wɛcɔ́ nɛpɔ́ ẅi mbɔ pɛk pɔ́tnɛ ńnɑ́ŋ tɑ́Ꞌ zʉꞋ pɔɔ ɡú pɔ́.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

2 Kɔlɛ̂ŋtɛ 10:5

Pɛk sɛ́ ńnyɛt ŋɡɔ mɛsẅíŋɛ mi pʉɔ lɔknɛ ŋ́ŋɑ́Ꞌlɛ, ɛ́ pɔ́ ńtɔꞋ pʉɔ nɛjí nu-Sɛ́, ɛ́ kɑ́ pɔ́ yɛcɔ́ nu pɔ́, ɛ́sɑ́Ꞌ tʉʉ ŋ́kúpmɛ yúu mi pʉɔ ɡẅɛɛnɛ tʉ́m pɔ́p, ŋ́ɡɛ pîpɑ́ pʉɔ tsʉ́Ꞌ ńzúꞋ pɔ ntsu-Kɛlístɔ.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

2 Kɔlɛ̂ŋtɛ 12:16

Lɑ́, líkcɔ́ ɛ́ fú nǔu pɑ́Ꞌ mɔ ŋ́kɑɑ pɛ́m pʉʉ tɑ́ŋ pɛ́ tú mɔ pɔ́, pɛcɔ́ pʉɔ tsɛtsɛt pʉʉ sɛ́ ńcú ŋɡɔ jínu yɑ́ɑ ɡú tɛꞋ, mɔ sɛ́ ńdɔk jínu lɑ ńcẅɛ́ɛ ŋkɑ́p mbɔ̌ pʉʉ.

Ŋɡɑlɑ̂t 2:4

Tɛ mbɑ pɑ́Ꞌ pɛcɔ́ pɑcɔtnu ŋɡɔ pɔ́p pɔ́ɔpɛ́mɑ́ pɛk kɑ pɔ́ ŋ́kɔŋ ŋɡɔ pɛ́ púꞋ wɛ́. Pʉɔ ɛ̂pɑ́ kɑ sɔ́ ŋ́kúu tsɛtsɛt pɛk pɑ́Ꞌ pɛmɑ́nɑ́ŋ. Pɔ́p kɑ pɔ́ ńtɔ́ nɛjʉ́ɔ pɑ́Ꞌ pɛk pɛndẅǐi nǔu mɑt-pɑyúdɑ, ḿbɛn ḿbɔ́ ŋ́ɡɛ mɛ́k mɛnu pɔ́Ꞌɔ. Pɔ́p kɑ pɔ́ ńdɔɔ nɛlɔk wɛ́k ŋ́ɡɛ pɛkwɑɑ.

Ŋɡɑlɑ̂t 4:25

Ɛ́ pɛn ḿbɔ́ ŋɡɔ lík-Aŋɡɑɑ cẅɛ́Ꞌnɛ nǔu yɛ sinɑyi, nɛŋkɔ́Ꞌ ni ɛ́ ŋɡɔŋ Alɑbîi. Aŋɡɑɑ lɔk pɑ́Ꞌɑ ḿbɔ́ tʉ́sɔŋ-Yɛlúsɑlɛm wɛ ŋkɔ̂ɔnɛ, ɛ́ yi pɔ́p pʉɔ pɛ́ pɛtsʉʉ pɔ́ pɔ pɛkwɑɑ-nɛpʉ́ʉ.

Ŋɡɑlɑ̂t 4:3

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́tnɛ ḿbɔ́ pɑ́Ꞌ pɔ́ɔmbɔ́ŋkʉ̈ɔ́ lɑ́, pɛkŋɛ pɔ́ pɛkwɑɑ mbíꞋ nɛnɛn ẅí pɛkŋɛ nɛnnɛ nǔu tsɛt yɔ ndǔmbí.

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

Ŋɡɑlɑ̂t 5:10

Lɑ́ Tsɑpʉɔ kɛ́ ḿbɔ́ ŋ́ɡɛ n jí ŋɡɔ pʉʉ kɛ́ kẅiꞋ yɛcɔ́ yúu nǔu yúu mi ŋ kɑ zíꞋnɛ wʉ́ʉ pɔ́. M bɛn ḿbɔ́ ńjí ŋɡɔ ŋu ẅí ɑ sɛ́ ḿmɑꞋ ntɑkŋɛ tsɛtsɛt pʉʉ, ɑ lɑɑ ḿbɔ́ pɔ wɔ̌ lɑ́ ɔɔ, mbɔ Sɛ́ ɡʉ ŋ́ɡɛ ńzɑ́Ꞌ ntsɑŋ yɛ́.

Ŋɡɑlɑ̂t 6:12

Pʉɔ pi pɔ́p ɛ́fyɛ́t wʉ́ʉ fyɛ́tnɛ ŋɡɔ pʉʉ pɛ́m pɛ́ púꞋ wʉ́ʉ, ɛ́ pʉɔ pi pɔ́p lɔɔ pɔ nɛɡɛ yúu mi ɛ́ ɡʉ ḿbɔŋ pɑyúdɑ. Pɔ́p ɡɛ pɔ́Ꞌɔ, ńtsɑ́ɑ ŋɡɔ kɔɔ pɑyúdɑ kʉʉnɛ wɔ́p mbíꞋ ŋɡɔ pɔ́p tʉ́ʉ yɔ́p nǔu nu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

1 Tɛsɑlɔník 2:5

Pʉʉ sɛ́ ńjí sʉ́Ꞌnɛ ŋɡɔ pɛk ŋ́kɑɑ sẅiŋɛ sẅíŋɛ-lẅɑklɛ pɔ́, ŋ́kɛ́ mbɔɔ cú nu yi pɛk lɔk ńtsɑ́ɑ pii yi ɛ́ ɡʉ kúu pɑɑ pɛk pɔ́. Tɛ Sɛ́ pɔ́ ńjí.