1 Pyɛ̂ 5:5 - Kɑɑ Fí

⁵ Ɛ́ ɡʉ nǔu pʉʉ ɡúu pɔ́ɔsuu, pʉʉ ɡɑ́ mbʉʉ yʉʉ sɛ́ mbi pɑcẅɛ́ɛmbi tsɛt cúꞋlɛ, ŋ́ɡʉ nǔu pʉɔ tsʉʉ, kɔɔ pʉʉ pɔ́ ŋ́ɡɛ yɛcɔ́ yúu, tɛ ŋu wʉʉ kwɑŋɛ ŋɡɔ ɑ lɛɛ wɛcɔ́. MbíꞋŋɡɔ ŋwɑꞋnɛ-Sɛ́ cú ŋɡɔ: Sɛ́ lʉꞋ pɑŋɑꞋtɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pi pɔ́p kɔknɛ mbʉʉ yɔp ŋ́ɡɑ́ sɛ́.

1 Pyɛ̂ 5:5 ပူးပေါင်းရင်းမြစ်များ

Lúkɑ́shi 22:26

Lɑ́, kɔɔ pʉʉ fʉꞋnɛ wɔ́p. Tɛ ńtsʉ́Ꞌ pɔ́Ꞌɔ, ŋu ẅí ɑ tsɛtsɛt pʉʉ ḿbɔ́ ndʉ́m shɔtnɛ ńtsʉ́Ꞌ mɔ́ɔ, ŋu ẅí ɑ pɛn ńtʉ́ʉ mbi pʉʉ, ḿbɔ́ ɛ́sɑ́Ꞌ wʉ́ʉ, ɑ pɔ́ pɔ pɑꞋ ŋɡɑŋfɑꞋ wʉʉ lɑ́.

Pʉɔ-Lɔ́mɑ 12:10

Pʉʉ lɔk pɑ́Ꞌ pʉʉ pɔ́ɔpɛ́mɑ́, ŋ́kɔŋɛ pʉʉ nɛ́ pʉʉ, ŋu wʉʉ piitɛ ŋ́ɡɑ́ mɛkuꞋ mɔ́ɔmɑ́ wɛ.

Pʉɔ-Lɔ́mɑ 13:14

Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.

Ɛ́fɛ̂zɛ 5:21

Pʉʉ lɔk pɑ́Ꞌ pʉʉ ɡɑ́nɛ mbʉʉ yʉʉ sɛ́ mbi Kɛlístɔ, mbɑ wɔ̌ lɑ́ ɡɑ́ mbʉʉ yɛ sɛ́ mbi mɔ́ɔmɑ́ wɛ.

Filipɛ 2:3

Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́.

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

1 Timɔtɛ́ɛ 5:1

Ɔ lɑɑ ḿbɔ́ ɛ́sẅíi ndɛn ndʉ́m nɛ nu, kɔɔ cʉ́ɔk wɛ́ cʉ́ɔknɛ. Cú nu mbɔ̌ wɛ́ pɑ́Ꞌ ɔ cú mbɔ̌ tɑ́t wu. Líŋɛ pɔ́ɔsuu pɑ́Ꞌ pɔ́ɔpɛ́mɑ́ pú pɛ́ mbɛ́ɛnɛ,

Ɛ́bɛlʉʉ 13:17

Pʉʉ zúꞋ ntsu-pʉɔ pi pɔ́p tsiinɛnɛ wʉ́ʉ. Pʉʉ ɡɑ́ mbʉʉ sɛ́ mbi pɔ́p, mbíꞋŋɡɔ pɔ́p sɛ́ ńdíŋɛ wʉ́ʉ ŋɡɔŋ ŋkɑ́ tsʉʉ, ḿbɔ́ ńjí ŋɡɔ pɔ́p ɡʉ ńdɑ́Ꞌ ńtʉ́ʉ mbi Sɛ́ ḿbɛ́ɛtɛ ntɛ́ yi pɔ́p kɑ lɔknɛ ɛ́fɑꞋ tsɛtsɛt pʉʉ. Pɔ́Ꞌɔ lɑ́, pʉʉ ɡɛ nǔu ntɛ́ yi pɔ́p ɡʉ ɛ́fɑꞋ fɑꞋ yɔ́p nɛ́ tsɑ́ɑtɛ, tɛ pɔ́p pɔɔ pɔ́ tsẅii tsẅiinɛ pɔ́, mbíꞋŋɡɔ ɛ́ lɑɑ ḿbɔ́ pɔ́Ꞌɔ, pʉʉ pɔɔ lúꞋnɛ.

Jɑ̂k 4:6

Lɑ́, Sɛ́ kɑ lɑ́Ꞌ mɔ́ ŋ́ɡɑ́ fuꞋ níinɛ yʉkŋɛ, pɔŋtʉ́m yɛ́ nzʉʉ pɛkŋɛ ɡúꞋ ńdɛɛ kʉ̈ɔ́ lɑ́. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lʉꞋ pɑŋɑ́Ꞌlɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pí pɔ́p kɔknɛ mbʉʉ yɔp ŋ́ɡɑ́ sɛ́.»

1 Pyɛ̂ 3:8

Mɔ ŋ́ɡɔ́ ńdẅiklɛ, ńcú ŋkɔ̂ɔnɛ mbɔ̌ pʉɔ tsʉʉ ŋɡɔ, pʉʉ ɡẅɛɛ tɑ́Ꞌ ntsu, ŋu wʉʉ jʉ́ɔ nu-ŋu pɑ́Ꞌ yɛ́, ḿbɔ́ ŋɡɑŋ tsɑ́ɑ mɛjʉ́ŋ, ŋ́ɡẅɛɛ ŋkɔŋɛ tsɛtsɛt pɔ́ɔpɛ́mɑ́, ŋ́ɡɑ́ mbʉʉ sɛ́.

1 Pyɛ̂ 4:1

Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ lɑ́, pʉʉ yʉ́ʉ pʉʉ pɔ́ tú pʉʉ, ńtʉ́ʉ nɛjʉ́ɔ ŋɡʉ̈ɔ́Ꞌ pɑ́Ꞌ jʉ́, ḿbɔ́ ńjí ŋɡɔ jʉ́ Kɛlístɔ ẅí ɑ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ yɛ, ɑ kɑ ḿmɛk nu kɛpɔŋ.

1 Pyɛ̂ 4:5

Lɑ́ pɔ́p ɡʉ ŋ́ɡɛ ńtʉ́ʉ mbi Sɛ́ ẅí ɑ tʉ́ʉnɛ pɑ́Ꞌ ɑ ɡʉ ńzɑ́Ꞌ ntsɑŋ-pʉɔ ntʉʉ pɔ́p pɛpfúsɛ́, ḿbɛ́ɛtɛ ntsu wɔ́p nǔu ŋɡɛnɛ mɛnu mɔ́p.