2 Kɔlɛ̂ŋtɛ 11:10 - Kɑɑ Fí

¹⁰ Mɔ ɛ́fú nǔu nu nɛ́nẅín-Kɛlístɔ yi ɛ́ tsɛt tʉ́m mɔ, ńcú mbɔ̌ pʉʉ ŋɡɔ, n dɑɑ ŋ́ɡʉ pɔ ɡɔ́ tsɛt Akɑ̂y, m bɔɔ mɛꞋ yîyɑ́ luk yi n dɔknɛ ŋ́kɑꞋmɛ pɔ́. M bɔɔ lɑ́Ꞌ yɛcɔ́ lɛ́Ꞌ ńcẅɛ́ɛ yúu mbɔ̌ ŋu wʉʉ pɔ́.

2 Kɔlɛ̂ŋtɛ 11:10 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 18:12

Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,

ŊwɑꞋnɛ-Gɑŋntúu Yɛ́su Kɛlístɔ 18:27

Apɔlɔ́s ɡɛ ḿbɔ́ ńtsɑ́ɑ nɛfú Ɛ́fɛ̂zɛ ŋ́ɡʉ nǔu pɑk-ŋɡɔŋ-Akɑ́y, pɔ́ɔpɛ́mɑ́ zúꞋ ńníꞋ mɛtʉʉ mɛ́, ŋ́ŋwɑꞋnɛ ŋwɑꞋnɛ ŋ́ɡɑ́ mbɔ̌ wɛ́, nɛpɔ́ yi ɑ ɡʉ ŋ́kúu zúꞋu, ŋ́ɡɑ́ mbɔ̌ pʉɔ-Kɛlístɔ pi pɔ́p zúꞋu pɔ́p kúkŋɛ wɛ́ sʉ́Ꞌnɛ. A ɡʉ tɛ ŋ́kúu zúꞋu, ńcẅɛ́lɛ́ pʉɔ-Kɛlístɔ pɑ́ꞋtɛꞋ, mbíꞋŋɡɔ Sɛ́ kɑ pɔ́ ńtɔ́ɔtɛ wɛ́,

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Pʉɔ-Lɔ́mɑ 16:5

Pʉʉ pɛn ḿbúꞋ mbɔ́ mbɔ̌ cúꞋlɛ-pʉɔ-Kɛlístɔ yi ɛ́ ndɑ́ pɔ́p. Pʉʉ cɛꞋlɛ Ɛpɛ́nɛt, mɔ́ɔmɑ́ wɑ́ɑ wɛ tʉʉndɛn. A nduŋmbi ŋu nɛzɑ́p tʉ́m nǔu Kɛlístɔ tsɛt pɑk-ŋɡɔŋ-Azîi.

Pʉɔ-Lɔ́mɑ 9:1

Nu yi ŋ ɡʉ ńcú lɑɑ, ɛ́ nɛ́nẅín. Pɑ́Ꞌ ŋ kɑ lɑt mɔ́ mbʉʉ nǔu Kɛlístɔ lɑ́, ŋ kɑ́ pɔ́ ŋ́ɡʉ ɛ́sẅíi cɔtnu pɔ́. Zẅikŋɛ Lɛ́ɛnɛ́nɛ sɛ́ ŋ́ɡɛ tʉ́m yɑ́ɑ sẅíi wɑ́ɑ ŋɡɔ nu yi mɔ ńcú ɛ́ nɛ́nẅín.

1 Kɔlɛ̂ŋtɛ 16:15

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ Stɛfɑnɑs pɔ́p tsɛ́nndɑ́ yɛ́, pɛluŋmbi-pɑzɑ́p tʉ́m nǔu Kɛlístɔ tsɛt ndɑ́ yʉʉ Akɑ̂y, pɔ́p sɛ́ ńníꞋ mɛtʉʉ ŋ́ɡɛ yúu mi cúꞋlɛ-pʉɔ-Kɛlístɔ ɡʉ ńdúꞋnɛ. Ɛ́ pɔ́Ꞌɔ, lɑ m bɛn ḿbɔ́ ḿbíkŋɛ wʉ́ʉ ŋɡɔ:

2 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

2 Kɔlɛ̂ŋtɛ 10:15

Pɛk kɑ́ pɔ́ ŋ́ɡʉ kɑꞋmɛ tɛ jɛ́Ꞌ wɛ́k ndẅiklɛ fɑꞋ, ńdɔk fɑꞋ-pʉɔ pɛndɛꞋ kɑꞋmɛ pɔ́. Pɑ́Ꞌ pʉʉ nǔu wɛ́k ndẅiklɛ fɑꞋ lɑ́, pɛk sɛ́ ńzẅíꞋlɛ ŋɡɔ wʉʉ nɛzɑ́p tʉ́m nǔu Sɛ́ kẅiꞋ ŋ́ɡʉ pɔ nɛ́ mbi. Nu yi pɛk kɑ cúnɛ ɛ́ cʉŋɛ mɛŋɑŋ tsɛtsɛt pʉʉ pɑ́Ꞌ ɛ́ sɛ́ ḿbíkŋɛ.

