2 Kɔlɛ̂ŋtɛ 11:15 - Kɑɑ Fí

¹⁵ Pʉʉ lɔk ńjʉ́ɔ ŋɡɔ, ɛ́ kɑ́ tɛn mbɔ̌ pɑfɑꞋ fɑꞋ-Sɑ́ttɑ nɛshɔtnɛ tɛ pɛ́ tsʉ́Ꞌ ńjʉ́ɔ wɔ́p ńcú pɔ ŋɡɔ pɔ́p pɑfɑꞋ fɑꞋ-Sɛ́ pɔ́. Lɑ́ ɛ́ ɡʉ ŋ́kɛ́ ńdɑ́Ꞌ tsʉ́Ꞌ nɛlẅiklɛ, pɔ́p cẅɛ́ɛ tsɔ́ꞋfɑꞋ ɛ́ pɔ́ pɔ pɑ́Ꞌ mɛfɑꞋ mɔ́p pɔ́nɛ.

2 Kɔlɛ̂ŋtɛ 11:15 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 13:10

ńcú mbɔ̌ wɛ́ ŋɡɔ: «Mɔ́ɔ-Sɑ́ttɑ, ɔ ŋɡɑŋ cɔtnu. Ɔ jí pɔ nɛfʉ́klɛ pʉɔ. Ɔ ŋɡɑŋmbuu-nu sʉ́Ꞌnɛ tsʉʉ, mbɑ kʉ̈ɔ́ lɑ́ yi Tsɑpʉɔ Sɛ́ ɡɛnɛ ɛ́ tʉ́ʉ ndʉ́ŋndʉŋ, ɔ ɡɔ́ɔ ŋ́kɛ́ ńtɑ́ɑ, ŋ́ŋɔ́Ꞌtɛ. Tɛ ɔ kɑ nɑ́ wɑ́ ndɛn pɑ́Ꞌɑ pɔ́ ɔɔ?

Pʉɔ-Lɔ́mɑ 2:6

Ńtsɔ́Ꞌ fɑꞋ mbɑ wɔ̌ lɑ́ pɔ́ nǔu pɑꞋ ŋɡɑŋ kɑ lɔknɛ ɛ́fɑꞋ pɔ́Ꞌɔ,

Pʉɔ-Lɔ́mɑ 3:8

Ŋu lɑɑ ńcú pɑ́Ꞌnɛ, mbɔ ɛ́ lɑɑ ḿbɔ́ pɛ́ cú ŋɡɔ: Pɛkŋɛ ɡɛ mɛnu kɛpɔŋ, ńjí ŋɡɔ nu sʉ́Ꞌnɛ ɡʉ ńcẅɛt nǔu. Pɛcɔ́ pʉɔ sɛ́ ɛ́sẅíŋɛ nǔu lík yɑ́ɑ ŋɡɔ mɔ cúnɛ pɔ́Ꞌɔ. Pîpɑ́ pʉɔ pi Sɛ́ ɡʉ ŋ́ɡɛ ŋ́ŋɑk wɔ́p.

1 Kɔlɛ̂ŋtɛ 9:11

Pɛk kɑ pi mbiyúu mi ɛ́ fúnɛ mbɔ̌ Sɛ́ tsɛtsɛt pʉʉ. Pɛk lɑɑ ḿbɔ́ pɑ́Ꞌɑ ŋ́ɡʉ nǔu yúu pʉ́ʉ, ŋ́ɡẅɛɛ yɛcɔ́ pɑ́Ꞌ pʉɔ pi pɔ́p fúnɛ ŋkɑ́Ꞌ lɑk yúu lɑ́, mbɔ pɛk lɔk ŋ́ɡɔ́ɔ ńjʉ́ pii yʉ́ʉ tɛ ɛ́ lɛɛ lɛɛnɛ kii?

2 Kɔlɛ̂ŋtɛ 11:13

Pʉɔ ɛ̂pɑ́ kɑ́ pɔ́ kwɑꞋ ɡɑŋntúu-Kɛlístɔ pɔ́, pɔ́p cɔtnu ŋɡɔ pɔ́p fɑꞋ fɑꞋ-Kɛlístɔ. Mbɔ pɔ́p kɑ ɡɛmɔ́ tɛ ḿbɔ́ yi pɛ́ lɑɑ ńjʉ́ɔ wɔ́p pɛ́ cú ŋɡɔ pɔ́p ɡɑŋntúu-Yɛ́su.

