1 Pyɛ̂ 2:4 - Kɑɑ Fí

⁴ Pʉʉ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ wɛ́, jʉ́ ɡɑ́nɛ kwɑꞋ luk. A ŋɡɔꞋ yi ŋwɑꞋnɛ-Sɛ́ cúnɛ ŋɡɔ pʉɔmɛsɔŋ kɑ mɛꞋnɛ, lɑ Sɛ́ kɑŋ wɛ́, ɛ́ pɔ́ yúu tʉʉndɛn mbɔ̌ wɛ́.

1 Pyɛ̂ 2:4 ပူးပေါင်းရင်းမြစ်များ

Mɑtʉ̈ɔ 11:28

Pʉʉ pɛtsʉʉ pínɛ pʉʉ tíinɛ piꞋ nǔu mbɑɑndyɔŋ ɛ́ jɔt wʉ́ʉ tɛ pʉʉ kɑ́ɑ, pʉʉ tɔ́ ńtsɛ́t wɑ́ɑ, ŋ ɡɛ pʉʉ jẅiitɛ.

Mɑtʉ̈ɔ 12:18

A kɑ cú ŋɡɔ: «Yɔ ŋɡɑŋfɑꞋ wɑɑ ẅí ŋ kɑ tsɔ́Ꞌnɛ. Ŋ kɔŋ wɛ́ tɛꞋ, jʉ́ ɡɛnɛ tʉ́m yɑ́ɑ tsɑ́ɑtɛ. Mɔ ŋ́ɡɛ ńníꞋ Zẅikŋɛ yɑ́ɑ nǔu wɛ́, ɑ ɡʉ ńnyɛt ntɛ́ nɛsɑ́Ꞌ lɑ́Ꞌ yi ɛ́ ndʉ́ŋndʉŋ mbɔ̌ mɛlɑ́Ꞌ mi ɛ́ kɑ́ pɔ́ pɑíslɑyɛ̂l pɔ́.

Mɑtʉ̈ɔ 21:42

Yɛ́su pɛn ńcú mbɔ̌ pɔ́p ŋɡɔ: «Pʉʉ ŋkɑɑ mɔ kɑ́ fúŋ zʉꞋ-ŋwɑꞋnɛ-Sɛ́ pɔ́ ɔɔ?» Ɛ́ cú ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ, kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́. Tsɑpʉɔ kɑ ɡɛnɛ pɔ́Ꞌɔ, ɛ́ pɔ́ mɑ́mɑ́ nu sʉ́Ꞌnɛ mík pɛkŋɛ?

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Jɑ̂ŋ 5:40

Lɑ́, Pʉʉ pɛn ŋ́kɛ́ ḿbɔɔ ḿbɔ́ ŋ́kɔŋ nɛtɔ́ mbɔ̌ mɔ ŋ́ɡẅɛɛ kwɑꞋ luk pɔ́.

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

Jɑ̂ŋ 6:57

Tɑ̌ɑ mɔ kɑ túunɛ wɑ́ɑ, ɑ nɛsɑ́Ꞌ-luk. N dɔk pɔ pɔ́Ꞌɔ, ḿbɔ́ ɡú, ɛ́ ndʉ́ŋndʉŋ pɑ́Ꞌ ŋu lɑɑ ŋ́ɡɛ ŋ́kwɛ́t mbɑp-mbʉʉ yɑɑ, mbɔ ɑ ɡʉ ńdɔk pɔ pɔ́Ꞌɔ, ḿbɔ́ ɡú.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

1 Kɔlɛ̂ŋtɛ 3:11

Ɛ́ ɡʉ nǔu cʉ́ndɑ́, mbɔ ɛ́ ndɑ́Ꞌ mɔ́ ḿbɔ́ sɛ́. Mbɔ ŋu pɔɔ pɛn ńnɔŋ yɛcɔ́ yɛ ndɛꞋ pɔ́.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

1 Pyɛ̂ 1:19

A kɑ lɔk pɔ tʉʉndɛn mɛci-Kɛlístɔ ẅí yɛcɔ́ nu kɛpɔŋ kɑ́ pɔ́ nǔu wɛ́ pɔ́, yɛcɔ́ lɔ́Ꞌ kɛ́ mbɔɔ nǔu wɛ́ pɔ́. Kɛlístɔ kɑ pɔ́ pɑ́Ꞌ mɔ́ɔ-njinjɔ ẅí pɛ́ kɑ jẅínɛ wɛ́ ńdɔk ńnɔŋ pɔꞋ.

1 Pyɛ̂ 1:7

Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

1 Pyɛ̂ 2:7

Ɛ́ mbɔ̌ pʉʉ pɑzɑ́p tʉ́m nǔu wɛ́, ḿbɔ́ yúu mɛkuꞋ. Lɑ́ ŋ́ɡʉ nǔu pʉɔ pi pɔ́p kɑ́ pɔ́ ńzɑ́p tʉ́m nǔu yîyɑ́ ŋɡɔꞋ pɔ́, mbɔ pɛ́ kɑ ŋwɑꞋnɛ ŋɡɔ: «ŊɡɔꞋ yi pɑpɔ́ɔndɑ́ kɑ mɛꞋnɛ kɑ tsʉ́Ꞌ mɔ́ ŋɡɔꞋ-nɛlẅí-ndɑ́.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 1:4

Ɛ́ kɑ fú pɔ́Ꞌɔ, ɑ ɡɑ́ mɛyúu tʉʉndɛn mbɔ̌ pɛkŋɛ, ɛ́ pɔ́ mi ɛ́ ńcẅɛ́lɛ́ wɛkŋɛ tɛꞋ, ḿbɔ́ yi ɑ kɑ kɑꞋnɛ, ŋ́ɡɑ́ pɔ́Ꞌɔ, nɛpɔ́ yi pɛkŋɛ ɡʉ ńdɛɛtɛ nǔu mîmɑ́ mɛyúu, ŋ́kuꞋ nɛkʉɔ mɛnu-ntsɛ́llɛ́ mi ɛ́ tsɛt yɔ mbí, ɛ́fú nǔu yúu mi mbʉʉ yɛkŋɛ tsʉ́ʉnɛ́nɛ wɛkŋɛ nɛɡɛ, kʉɔ pɔ́Ꞌɔ, ńtsʉ́Ꞌ ŋ́ɡẅɛɛ pɔ tsẅɛ́ wɛ jʉ́ Sɛ́.