2 Kɔlɛ̂ŋtɛ 11:12

Ɛ́ yúu mi mɔ sɛ́ ŋ́ɡɛ, ŋ ɡʉ ḿbɛn ŋ́kẅiꞋ ŋ́ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi, ńjí ŋɡɔ ŋ ɡʉ ńdɔk ńzɑ́Ꞌ mɛku-pʉɔ pi pɔ́p sɛ́ ńdɔɔ mbɛ̌tntɑ́ŋ nɛlɔk ŋ́kɑꞋmɛ ńcú ŋɡɔ pɛkŋɛ pɛ́pɔ́p fɑꞋ pɔ tɑ́Ꞌ ntɛ́.

2 Kɔlɛ̂ŋtɛ 11:31

Sɛ́ ẅi ɑ tɑ́t pɛ́ Ndɛ wɛkŋɛ Yɛ́su Kɛlístɔ, jʉ́ Sɛ́ ẅi ɑ sɛ́ ḿbíkŋɛ ŋɡɔ pɛ́ ɡúꞋlɛ wɛ́ kɛ́ zɑ́Ꞌ nɛpɑt, ɑ sɛ́ ńjí ŋɡɔ ŋ kɑ́ pɔ́ ńcú pɑ́Ꞌɑ ńdɔk ńcʉ̈ɔt nu pɔ́.

2 Kɔlɛ̂ŋtɛ 12:19

Líkcɔ́, mbɔ pʉʉ ńdɑ́Ꞌmɔ́ ńzɛ nɛkwɑŋɛ ŋɡɔ pɛk sɛ́ ńdɔɔ nɛzɔŋ tú yɛ́k mbɔ̌ pʉʉ. Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Pɛk ɡɔ́ ńcú nu, ɛ́ pɔ́ pɔ nǔu ntɛ́ yi Kɛlístɔ sɛ́ ŋ́kɔŋ, pɛk pɛn ńtʉ́ʉ pɔ mbi Sɛ́ lɑ ńcú. Pɔ́ɔpɛ́mɑ́ pɑ́ɑ pɛ́ tʉʉndɛn, pɛk ɡɔ́ ńcú pɔ́Ꞌɔ, ɛ́ pɔ́ pɔ nɛlɔk ŋ́ɡɛ, pʉʉ kẅiꞋ ńzɑ́p tʉ́m yʉ́ʉ nǔu Sɛ́.

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

Ŋɡɑlɑ̂t 1:20

Yúu mi ŋ ŋwɑꞋnɛ́nɛ ɛ́sẅíi wʉ́ʉ lɑɑ, ɛ́ nɛ́nẅín. Mɔ, n tʉ́ʉ pɑ́Ꞌɑ mbi Sɛ́, ńcú ŋɡɔ ŋ kɑ́ pɔ́ ńcʉ̈ɔt nu pɔ́.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

1 Tɛsɑlɔník 2:10

Pʉʉ sɛ́ ńjí yúu mi pɛk kɑ ɡɛnɛ, Sɛ́ pɛn ḿbɔ́ ńjí yɛ́ mɑt wɛk tsɛtsɛt pʉʉ pɑpɛ́m sẅiŋɛ-sɛ́, Ɛ́ kɑ pɔ́ sʉ́Ꞌnɛ. Pɛk pɔ́ ndʉ́ŋndʉŋ yɛcɔ́ lɔ́Ꞌ yɛ́k pɔɔ ɡú pɔ́.

1 Tɛsɑlɔník 2:5

Pʉʉ sɛ́ ńjí sʉ́Ꞌnɛ ŋɡɔ pɛk ŋ́kɑɑ sẅiŋɛ sẅíŋɛ-lẅɑklɛ pɔ́, ŋ́kɛ́ mbɔɔ cú nu yi pɛk lɔk ńtsɑ́ɑ pii yi ɛ́ ɡʉ kúu pɑɑ pɛk pɔ́. Tɛ Sɛ́ pɔ́ ńjí.

1 Timɔtɛ́ɛ 2:7

Sɛ́ kɑ zɑ́pnɛ wɑ́ɑ ŋɡɔ m bɔ́ Ncẅiŋkʉʉ wɛ, ḿbɔ́ ŋɡɑŋntúu-Yɛ́su nɛcú yîyɑ́ nu. A kɑ ɡɑ́ mbɔ̌ mɔ ŋɡɔ n zíꞋ pʉɔ pi pɔ́p kɑ́ pɔ́ pɑyúdɑ pɔ́, nɛzɑ́p tʉ́m nǔu Kɛlístɔ, mbɑ nɛjí nu yi ɛ́ nɛ́nẅín. Ɛ sẅíi nu nɛ́nẅín, ŋ kɑ́ pɔ́ ńcɔtnu pɔ́.