2 Kɔlɛ̂ŋtɛ 11:23

Kɛ pɔ pɑ́Ꞌ pɔ́p pɑfɑꞋ fɑꞋ-Kɛlístɔ? M bɔ́ ńcú nu kwɑꞋ pɑ́Ꞌ pɑ́lɛ́ lɑ́, ńcú ŋɡɔ mɔ ŋu ẅi ɛ fɑꞋnɛ fɑꞋ-Kɛlístɔ tɛ ńdɛɛ wɔ́p pɛ́tsʉʉ, ńcú pɔ́Ꞌɔ, ɛ́fú nǔu pɑ́Ꞌ ŋ kɑ kíɛ ziꞋnɛ ńdɛɛ wɔ́p, ɛ́fú nǔu ndɛn ẅi ŋ kɑ kúunɛ tsɑ́ŋ ńdɛɛ wɔ́p, ɛ́fú nǔu ndɛn ẅí pɛ́ kɑ tswɑ́ɑnɛ wɑ́ɑ ńdɛɛ wɔ́p, ɛ́fú nǔu ndɛn mɛŋkɑ́ tɛ ńzɑ́ɑ mi nɛvú kɑ nʉknɛ wɑ́ɑ ńdɛɛ wɔ́p,

2 Kɔlɛ̂ŋtɛ 3:9

Ɛ́ lɑɑ ḿbɔ́ yi nu nǔu fɑꞋ-nɛpʉ́ʉ ni tɛ mbɑ pɑ́Ꞌ ɛ́ ḿbɔ́ ŋ́ɡɛ pɛ́ pfú pfúnɛ, ɛ́ kɑ ɡẅɛɛ nɛŋwɑ́ŋɛ, mbɑ nu nǔu fɑꞋ yi ɛ́ ɡɛnɛ pʉɔ tʉ́ʉ ndʉ́ŋndʉŋ mbi Sɛ́ ɡʉ ŋ́kɛ́ ŋ́ɡẅɛɛ nɛŋwɑ́ŋɛ ńdɛɛ yîyɑ́,

Ɛ́fɛ̂zɛ 6:12

mbíꞋŋɡɔ pɛkŋɛ kɑ́ pɔ́ ŋ́ɡʉ ńdʉ̈ɔ́Ꞌ pʉɔmɛsɔŋ pɔ́. Pɛkŋɛ ɡʉ pɔ nɛlʉ̈ɔ́Ꞌ mɛzẅikŋɛ kɛpɔŋ mi ɛ́ tɛ tʉ́, ńdʉ̈ɔ́Ꞌ pɛtɑ́tndɑ́ pɔ́p, ḿbɛn ńdʉ̈ɔ́Ꞌ yúu mi ɛ́ tɛ tʉ́ ŋ́ɡẅɛɛ mɛtʉʉ, pɔ́p pʉɔ-ntɔ́Ꞌ-nzɛnzʉ́ʉ pi pɔ́p sɑ́Ꞌnɛ yɔ ndǔmbí.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

Mɛnu ɛ́ ńdɑ́Ꞌ ńcẅɛt 13:14

A kɑ lẅɑklɛ pʉɔmɛsɔŋ ndǔ tsɛ́tsɑ́Ꞌ nɛ́ ŋkʉꞋnɛ nu yi ɑ kɑ ɡɛnɛ mbi nduŋmbi nɑɑ. A kɑ píkŋɛ mbɔ̌ pʉɔ ndǔ tsɛtsɑ́Ꞌ ŋɡɔ pɔ́p ɡɛ tɛ́tɔ́k-nduŋmbi nɑɑ wɑ́, nduŋmbi nɑɑ ɛ̂wɑ́ kɑ lʉ́ɔ fʉ́ŋ lɑ́ ŋ́kɛ́ mbɔɔ pfú.

Mɛnu ɛ́ ńdɑ́Ꞌ ńcẅɛt 13:2

Nɑɑ ẅí ŋ kɑ jʉ́ɔnɛ kɑ pɔ́ pɔ pɑ́Ꞌ nɑɑŋɡwɛ, mɛku mɛ́ pɔ́ pɑ́Ꞌ mɛ́ wɛcɔ́ mɑ́mɑ́ ntsɔ̌p, ntsu wɛ́ ḿbɔ́ pɑ́Ꞌ wɛ púꞋntʉʉ. Mɑ́mɑ́ nɔ́nɛŋɡɛ́m wɑ́ ɡɑ́ mɛtʉʉ mɛ́ mbɔ̌ wɛ́, ŋ́ɡɑ́ kɔꞋ-nɛfɔɔ nɛ́ mbɔ̌ wɛ́, ŋ́ɡɑ́ nɛsɑ́Ꞌ pʉɔ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 9:11

Ŋu ẅí ɑ mbɔ̌ pɔ́p ḿbɔ́ pɑ́Ꞌ fɔɔ wɔp, ḿbɔ́ ɛ́sɑ́Ꞌ wɔ́p, pɔ́ zẅikŋɛ kɛpɔŋ ẅi ɑ ɡẅɛɛnɛ nu nǔu nɛpʉ́ kɛ́ ndúŋ ẅi lík yɛ́ nǔu sẅiŋɛ-Hɛbɛlʉ́ʉ ḿbɔ́ ŋɡɔ Ambɑdɔŋ, ḿbɔ́ nǔu sẅiŋɛ-pʉɔ-Ŋɡɛlɛ́k ḿbɔ́ ŋɡɔ Apɔlyɔŋ ńdɔk ńcú ŋɡɔ: ŋɡɑŋntɑ́k.