1 Pyɛ̂ 4:7 - Kɑɑ Fí

⁷ Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

1 Pyɛ̂ 4:7 ပူးပေါင်းရင်းမြစ်များ

Mɑtʉ̈ɔ 24:42

Ɛ́ yɛ́tɛ́ lɑ́ pʉʉ pɑ́ɑ nɛmɛꞋ ku, mbíꞌŋɡɔ pʉʉ kɑ́ pɔ́ ńjí lɛ́Ꞌ yi Tsɑpʉɔ wʉʉ ɡʉ ńtɔ́ pɔ́.

Mɑtʉ̈ɔ 25:13

Yɛ́su mikŋɛ ŋɡɔ: «Ɛ́ yɛ́tɛ́ lɑ́ pʉʉ pɑ́ɑ nɛmɛꞋ mbʉʉ yʉʉ, mbíꞌŋɡɔ pʉʉ kɑ́ pɔ́ ńjí lɛ́Ꞌ pɔ́, ŋ́kɛ́ ḿbɔɔ ḿbɔ́ ńjí ŋkɑ́ yi Mɔ́ɔ-Ŋu ɡʉ ńdɑ́Ꞌ ńtɔ́ pɔ́.»

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

Lúkɑ́shi 21:36

Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

Lúkɑ́shi 22:46

A cú ŋɡɔ: «Pʉʉ nɑ́ŋ kɛ́ lɛ́, ḿbɔ́k nɛkúu tsɛt ŋkwɑꞋnɛ, ɛ́ tsɑ wʉ́ʉ.»

Pʉɔ-Lɔ́mɑ 12:12

Pʉʉ ńnɑ́ŋ nɛ́ tsɑ́ɑtɛ mbíꞋ yúu mi pʉʉ sɛ́ ńzẅíꞋlɛ. Ŋɡʉ̈ɔ́Ꞌ lɑɑ ŋ́kúu wʉ́ʉ, pʉʉ sʉk sʉknɛ. Pʉʉ kɛ́ ḿbɔ́ ḿbúꞋ mbɔ́ pɔ mbɔ̌ Sɛ́ kɛ́ kɑ́ɑ.

1 Kɔlɛ̂ŋtɛ 15:24

Ɛ́ pɑ́ɑtɛ ḿbɔ́ ŋkɑ́ yi ndǔmbí ḿmɛ. Kɛlístɔ ḿbík mbɑ kʉ̈ɔ́ lɑ́ yi ɛ́ sɛ́ ɛ́sɑ́Ꞌ mbí, ḿbík mbɑ tɑ́tndɑ́ wɔ́p, mbɑ kʉ̈ɔ́ lɑ́ yi ɛ́ ɡẅɛɛnɛ tʉʉ ndǔmbí, ḿbík pɔ́Ꞌɔ, ŋ́ɡɔ́ɔ ŋ́kɛ́ ŋ́ɡɑ́ nɛfɔɔ mbɔ̌ Sɛ́ Tɑ́t.

1 Kɔlɛ̂ŋtɛ 7:29

Pɔ́ɔpɛ́mɑ́ pɑ́ɑ, yúu mi n dɔɔ nɛcú pɔ́ pɔ ŋɡɔ: «MɛfʉꞋ-njí kɑ́ pɛn ńzɑ́ɑ pɔ́. Ɛ́ sɛ́ ḿbíkŋɛ ŋɡɔ tɛ ɛ́fú ŋkɔ̂ɔnɛ, pʉɔ pi pɔ́p zɔ́Ꞌnɛ ńnɑ́ŋ pɑ́Ꞌ ŋkɑ́ yi pɔ́p kɑ́ zɔ́Ꞌ.»

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Filipɛ 4:5

Pʉʉ pɔ́ pʉɔ pi pɛ́ jí ŋɡɔ pʉʉ pɔ́tnɛ pɔ́tnɛ́nɛ. Pʉʉ kẅíitɛ ŋɡɔ ŋkɑ́ yi Tsɑpʉɔ ɡʉ ńtɔ́ kɑ́ sɑk.

Kɔlɔsíyɛ̂ŋ 4:2

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,

2 Timɔtɛ́ɛ 4:5

Lɑ́ ŋ́ɡʉ nǔu ɡu, ɡɛ yú mbɑ kʉ̈ɔ́ lɑ́ ɛ́ kuꞋ kuꞋnɛ. Ŋɡʉ̈ɔ́Ꞌ kúu wú ɔ sʉk sʉknɛ. Kɛ́ ḿbɔ́ ɛ́fɑꞋ pɔ fɑꞋ yú yi ɛ́ nɛcẅi Ŋkʉʉ Sʉ́Ꞌnɛ-Sɛ́ mbɔ̌ pʉɔ. Ɛ́fɑꞋ fɑꞋ-Sɛ́ yi ɔ nǔu sʉ́Ꞌnɛ.

