1 Jɑ̂ŋ 5:20 - Kɑɑ Fí

²⁰ Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

1 Jɑ̂ŋ 5:20 ပူးပေါင်းရင်းမြစ်များ

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Lúkɑ́shi 21:15

Mɔ ŋ́ɡɛnɛ ńzɛɛ ńdɑ́Ꞌ ŋ́ɡɑ́ jínu yi pʉʉ ɡɛ ńdɔk ńtsɔ́Ꞌ nu. Pʉʉ tsɔ́Ꞌ nu tɛ ɡɑŋmbuu pʉ́ʉ pɔɔ zɔŋ, ŋ́kɛ́ ḿbɔɔ kíi ńcú yɛcɔ́ nu pɔ́.

Lúkɑ́shi 24:45

Ŋ́ɡɔ́ɔ ŋ́kɛ́ ńtsɔ́Ꞌ jínu yɔ́p, ŋ́ɡɛ pɔ́p zúꞋ mɛnu mi ɛ́ tsɛt ŋwɑꞋnɛ-Sɛ́.

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

Jɑ̂ŋ 14:23

Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 14:9

Yɛ́su cú mbɔ̌ wɛ́ ŋɡɔ: «Filîp, pɛkŋɛ nɑ́ŋ ndɛn wɔ, ɔ pɛ́t pɔ kɛ́ jí wɑ́ɑ kíi? Ŋu ẅí ɑ jʉ́ɔnɛ wɑ́ɑ lɑ́, ɑ jʉ́ɔ Tɑ̌ɑ mɔ. Ɔ ɡɛ pɑ́Ꞌ lɑ́ ŋɡɔ nyɛt wɛ́k nɛ́ Tɑ́t wu ɛ̂wɑ́?

Jɑ̂ŋ 15:4

«Pʉʉ lɑtnɛ nǔu mɔ, pɑ́Ꞌ n dɑtnɛ́nɛ yɑ́ɑ nǔu pʉʉ! Pɔ́tʉ́ lɑɑ mbɔɔ lɑtnɛ nǔu nɛtsɛ́n-tʉ́ pɔ́, mbɔ ɛ́ kɛ́ kuꞋ nɛzɛ́m mɛntɑ́ɑ pɔ́. Ɛ́ ndʉ́ŋndʉŋ pɑ́Ꞌ pʉʉ lɑɑ mbɔɔ tɛmtɛ nǔu mɔ pɔ́, pʉʉ pɔɔ kuꞋ nɛɡɛ yɛcɔ́ yúu tɛ ɛ́ pɔŋ pɔ́.»

Jɑ̂ŋ 17:14

Ŋ kɑ cú nu yú mbɔ̌ pɔ́p, pʉɔ-ndǔmbí pɑɑ wɔ́p mbíꞋŋɡɔ pɔ́p zɛɛ ḿbɔɔ pʉɔ-ndǔmbí pɔ́ pɑ́Ꞌ mbɑ mɔ yɑ́ɑ ŋ kɑ́ pɔ́ ŋu-ndǔmbí pɔ́.

Jɑ̂ŋ 17:25

Tɑ̌ɑ mɔ, ɔ ŋu ndʉ́ŋndʉŋ, pʉɔ ndǔmbí ŋkɑɑ wú jí, lɑ́ ŋ kɛ́ ḿbɔ́ ńjí wú, pɔ pʉɔ kɛ́ ńjí ŋɡɔ ɡu kɑ túunɛ wɑ́ɑ.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

Jɑ̂ŋ 20:28

Tɔmɑ́shi tsɔ́Ꞌ mbɔ̌ wɛ́ ŋɡɔ: «Tsɑpʉɔ wɑɑ, ḿbɔ́ Sɛ́ wɑɑ.»

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

Pʉɔ-Lɔ́mɑ 9:5

Pɛ́ mɑ̂ɑŋɡɑpnjẅɛt pɔ́p kɑ cẅɛt nǔu njẅɛt-Ábɛlɛhɑ̂m. Kɛlístɔ ẅi ɑ Sɛ́, kɑ cẅɛt yɛ́ nǔu yîyɑ́ njẅɛt, ŋkɑ́ yi pɛ́ kɑ pínɛ wɛ́ ɑ pɔ́ ŋumɛsɔŋ. A lɛɛ mbɑ kʉ̈ɔ́ lɑ́. Mbɔ́tnɛ pɔ́ nǔu wɛ́ mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

Ɛ́fɛ̂zɛ 3:18

Ɛ́ lɛɛ pɔ́Ꞌɔ, pʉʉ kuꞋ nɛpɔ́ yi mbɔ pʉʉ pɛ́ pʉɔ-Sɛ́ pɛtsʉʉ zúꞋ ntɛ́ yi ŋkɔŋɛ Kɛlístɔ ɡúꞋnɛ pɔ́Ꞌɔ, ɛ́sɑk pɔ́Ꞌɔ, ŋ́ɡʉ tʉ́ pɔ́Ꞌɔ, ŋ́kúu sɛ́ pɔ́Ꞌɔ.

