2 Kɔlɛ̂ŋtɛ 1:20 - Kɑɑ Fí

²⁰ Jʉ́ zɛɛnɛ ḿbɔ́ ŋu ẅí ɑ ɡɛnɛ ŋɡɔ kʉ̈ɔ́ lɑ́ yi Sɛ́ kɑ kɑꞋnɛ lɑ́ puutɛ. Pɔ́Ꞌɔ, pɛkŋɛ lɔk lík yɛ́, ńcú ŋɡɔ ɛ́ pɔ́Ꞌɔ, ńdɔk pɔ́Ꞌɔ, ŋ́ɡɑ́ mɛkuꞋ mbɔ̌ Sɛ́.

2 Kɔlɛ̂ŋtɛ 1:20 ပူးပေါင်းရင်းမြစ်များ

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 3:5

Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.

Pʉɔ-Lɔ́mɑ 11:36

Mbɑ kʉ̈ɔ́ lɑ́ zɛɛ ɛ́fú pɔ mbɔ̌ wɛ́. Mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ lɑ ɛ́ pɔ́ ɡú, ɑ pɛn ḿbɔ́ pɔ jʉ́. Pɛ́ ɡúꞋlɛ wɛ́, mɛŋɡuꞋ mɛŋɡuꞋ. Ɛ́ pɔ́Ꞌɔ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

1 Kɔlɛ̂ŋtɛ 14:16

mbíꞋŋɡɔ ŋu lɑɑ ḿbɔ́ pɛ́Ꞌnɛ ŋ́ɡɛ́mtɛ Sɛ́ pɔ ndɑꞋ nǔu ntɛ́ yi Zẅikŋɛ tsʉ́ʉnɛ́nɛ wɛ́ ŋɡɔ ɑ ɡɛ, mbɔ ŋu ẅí ɑ nɑ́ŋnɛ sɛ́ mbɔɔ ḿbɔ́ ńjí nu nǔu yîyɑ́ ntɛ́ pɔ́, ɡʉ ŋ́ɡɔ cú ŋɡɔ ɛ́ pɔ́Ꞌɔ, ńdɔk cɔ́kŋɛ nu yi ŋɡɑŋ lɔknɛ ŋ́ɡɛ́mtɛ Sɛ́, ɛ́ ɡɛ ŋɡɔ́ku pɑ́Ꞌ ɑ kɑ́ pɔ́ ńzúꞋ nu yi ɑ cúnɛ pɔ́ ɔɔ?

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Ɛ́fɛ̂zɛ 1:6

A kɑ lɔk wɛkŋɛ ŋ́ɡɛ pʉɔ pɛ́ nɛpɔ́ yi pɛkŋɛ ɡʉ ŋ́ɡúꞋlɛ wɛ́ nǔu mɑ́mɑ́ nu kɛ́ fʉꞋ yi ɑ kɑ ɡɛnɛ. Ɛ́ kɑ lɛɛ nǔu pɑ́Ꞌ ɑ kɑ tɛmtɛ́nɛ wɛkŋɛ pɛ́ Mɔ́ɔ nɛ ẅi ɑ kɔŋnɛ wɛ́ tɛꞋ, ŋ́ɡɑ́ fuꞋ fɛ̌ɛ yɛkŋɛ, pɔ́Ꞌɔ ɛ́ pɔ́ kwɑꞋ mɑ́mɑ́ nu tɛꞋ.

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

2 Tɛsɑlɔník 1:10

Ɛ́ ɡʉ ńdɑ́Ꞌ ḿbɔ́ pɔ́Ꞌɔ, nǔu lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, ɛ́ pɔ́ nǔu yîyɑ́ lɛ́Ꞌ ɡwɛ́, pʉɔ pɛ́ pɔ́ ŋ́ɡɑ́ mɛkuꞋ mɛ́, pʉɔ pi pɔ́p zɑ́pnɛ tʉ́m nǔu wɛ́ tsʉʉ pɔ́ ŋ́ɡúꞋlɛ wɛ́. Pʉʉ pɔ́ yʉ́ʉ tsɛtsɛt pɔ́p, mbíꞋŋɡɔ pʉʉ kɑ pɛ́m nu yɛ́ yi pɛk kɑ sẅíinɛ wʉ́ʉ.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

Ɛ́bɛlʉʉ 13:8

Yɛ́su Kɛlístɔ ŋ́kɑɑ kɑ́ kúpmɛ, ɑ kɑ́ kúpmɛ, ɑ kɛ́ lɑ́Ꞌ lɛ́Ꞌ ŋ́kúpmɛ pɔ́.

Ɛ́bɛlʉʉ 7:6

Mɛlkisɛdɛk ŋkɑɑ ŋu nǔu njẅɛtndɑ́-Lɛ́vi pɔ́, lɑ́ Ábɛlɛhɑ̂m ɡɑptɛ yúu pɛ́ nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́, ɑ cẅɛ́ɛ, ńníꞋ mbɔ́tnɛ nǔu wɛ́ ẅí Sɛ́ kɑ kɑꞋnɛ yúu mbɔ̌ wɛ́.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

1 Jɑ̂ŋ 5:11

Yúu mi Sɛ́ kɑ cúnɛ nǔu nu-Mɔ́ɔ nɛ, ɛ́ pʉ́ɔ ḿbɔ́ ŋɡɔ: Jʉ́ Sɛ́ kɑ ɡɑ́ luk kɛ́mɛ mbɔ̌ pɛkŋɛ, yîyɑ́ luk fú nǔu Mɔ́ɔ nɛ.

Mɛnu ɛ́ ńdɑ́Ꞌ ńcẅɛt 3:14

Ɔ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Lɑɔdisɛ́. Ŋwɑꞌnɛ ŋɡɔ: Ŋu ẅí lík yɛ́ ŋɡɔ ɛ́ pɔ́ꞌɔ, ɑ pɔ́ jʉ́njʉ́ɔ wɛ kɛ́ kúpmɛ sẅiŋɛ, ẅi ɑ cúnɛ nu yí ɛ́ nɛ́nẅín, ẅi jʉ́ nzɛnɛ nǔu kʉ̈ɔ́ lɑ́ yi Sɛ́ kɑ niitɛ́nɛ, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 7:12

ḿbɔ́ ńcú ŋɡɔ: Ɛ́ pɔ́ꞌɔ, ɡúꞋlɛ, nɛɡúꞋ, jínu, nɛɡɑ́ pɑ́Ꞌlɑ́, nɛɡɑ́ mɛkuꞋ, mɛtʉʉ pɔ́p ŋɡúꞋ pɔ́ mbɔ̌ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.