2 Kɔlɛ̂ŋtɛ 10:13 - Kɑɑ Fí

¹³ Ɛ́ ɡʉ nǔu pɛk, mbɔ ḿbɔ́ pɛk pɔɔ kɑꞋmɛ tɛ ńjɛ́Ꞌ ndẅiklɛ pɔ́, ńtsʉ́Ꞌ pɔ́Ꞌɔ, pɛk ɡɔ́ ŋ́kɑꞋtɛ ńdɔk pɔ mɛzʉꞋ mi Sɛ́ kɑ ɡɑ́nɛ mbɔ̌ pɛk pɑ́Ꞌ pɛk ɡʉ ŋ́ɡʉ zúꞋu. A kɑ ɡɛ pɛk ɡʉ tɛ ŋ́kúu mbɑ lɑ́Ꞌ pʉʉ.

2 Kɔlɛ̂ŋtɛ 10:13 ပူးပေါင်းရင်းမြစ်များ

Mɑtʉ̈ɔ 25:15

ńdʉŋtɛ yɛ́ mbɑ wɔ̌ lɑ́ pɔ nǔu wɛ́, ńnɑ́ ŋkɑ́p pɑk ŋkʉ yɛ́tɑ́ɑ mbɔ̌ nduŋmbi, ńnɑ́ ŋkɑ́p pɑk ŋkʉ yɛ́pɑ́ mbɔ̌ mbɑ́ɑtɛ, ńnɑ́ pɑk ŋkʉ mbɔ̌ mbɑ́ɑtɛ yɛ́tɑ́t, ŋ́ɡɔ́ɔ ŋ́kɛ́ ŋ́ɡʉ.

Pʉɔ-Lɔ́mɑ 10:18

Ɛ́ zɛɛ ḿbɔ́ tɛ ḿbɔ́ yi m bɔ́ ḿbíkŋɛ ŋɡɔ tɛ pɑyúdɑ kɑ zɛɛ ńtsuŋ ńzúꞋ wɔ Ŋkʉʉ ɔɔ? N jʉ́ɔ ŋɡɔ pɔ́p kɑ zúꞋ zúꞋnɛ. Ɛ́ pɔ́ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Pɛ́ zúꞋ ŋɡi yɔp, pɔ́p sɛ́ ɛ́sẅíi nu-Sɛ́ zʉꞋ tsʉʉ ndǔ tsɛ́tsɑ́Ꞌ.» Nu yi pɔ́p cúnɛ pɛn ńnɛn tɛ ŋ́kúu ndẅiklɛ tsɛ́tsɑ́Ꞌ.

Pʉɔ-Lɔ́mɑ 12:3

Ŋ ɡʉ ɛ́fú nǔu pɑ́Ꞌ Sɛ́ kɑ tsʉ́Ꞌ nɛɡɑ́ fuꞋ níinɛ yɑ́ɑ, ńtík wɑ́ɑ nǔu zʉꞋ ɡwɛ́, ńcú mbɔ̌ mbɑ wɔ̌ lɑ́ tsɛtsɛt pʉʉ ŋɡɔ: Kɔɔ ŋu kwɑŋɛ ŋɡɔ ɑ yúu kɛ́ pɔ́ yi ɑ yɛ́tɛ́. Ŋu ɡẅɛɛ yi kwɑŋɛ ɛ́ kuꞋ kuꞋnɛ. Ŋu kúꞋlɛ pɔ yɛ́ fɑꞋ yi Sɛ́ kɑ ɡɑ́nɛ, ŋ́ɡɔ́ ŋ́ɡɑ́, ɛ́fú nǔu pɑ́Ꞌ ɑ zɑ́pnɛ tʉ́m nǔu Kɛlístɔ.

Pʉɔ-Lɔ́mɑ 12:6

Ɛ́ yɛ́tɛ́ lɑ Sɛ́ ɡɑ́ fuꞋ níinɛ yɛkŋɛ, ŋ́ɡɑ́ fuꞋ yɛ́ mbɑ wɔ̌ lɑ́ ɛ́ pɔ́ pɔ yɛ́ ntɛ́. FuꞋ yi ŋu lɑɑ ḿbɔ́ ńnɑ́ŋ ńcẅi Ŋkʉʉ ẅí ɛ́ fúnɛ mbɔ̌ Sɛ́, ɑ ɡɔ́ ńcẅi, ńcẅi nǔu ntɛ́ yi ɑ sɛ́ ńzúꞋ, mbɔ Sɛ́ lɔk ɛ́sẅíi wɛ́ pɔ́Ꞌɔ.

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

1 Kɔlɛ̂ŋtɛ 12:11

Tɑ́Ꞌ Zẅikŋɛ Lɛ́ɛnɛ́nɛ, pɔ yɛ́tɛ́ ɡɛnɛ mîmɑ́ mɛnu, ḿbɔ́ ŋ́ɡɑ́ fuꞋ níinɛ mbɑ wɛ́tɛ́ ŋu pɑ́Ꞌ Zẅikŋɛ kɔŋnɛ.

Ɛ́fɛ̂zɛ 4:7

Ɛ́ kɛ́ ŋ́ɡʉ nǔu mbɑ wɔ̌ lɑ́ tsɛtsɛt pɛkŋɛ, mbɔ Kɛlístɔ kɑ ɡɑ́ fuꞋ fɛ̌ɛ mbɑ wɔ̌ lɑ́ nǔu ntɛ́ yi jʉ́ Kɛlístɔ kɔŋnɛ.

1 Pyɛ̂ 4:10

Mbɑ wɔ̌ lɑ́ lɔk yɛ́ pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛ́, ńcẅɛ́lɛ pɔ́ɔpɛ́mɑ́ pɛ́. Pʉʉ pɔ́ pɑ́Ꞌ ɡɑŋfɑꞋ sʉ́Ꞌnɛ pi pɔ́p sɛ́ ŋ́kúꞋlɛ pɔ́fɑꞋ ntɛ́ nɛ́ ntɛ́ yi Sɛ́ ɡɑ́nɛ mbɔ̌ pɔ́p pɑ́Ꞌ ɛ́ ɡʉ ńcẅɛ́lɛ́ pɛcɔ́ pʉɔ.