Filipɛ 3:9

nɛpɔ́ yi ŋ ɡʉ tsʉ́Ꞌ ḿbɔ́ pɔ nǔu mbɔ́ mɛ́, ḿbɔ́ m bɔɔ pɛn ńcú ŋɡɔ mɔ kɛ́fɑɑnɛ mbi Sɛ́, mbíꞋŋɡɔ n jí nɛpʉ́ʉ-pɑyúdɑ pɔ́. Mɔ mbi yɛ́ ḿbɔ́ kɛ́fɑɑnɛ mbíꞋ pɔ nu yi n zɑ́pnɛ tʉ́m yɑ́ɑ nǔu Kɛlístɔ, Sɛ́ ɡɛnɛ ŋɡɔ m bɔ́ ŋu nɛ́nẅín pɑ́Ꞌ wɛ́tɛ́ ŋu ẅí ɑ zɑ́pnɛ tʉ́m yɛ́ nǔu Kɛlístɔ lɑ́.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Ɛ́bɛlʉʉ 1:8

Lɑ́ ŋ́kɛ́ ŋ́ɡʉ nǔu mɔ́ɔ nɛ, ɑ cú ŋɡɔ: «Gu Sɛ́, kɔꞋ-nɛfɔɔ nú ńdɑ́Ꞌ ḿbɔ́ pɔ ɡú.» Ḿbɛn ŋɡɔ: «Ntɛ́ yi ɔ sɛ́ ńdɔk ɛ́sɑ́Ꞌ lɑ́Ꞌ yú, ɛ́ ndʉ́ŋndʉŋ.

1 Jɑ̂ŋ 2:23

Ŋu lɑɑ ńdʉꞋ nɛpɛ́m nu-Mɔ́ɔ, mbɔ ɑ lʉꞋ nɛpɛ́m nu-Tɑ̌ɑ wɛkŋɛ, ŋu ẅí ɑ pɛ́mnɛ nu-Mɔ́ɔ, ɑ pɛn ḿbɛ́m yɛ́ Tɑ̌ɑ wɛkŋɛ.

1 Jɑ̂ŋ 2:24

Ɛ́ yúu mi ɛ́ ɡɛnɛ n cú mbɔ̌ pʉʉ ŋɡɔ pʉʉ kúꞋlɛ sẅiŋɛ yi pʉʉ kɑ zúꞋnɛ tɛ ɛ́fú nzɛnɛ kwɑꞋ sʉ́Ꞌnɛ. Sẅiŋɛ yi pʉʉ kɑ zúꞋnɛ tɛ ɛ́fú nzɛnɛ lɑɑ ḿbɔ́ tsɛt tʉ́m pʉʉ, mbɔ pʉʉ yʉ́ʉ ɡʉ ńtɛmtɛ nǔu Mɔ́ɔ mbɑ nǔu Tɑ́t.

1 Jɑ̂ŋ 2:6

Ŋu lɑɑ ńcú ŋɡɔ: Pɛk Sɛ́ kɑ tɛmtɛ, ɛ́ píkŋɛ ŋɡɔ ŋɡɛnɛ mɛnu mɛ́ pɔ́ pɑ́Ꞌ mɛ́ Yɛ́su Kɛlístɔ kɑ pɔ́nɛ pɔ́Ꞌɔ.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

1 Jɑ̂ŋ 4:16

Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.

1 Jɑ̂ŋ 4:2

Yúu mi pʉʉ ɡʉ ńdɔk ńjí Zẅikŋɛ yi ɛ́ fúnɛ mbɔ̌ Sɛ́ pʉ́ɔlɑɑ. Ŋu lɑɑ ḿbɛ́m ŋɡɔ Yɛ́su Kɛlístɔ kɑ shɔtnɛ ńtsʉ́Ꞌ kwɑꞋ ŋumɛsɔŋ, mbɔ ŋɡɑŋ ɡẅɛɛ Zẅikŋɛ yi ɛ́ fúnɛ mbɔ̌ Sɛ́.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

1 Jɑ̂ŋ 5:15

Pɑ́Ꞌ pɛkŋɛ sɛ́ ńjí ŋɡɔ Sɛ́ sɛ́ ńzúꞋ nu yɛkŋɛ lɑ́, pɛkŋɛ pɛn ḿbɔ́ ńjí ŋɡɔ pɛkŋɛ lɑɑ ńdɔ́ɔ pɔ kʉ̈ɔ́ mbɔ̌ wɛ́ lɑ́, mbɔ ɑ ɡʉ ŋ́ɡɑ́ yúu mi pɛkŋɛ lɔ́ɔnɛ mbɔ̌ pɛkŋɛ.

