1 Pyɛ̂ 2:6 - Kɑɑ Fí

⁶ Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: Pʉʉ jʉ́ɔ, n tíi ŋɡɔꞋ-nɛlẅí-ndɑ́, ńnɔŋ tʉ́sɔŋ-Siɔŋ, ɛ́ pɔ́ ŋɡɔꞋ ŋ́ɡẅɛɛ shʉ́ ḿbɛn ḿbɔ́ tʉʉndɛn ḿbɔ́ yi ŋu lɑɑ ńzɑ́p tʉ́m nǔu wɛ́, sʉ́ʉ pɔɔ lɑ́Ꞌ ŋ́kɔ́ ŋɡɑŋ pɔ́.

1 Pyɛ̂ 2:6 ပူးပေါင်းရင်းမြစ်များ

Mɑtʉ̈ɔ 12:18

A kɑ cú ŋɡɔ: «Yɔ ŋɡɑŋfɑꞋ wɑɑ ẅí ŋ kɑ tsɔ́Ꞌnɛ. Ŋ kɔŋ wɛ́ tɛꞋ, jʉ́ ɡɛnɛ tʉ́m yɑ́ɑ tsɑ́ɑtɛ. Mɔ ŋ́ɡɛ ńníꞋ Zẅikŋɛ yɑ́ɑ nǔu wɛ́, ɑ ɡʉ ńnyɛt ntɛ́ nɛsɑ́Ꞌ lɑ́Ꞌ yi ɛ́ ndʉ́ŋndʉŋ mbɔ̌ mɛlɑ́Ꞌ mi ɛ́ kɑ́ pɔ́ pɑíslɑyɛ̂l pɔ́.

Mɑ́lɛ́kúshi 12:10

Ɛ́ lɑɑ mbɔɔ kʉ̈ɔ́ pɔ́, mbɔ pʉʉ kɑ fúŋ mɔ́ zʉꞋ-ŋwɑꞋnɛ-Sɛ́ yi ɛ́ cúnɛ ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́.»

Lúkɑ́shi 20:17

Yɛ́su ɡɔ́ɔ ŋ́kɛ́ ńdíŋɛ wɔ́p tɛ ńcú ŋɡɔ: «Tɛ wɔ ŋkɑŋ-ŋwɑꞋnɛ ẅí ɛ́ tsɛt ŋwɑꞋnɛ-Sɛ́ pɑꞋnɛ ńdɔk ńcú ŋɡɔ kʉ̈ɔ́: ŊɡɔꞋ yi pɑpɔ́ɔ ndɑ́ kɑ mɛꞋnɛ, kɑ ńtsʉꞋnɛ ŋɡɔꞋ yi ɛ́ piꞋnɛ ndɑ́?

Lúkɑ́shi 23:35

Lɑ́Ꞌ kɑ tʉ́ʉ ḿbɔ́ ńdíŋɛ pɑꞋ pɛ́ kẅiinɛ Yɛ́su. Pɑsɑ́Ꞌ lɑ́Ꞌ pɔ́ ńzɔɔtɛ Yɛ́su ńcú ŋɡɔ: «A kɑ cẅɛ́ɛ pɛcɔ́ pʉɔ ntsu-nɛvú, ɑ pɛn ńcẅɛ́ɛ kwɑꞋ yɛ́ tú, pɑꞋ ɑ lɑɑ ńcú tɛ ɛ́sẅíi nu ŋɡɔ ɑ Nzɑ́Ꞌŋkʉ ẅí Sɛ́ kɑ tsɔ́Ꞌnɛ.»

Jɑ̂ŋ 7:38

Ŋu ẅí ɑ zɑ́pnɛ tʉ́m yɛ́ nǔu mɔ lɑ́, ŋki ɡʉ ɛ́fú tsɛt tʉ́m yɛ́ ńcẅɛt ḿbɔ́ cúŋ pɑ́Ꞌ ŋki ẅí ɛ́ fúnɛ nɛsɑ́Ꞌ lɑ́. Ɛ́ pɔ́ yúu pɛ́ kɑ ŋwɑꞋnɛ́nɛ tsɛt ndɛn kɑɑ.»

ŊwɑꞋnɛ-Gɑŋntúu Yɛ́su Kɛlístɔ 1:16

«Pɔ́ɔpɛ́mɑ́, ɛ́ ḿbɔ́ ḿbíkŋɛ ŋɡɔ yúu minɛ Zẅikŋɛ Lɛ́ɛnɛ́nɛ kɑ lɔknɛ ntsu-fɔɔ Ndɑvît ḿbʉ́, pɛ́ ŋwɑꞋnɛ tsɛt ŋwɑꞋnɛ-Sɛ́ puutɛ. Ɛ́ nu yí ɑ kɑ zɑ́Ꞌnɛ njí ńcú ntɛ́ Jẅidɑ ẅí jʉ́ kɛ́nɛ ńcẅɛt ńnyɛt ndúŋ lɑ pɛ́ ɡẅɛɛ Yɛ́su.»

