1 Pyɛ̂ 1:18 - Kɑɑ Fí

¹⁸ Pʉʉ zɛɛ ḿbɔ́ ńjí tʉʉndɛn yúu mi Sɛ́ kɑ ɡɑ́nɛ lɑ ńdɔk ńcẅɛɛtɛ wʉ́ʉ nǔu ntɛ́ nɛnɑ́ŋ ẅi ɛ́ kɑ́ cẅɛ́lɛ́ pɔ́, yi pɛtɑ́t pʉʉ kɑ zíꞋnɛ wʉ́ʉ. Yîyɑ́ yúu kɑ́ pɔ́ pɑ́Ꞌ tʉ́n-ŋɡɔ̂l kɛ ŋkɑ́p ɔɔ, yi ndɛn wɛ́ ɡʉ ńdɑ́Ꞌ lɛ́Ꞌ ḿmɛ pɔ́.

1 Pyɛ̂ 1:18 ပူးပေါင်းရင်းမြစ်များ

1 Kɔlɛ̂ŋtɛ 6:20

Sɛ́ kɑ ɡɑ́nɛ yúu ńdɔk ɛ́fú ndɑ́-kwɑɑ ńtsúꞋ wʉ́ʉ. Pʉʉ kɛ́ ńdɔk pɔ mbʉʉ yʉʉ ŋ́ɡɑ́ mɛkuꞋ mbɔ̌ Sɛ́.

1 Kɔlɛ̂ŋtɛ 7:23

Kɛlístɔ kɑ tsuꞋ wʉ́ʉ ndɑ́ ŋkwɑɑ nɛ́ tʉʉndɛn yúu. Pɔ́Ꞌɔ lɑ́ kɔɔ pʉʉ tsʉ́Ꞌ pɛkwɑɑ-pʉɔmɛsɔŋ.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Pʉɔ-Lɔ́mɑ 1:21

Pɔ́p jí Sɛ́, lɑ́ pɔ́p kɑ́ pɔ́ ŋ́ɡúꞋlɛ wɛ́ pɔ́, ŋ́ɡɛ́mtɛ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡɛ nǔu Sɛ́ pɔ́. Tɛ ńtsʉ́Ꞌ pɔ́Ꞌɔ, mbɔ jínu yɔ́p kɑ fúklɛ wɔ́p pɔ́p fɑɑnɛ ndúŋ, tʉ́m yɔ́p yi ɛ́ ɡẅɛɛ pɔ ɡʉɡʉʉ jínu ɡɛ pɔ́p vu tsɛt nzɛ́nzʉ́ʉ.

1 Pyɛ̂ 4:3

Yɔ ndẅiklɛ pɑ́Ꞌ ɛ́ zɛɛ ŋ́ɡɔ́ ḿbɔ́ mbɔ pʉʉ kɑ pɔ́ yɛcɔ́ ŋkɑ́ ḿbɔ́ ŋ́ɡɛ yúu mi pɑkɛ́jí Sɛ́ sɛ́ ŋ́kɔŋ. Pʉʉ kɔŋ nɛfʉꞋ mɛnu tɛ ɛ́sɑ́Ꞌ sɑ́Ꞌnɛ, ḿbɔ́ ŋ́ɡɛ mbɑ kʉ̈ɔ́ lɑ́ yi mbʉʉ yʉʉ tsʉ́ʉnɛ́nɛ wʉ́ʉ nɛɡɛ, ḿbɑ́ mɛluꞋ, ńcúꞋlɛ nǔu ndínɑ nɛkwɛ́t yúu ŋ́ɡɛ mɛnu sʉ́ʉ, pʉʉ kɔŋ nɛjúk pɔ nɛnɔ́ mɛluꞋ, pʉʉ kɔŋ nɛɡúꞋlɛ yúu ŋɡɔ ɛ́ mɛsɛ́, ɛ́ pɔ́ yúu mi Sɛ́ kɑ́ sii ŋ́kɔŋ pɔ́.

1 Pyɛ̂ 1:7

Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

1 Kɔlɛ̂ŋtɛ 3:20

ŊwɑꞋnɛ-Sɛ́ pɛn ńcú ŋɡɔ: «Tsɑpʉɔ jí kwɑŋɛ-pɑjínu. A jí ŋɡɔ ɛ́ kɑ́ kuꞋ yɛcɔ́ yúu pɔ́».

Ɛ́bɛlʉʉ 9:12

Kɛlístɔ kɑ kúu kwɑꞋ tsɛt zʉꞋ yi Sɛ́ zúꞋu. A kɑ kúu pɔ tɑ́Ꞌ ŋkɑ́ ɛ́ kuꞋ. A kɑ ɡɔ́ ŋ́kúu, mbɔɔ ɡẅɛɛ mɛci pʉ̈ɔp, kɛ mɛ́ pɔ́ɔ-fɔŋ nɛnyɛt mbɔ̌ Sɛ́ pɔ́. A kɑ lɔk pɔ kwɑꞋ mɛci mɛ́ ŋ́kúu. Yɔ pɑ́Ꞌ ɑ kɑ cẅɛɛtɛ́nɛ wɛkŋɛ ndɑ́tsɑ́ŋ pɔ́Ꞌɔ, tɑꞋ ŋkɑ́.

1 Jɑ̂ŋ 3:5

Pʉʉ sɛ́ ńjí ŋɡɔ Yɛ́su Kɛlístɔ kɑ tɔ́ nɛjɛ́p mɛnu kɛpɔŋ, yɛcɔ́ nu kɛpɔŋ pɛn ŋ́kɛ́ mbɔɔ nǔu wɛ́ pɔ́.

Mɑ́lɛ́kúshi 8:37

Ɛ́ lɑɑ ḿbɔ́ ŋu lɔk kwɑꞋ kʉ̈ɔ́ ńdɔk ŋ́kúp tú yɛ́?