1 Jɑ̂ŋ 5:18

Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.

1 Jɑ̂ŋ 5:5

Mbɔ wɔ̌ zɛɛ ńtɛn ńdɛɛ ndǔmbí? A pɔ́ pɔ ndɑꞋ ŋu ẅí ɑ pɛ́mnɛ ŋɡɔ Yɛ́su ɑ mɔ́ɔ-Sɛ́?

Mɛnu ɛ́ ńdɑ́Ꞌ ńcẅɛt 15:3

Pɔ́p pɔ́ ńzɔp mɛzɔpŋki mi Mɔ̌sɛ̂ɛ ŋɡɑŋfɑꞋ-Sɛ́ kɑ zɔpnɛ, ḿbɛn ḿbɔ́ ńzɔp mi Mɔ́ɔ-Njinjɔ kɑ zɔpnɛ, ḿbɔ́ ńcú tsɛt mîmɑ́ mɛzɔp ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, mɛfɑꞋ mú ɡúꞋ tɛꞋ, pɛ́ jʉ́ɔ ḿvukŋɛ vukŋɛnɛ. Gu Fɔɔ ẅí ɔ sɑ́Ꞌnɛ ŋɡɔŋ nɛ́ ŋɡɔŋ. Yúu mi ɔ kɑꞋnɛ nɛɡɛ ɛ́ ndʉ́ŋndʉŋ, ḿbɔ́ nu yi ɛ́ nɛ́nẅín.

Mɛnu ɛ́ ńdɑ́Ꞌ ńcẅɛt 19:11

M bɛn ńjʉ́ɔ ntsu-tʉ́nɛ́pú ŋíɛꞋnɛ ńtʉ́ʉ, fúfú lʉ́ɔ cẅɛt ńtʉ́ʉ. Ŋu ẅí ɑ nɑ́ŋnɛ ndǔ ẅîwɑ́ lʉ́ɔ, pɛ́ fúŋ wɛ́ ŋɡɔ kɛkúp sẅiŋɛ, mbɑ nɛ́ ŋu ẅí ɑ ɡɛ pɔ yúu mi ɛ́ nɛ́nẅín. A zɑ́Ꞌ ntsɑŋ pɔ ndʉ́ŋndʉŋ, ńdʉɔ́Ꞌ pɔ ntsɔ ẅí ɛ́ ndʉ́ŋndʉŋ.

Mɛnu ɛ́ ńdɑ́Ꞌ ńcẅɛt 3:14

Ɔ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Lɑɔdisɛ́. Ŋwɑꞌnɛ ŋɡɔ: Ŋu ẅí lík yɛ́ ŋɡɔ ɛ́ pɔ́ꞌɔ, ɑ pɔ́ jʉ́njʉ́ɔ wɛ kɛ́ kúpmɛ sẅiŋɛ, ẅi ɑ cúnɛ nu yí ɛ́ nɛ́nẅín, ẅi jʉ́ nzɛnɛ nǔu kʉ̈ɔ́ lɑ́ yi Sɛ́ kɑ niitɛ́nɛ, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 3:7

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Filɑdɛlfîi. Ŋ́ŋwɑꞌnɛ ŋɡɔ: Ŋu ẅí ɑ Ndɛ́ɛnɛ Lɛ́ɛnɛ́nɛ, ḿbɔ́ nɛ́nẅín, jʉ́ ẅi ɑ ɡẅɛɛnɛ tsɔ́Ꞌ-Fɔɔ Ndɑvît, jʉ́ ẅi ɑ tsɔ́Ꞌnɛ ntsundɑ́ ŋu pɔɔ kuꞋ nɛjɔ́Ꞌ pɔ́, ńjʉ́ɔꞋ ŋu pɔɔ kuꞋ nɛtsɔ́Ꞌ pɔ́, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 6:10

ḿbɔ́ ŋ́kíi nɛ́ ŋɡi tɛnnɛ ńcú ŋɡɔ: Tsɑpʉɔ, ɡu ẅí ɔ Sɛ́, ḿbɔ́ ŋu ẅí ɑ sẅíinɛ nu nɛ́nẅín, ɔ ɡʉ ńzẅíꞋlɛ tɛ ŋ́kúu pɔ shʉ́nɛ, lɑ ŋ́ŋɑk pʉɔ ndǔ tsɛ́tsɑ́Ꞌ, ńníꞋ ŋɡʉ̈ɔ́Ꞌ tú pɔ́p ntɛ́ pɑ́Ꞌ pɔ́p kɑ jẅítɛ́nɛ wɛ́k?