Tîtɛ 2:12

Yîyɑ́ ntɛ́ pɔŋtʉ́m sɛ́ ńzíꞋ wɛkŋɛ nɛmɛꞋ mɑt ẅí ɛ́ kɑ́ pɔŋ Sɛ́ pɔ́, mbɑ pɑ́Ꞌ pɛkŋɛ kɛ́ pɛn ŋ́ɡɛ yúu mi mbʉʉ yɛkŋɛ tsʉ́ʉnɛ́nɛ wɛkŋɛ ŋɡɔ pɛkŋɛ ɡɛ pɔ́. Pɛkŋɛ pɔ́ ndǔ yɔ mbí, ḿbɔ́ pʉɔ pí pɔ́p sɑ́ŋnɛ nu lɑ ŋ́ɡɛ, ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ńzúꞋ pɔ ndɑꞋ ntsu-Sɛ́.

Ɛ́bɛlʉʉ 10:25

Kɔɔ pɛkŋɛ nɑ́ nɛ́ kɛ́ ḿbɔ́ ńtɔ́ mɛcúꞋlɛ-mɛkŋɛ tɔ́nɛ, tɛ mbɑ pɑ́Ꞌ nɛtẅí cúꞋlɛ tsʉ́Ꞌ pɔ mɑt mbɔ̌ pɛcɔ́ pʉɔ lɑ́, tɛ ńtsʉ́Ꞌ pɔ́Ꞌɔ, ŋu wɛkŋɛ níꞋ mɛtʉʉ mɔ́ɔmɑ́ wɛ, ḿbɛn ńní kwɑꞋ mɛ́ ɡúu, mbíꞋŋɡɔ pʉʉ sɛ́ ńjʉ́ɔ pɑ́Ꞌ lɛ́Ꞌlɑ́Ꞌ-Tsɑpʉɔ sɛ́ ḿbɑ́ɑtɛ.

Ɛ́bɛlʉʉ 9:26

MbíꞋŋɡɔ ɛ́ kɑ pɔ́ pɛ́Ꞌnɛ ḿbɔ́ pɔ́Ꞌɔ, mbɔ tɛ fú pɑ́Ꞌ Sɛ́ kɑ niitɛ́nɛ ndǔmbí, Kɛlístɔ kɑ ɡẅɛɛ nɛnɑ́ŋ ńjʉ́ɔ ŋɡʉ̈ɔ́Ꞌ, ḿpfú ḿbɛn ḿpfú. Lɑ́ pɛkŋɛ jí ŋɡɔ ŋkɑ́ kɑ pɔ́ tɛ ŋ́kuꞋ, ɑ cẅɛt pɔ tɑ́Ꞌ ŋkɑ́, ɛ́ kuꞋ pɔ́Ꞌɔ, ɑ lɔk túmbʉʉ yɛ́ ńnɔŋ pɔꞋ nɛlɔk ḿbík nu kɛpɔŋ.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

1 Pyɛ̂ 3:7

Mbɑ pʉʉ yʉ́ʉ mbɛ́ɛnɛ pʉʉ ɡẅɛɛ pɛzwɛ́ pʉ́ʉ sʉ́Ꞌnɛ, ŋ́kẅíitɛ pɑ́Ꞌ pɑŋɡɛ́ pɔ́ pɔ pʉɔ zɔ́plɛ zɔ́plɛ́nɛ. Pʉʉ ɡɑ́ mɛkuꞋ mɔ́p, mbíꞋŋɡɔ Sɛ́ kɑ ɡɑ́ fuꞋ yʉ́ʉ pɛpɔ́p pɛtsʉʉ, ŋ́ɡɛ pɑ́Ꞌ pʉʉ ɡʉ ńdɑ́Ꞌ ŋ́ɡẅɛɛ kwɑꞋ nɛpɔ́. Pʉʉ ɡɛ pɔ́Ꞌɔ, ńcɛꞋlɛ Sɛ́, yɛcɔ́ yúu pɔɔ wʉ́ʉ tɑɑtɛ.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

Mɛnu ɛ́ ńdɑ́Ꞌ ńcẅɛt 16:15

Tsɑpʉɔ cú ŋɡɔ: «Pʉʉ kɛ́ ńjí ŋɡɔ, mɔ ńtɔ́ pɑ́Ꞌ ntsɔ́ŋ lɑ́. Pɔ́ttú ɑ ŋu ẅí mɔ ŋ́ɡɛ ŋ́ɡɔ ńtɔ́, ɑ pɔɔ ḿbɔ́ ńdɛ́ pɔ́, mɛndẅí mɛ́ pɔ́ nǔu wɛ́, ḿbɔ́k pɑ́Ꞌ ɑ ɡʉ ńdɔ sɛ́ ńnɛn kɛ́ zẅík ndẅí, sʉ́ʉ kɔ́ wɛ́.»