2 Kɔlɛ̂ŋtɛ 1:22 - Kɑɑ Fí

²² ńcʉ̈ɔꞋ lii yɛ́ nǔu pɛkŋɛ, ńníꞋ Zẅikŋɛ Lɛ́ɛnɛ́nɛ tʉ́m pɛkŋɛ. Ɛ́ lɔk ḿbɔ́ nduŋmbi yúu nǔu yúu mi ɑ ɡʉ ŋ́ɡɑ́ mbɔ̌ pɛkŋɛ.

2 Kɔlɛ̂ŋtɛ 1:22 ပူးပေါင်းရင်းမြစ်များ

Jɑ̂ŋ 3:33

Ŋu ẅí ɑ pɛ́mnɛ nu yí ɑ cúnɛ, lɔk ńnyɛt ŋɡɔ Sɛ́ nɛ́nẅín nǔu mbɑ kʉ̈ɔ́ lɑ́.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

Pʉɔ-Lɔ́mɑ 4:11

Pɛ́ kɑ ɡɔ́ ḿbúꞋ Ábɛlɛhɑ̂m, Sɛ́ pɔ́ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́, mbíꞋŋɡɔ ɑ kɑ pɔ́ ńzɑ́p tʉ́m yɛ́ nǔu Sɛ́. Pɛ́ kɑ ɡɛ tɛ ńcʉɔꞋ lii-ŋu ẅí pɛ́ púꞋnɛ wɛ́ nǔu wɛ́. Yîyɑ́ lii kɑ lɔk ńdɛꞋlɛ ŋɡɔ Sɛ́ fú nǔu pɑ́Ꞌ jʉ́ Ábɛlɛhɑ̂m zɑ́pnɛ tʉ́m nǔu wɛ́, ńdɔk wɛ́ ŋ́ɡɛ ŋu ẅí ɑ ndʉ́ŋndʉŋ mbi yɛ́. Ɛ́ fú pɔ́Ꞌɔ Ábɛlɛhɑ̂m tsʉ́Ꞌ tɑ́t pɛ́ pʉɔ tsʉʉ pi pɔ́p sɛ́ ńzɑ́p tʉ́m nǔu Sɛ́ tɛ mbɑ pɑ́Ꞌ pɛ́ ŋ́kɑɑ wɔ́p púꞋ, Sɛ́ tsʉ́Ꞌ ńdíŋɛ wɔ́p pɔ́p pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

Pʉɔ-Lɔ́mɑ 8:9

Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɛ́ ńnɑ́ŋ nǔu ntɛ́ yi mbʉʉ yʉʉ sẅíinɛ wʉ́ʉ pɔ́, pʉʉ nɑ́ŋ pɔ nǔu ntɛ́ yi Zẅikŋɛ-Sɛ́ sɛ́ ɛ́sẅíi wʉ́ʉ, ŋkɔ̂ɔnɛ yi Zẅikŋɛ-Sɛ́ nǔu pʉʉ. Zẅikŋɛ-Kɛlístɔ lɑɑ mbɔɔ nǔu ŋu pɔ́, mbɔ ŋɡɑŋ kɑ́ pɔ́ ŋu-Kɛlístɔ pɔ́.

2 Kɔlɛ̂ŋtɛ 5:5

Sɛ́ kɑ niitɛ́nɛ wɛkŋɛ nǔu ẅîwɑ́ nɛpɔ́, ŋ́ɡɑ́ Zẅikŋɛ yɛ́ mbɔ̌ pɛkŋɛ nɛlɔk ŋ́ɡɛ zɛsɛ́ nǔu yúu mi ɑ ɡʉ ŋ́ɡɛ lɑ́ ŋ́ɡɑ́ mbɔ̌ pɛkŋɛ.

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

1 Tɛsɑlɔník 4:8

Pɔ́Ꞌɔ lɑ́, ŋu ẅí ɑ zúꞋnɛ yɔ nu ńdʉꞋ, ɑ kɑ́ pɔ́ ńdʉꞋ pɔ ŋumɛsɔŋ pɔ́, ɑ lʉꞋ pɔ́p Sɛ́ ẅi ɑ kɑ ɡɑ́nɛ zẅikŋɛ lɛ́ɛnɛ́nɛ yɛ́ mbɔ̌ pʉʉ.

2 Timɔtɛ́ɛ 2:19

Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 7:3

Kɔɔ pʉʉ ɡɔ́ɔ ŋ́ɡɛ nu kɛpɔŋ ndǔ tsɛ́tsɑ́Ꞌ. Kɔɔ pʉʉ ɡɛ nǔu ŋki kɛ́ nɛpɑt. Kɔɔ pʉʉ ɡɛ nǔu mɛtʉ́. Pʉʉ zẅíꞋlɛ tɛ pɛk cʉɔꞌ lii nǔu nɛzíi-pɑfɑꞋ fɑꞋ-Sɛ́ wɛk.

Mɛnu ɛ́ ńdɑ́Ꞌ ńcẅɛt 9:4

Pɛ́ cú mbɔ̌ pɔ́p ŋɡɔ kɔɔ pɔ́p ɡɛ nu kɛpɔŋ nǔu nɛɡíi, ŋɡɔ kɔɔ pɔ́p ɡɛ nu kɛpɔŋ nǔu yɛcɔ́ yúu mi ɛ́ sɑ́Ꞌnɛ ndǔ tsɛ́tsɑ́Ꞌ, kɛ́ pɔ́ ŋ́ɡwɛtnɛ, ŋɡɔ kɔɔ pɔ́p ɡɛ nu kɛpɔŋ nǔu yɛcɔ́ tʉ́, ŋɡɔ pɔ́p ɡɛ nu kɛpɔŋ pɔ nǔu pʉɔ pí lii-Sɛ́ kɑ́ pɔ́ nǔu nɛzíi nɔ́p pɔ́.