Pʉɔ-Lɔ́mɑ 10:11

Ɛ́ lɔk ńzɛɛ ḿbuutɛ nǔu pɑ́Ꞌ ŋwɑꞋnɛ-Sɛ́ kɑ cúnɛ ŋɡɔ: «Ŋu lɑɑ ńzɑ́p tʉ́m nǔu wɛ́, mbɔ sʉ́ʉ kɛ́ ɡɛ ŋ́kɔ́ ŋɡɑŋ pɔ́».

Ɛ́fɛ̂zɛ 1:4

mbɔ ɑ kɑ lɛɛ nǔu Kɛlístɔ ńtsɔ́Ꞌ wɛkŋɛ, ńdɔk ŋ́ɡɛ pʉɔ pɛ́ tɛ ḿbɛ́t pɔ kɛ́ niitɛ mbí pɑ́Ꞌ pɛkŋɛ ɡʉ ḿbɔ́ mbi yɛ́ ḿbɔ́ pʉɔ lɛ́ɛnɛ́nɛ, ḿbɔ́ pɑkɛ́fɑɑnɛ. A kɑ lɔk pɑ́Ꞌ ɑ kɔŋnɛ wɛkŋɛ,

Ɛ́fɛ̂zɛ 2:20

Pʉʉ tsʉ́Ꞌ ḿbɔ́ pɔ pɑ́Ꞌ mbɛlʉ̂k yi pɛ́ lɔknɛ ḿbɔ́ɔ ndɑ́. Cʉ́ndɑ́ pɔ́ ɡɑŋntúu-Yɛ́su pɔ́p pɑcẅiŋkʉʉ-Sɛ́, Yɛ́su Kɛlístɔ nɛ́ túmbʉʉ yɛ́ pɔ́ ŋɡɔꞋ yí ɛ́ piꞋnɛ ndɑ́.

2 Timɔtɛ́ɛ 3:16

Mbɑ kʉ̈ɔ́ lɑ́ pɛ́ ŋwɑꞋnɛ́nɛ tsɛt ŋwɑꞋnɛ-Sɛ́, ɛ́ fú pɔ ntsu-Sɛ́. Ŋ́kuꞋ nɛlɔk ńzíꞋ nu nɛ́nẅín mbɔ̌ pʉɔ, ŋ́kuꞋ nɛlɔk ńdʉꞋ nu yi ɛ́ kɑ́ pɔ́ nu pɔ́, ŋ́kuꞋ nɛlɔk ńcẅɛ́lɛ pʉɔ nɛcẅɛt tsɛt lɔ́Ꞌ yɔ́p, ḿbɛn ŋ́kuꞋ nɛlɔk ńtík pʉɔ pɑ́Ꞌ ḿbɔ́ pɔ́p ɡɛ yúu mi ɛ́ ndʉ́ŋndʉŋ mbi Sɛ́.

1 Pyɛ̂ 2:4

Pʉʉ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ wɛ́, jʉ́ ɡɑ́nɛ kwɑꞋ luk. A ŋɡɔꞋ yi ŋwɑꞋnɛ-Sɛ́ cúnɛ ŋɡɔ pʉɔmɛsɔŋ kɑ mɛꞋnɛ, lɑ Sɛ́ kɑŋ wɛ́, ɛ́ pɔ́ yúu tʉʉndɛn mbɔ̌ wɛ́.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

2 Pyɛ̂ 1:20

Yúu mi pʉʉ ɡẅɛɛ nɛpiitɛ ńjí ɛ́ pɔ́ ŋɡɔ: Yɛcɔ́ sẅiŋɛ-ncẅiŋkʉʉ-Sɛ́ yi ɛ́ tsɛt ŋwɑꞋnɛ-Sɛ́, ḿbɔ́ yi ɛ́ lɑɑ ḿbɔ́ ŋu lɔk jínu yɛ́ zɛ́nɛ jʉ́ ŋ́kyɛ́Ꞌtɛ ɛ́ kɑ́ pɔ́ ɡú pɔ́

2 Pyɛ̂ 3:16

A cú yîyɑ́ nu tsɛt mɛŋwɑꞋnɛ mi ɑ ŋwɑꞋnɛnɛ tsʉʉ, ŋkɑ́ yi ɑ cúnɛ nu tɛ ŋ́kẅíi yɔ tú-nu. MɛzʉꞋ mi ɛ́ tɛn nɛzúꞋ ɛ́ tsɛt mɛŋwɑꞋnɛ mɛ́. Ɛ́ yúu mi ɛ́ ɡɛnɛ pʉɔ pi pɔ́p mɔɔtɛ mɔɔtɛ́nɛ, ḿbɛ́t kɛ́ tsuŋ ńjí zʉꞋ yi pɔ́p tʉ́ʉnɛ zúꞋu kúpmɛ nu yi ɛ́ lɔknɛ ńcú. Ɛ́ pɛn ḿbɔ́ pɔ pɑ́Ꞌ pɔ́p ɡɛnɛ nǔu mɛcɔ́ mɛzʉꞋ-ŋwɑꞋnɛ-Sɛ́. Pɔ́p kɛ́ ŋ́ɡɛ pɔ́Ꞌɔ, ńdɔk ɛ́fúŋ ndɔɔ ńníꞋ tú pɔ́p.