1 Pyɛ̂ 4:6 - Kɑɑ Fí

⁶ Ɛ́ yúu mi ɛ́ kɑ ɡɛnɛ lɑ pɛ́ cẅi Ŋkʉʉ Sʉ́Ꞌnɛ mbɑ mbɔ̌ pɛpfú. Pɛ́ kɑ cẅi tɛ mbɑ pɑ́Ꞌ Sɛ́ kɑ ŋɑknɛ mbʉʉ yɔp, pɑ́Ꞌ ɑ ŋɑknɛ pʉɔ tsʉʉ, pɔ́p ɡẅɛɛ nɛpfú. Pɔ́p ŋkɔ̂ɔnɛ ŋ́kuꞋ pɑ́Ꞌ ḿbɔ́ pɔ́p pɔ́ nǔu zẅikŋɛ yɔ́p pɔ́p pɛ́ Sɛ́ nɑ́ŋ.

1 Pyɛ̂ 4:6 ပူးပေါင်းရင်းမြစ်များ

Mɑtʉ̈ɔ 24:9

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 5:25

Pɑ́Ꞌ wɛkŋɛ nɛpɔ́ wɛ ŋkɔ̂ɔnɛ fú pɔ mbɔ̌ Zẅikŋɛ Lɛ́ɛnɛ́nɛ lɑ́, pɛkŋɛ nɛn nǔu ntɛ́ yi Zẅikŋɛ ɛ̂yɑ́ sɛ́ ńnyɛt wɛkŋɛ.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Pyɛ̂ 3:19

Zẅikŋɛ Lɛ́ɛnɛ́nɛ ɛ̂yɑ́ ɡɛ ɑ ɡʉ lɑ́Ꞌ-pɛpfú ɛ́sẅíi nu-Sɛ́ mbɔ̌ mɛzẅikŋɛ-pʉɔmɛsɔŋ mi ɛ́ kɑ pɔ́nɛ ndɑ́tsɑ́ŋ.

Mɛnu ɛ́ ńdɑ́Ꞌ ńcẅɛt 14:18

Wɛcɔ́ Cʉ̈ɔꞋ-Sɛ́ fú zʉꞋ yi pɛ́ nɔŋnɛ pɔꞋ zúꞋu ńcẅɛt, ḿbɔ́ ẅi pɛ́ kɑ ɡɑ́nɛ nu-múk mbɔ̌ wɛ́, ɑ lɔk ŋɡi tɛnnɛ ńcú mbɔ̌ ẅi ɑ lɑ́Ꞌnɛ ŋ́ɡẅɛɛ níi ɛ́ pɔ́ ńcʉ̈ɔ́k tɛꞋ lɑ́ ŋɡɔ: «MɑꞋ níi yu yi ɛ́ sɛ́ ńcʉ̈ɔ́k lɑ́, ńdɔk ńzɑ́Ꞌ mɛntswɑ́ mɛntɑ́ɑ mi pɛ́ kíɛnɛ ńdɔk ńniitɛ mɛluꞋ, ɛ́ pɔ́ ndǔ tsɛ́tsɑ́Ꞌ mbɔ ɛ́ tʉ̌ʉ lɑ́.»