1 Kɔlɛ̂ŋtɛ 9:21 - Kɑɑ Fí

²¹ Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi nɛpʉ́ʉ-Mɔ̌sɛ̂ɛ kɑ́ pɔ́ ɛ́sɑ́Ꞌ wɔ́p pɔ́, n nɑ́ŋ pɑ́Ꞌ ŋu ẅí nɛpʉ́ʉ kɑ́ pɔ́ ɛ́sɑ́Ꞌ wɛ́ pɔ́ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ pi nɛpʉ́ʉ kɑ́ pɔ́ ɛ́sɑ́Ꞌ wɔ́p pɔ́, ńtsʉ́Ꞌ pʉɔ-Kɛlístɔ, ńnɑ́ŋ pɔ́Ꞌɔ, ɛ́ pɔɔ lɔk ńcú pɔ ŋɡɔ nɛpʉ́ʉ-Sɛ́ kɑ́ pɔ́ ɛ́sɑ́Ꞌ wɑ́ɑ pɔ́ pɔ́, ɛ́ pɔ́ ɛ́sɑ́Ꞌ wɑ́ɑ sɑ́Ꞌnɛ, mbíꞋŋɡɔ n nɑ́ŋ pɔ nǔu pɑ́Ꞌ nɛpʉ́ʉ-Kɛlístɔ sɛ́ ḿbíkŋɛ.

1 Kɔlɛ̂ŋtɛ 9:21 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 15:28

Pɛk zɛɛ ŋ́ɡɔ ńzɑ́p yɔ nu, Zẅikŋɛ Lɛ́ɛnɛ́nɛ pɛn ńzɑ́p yɛ́ ŋɡɔ kɔɔ pɛ́ kẅiꞋ piꞋ mbɔ̌ pʉʉ. NdíꞋ ndɑꞋ nɛniitɛ ŋ́kúꞋlɛ nɔnɛ nɛpʉ́ʉ ni pɛk ɡʉ ńcú lɑɑ kwɑꞋ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 16:4

Pɔ́p Pɔ̂l ɡɔ́ ŋ́kɛ́ ḿbɔ́ ŋ́ɡɔ ńnɛn tsɛt mɛtʉ́sɔŋ ńcú pɑ́Ꞌ pɑpɛ́m Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ yɛ Yɛlúsɑlɛm, kɑ zɑ́pnɛ, ḿbɔ́ ńcú mbɔ̌ pɔ́p ŋɡɔ pɔ́p ɡẅɛɛ yîyɑ́ nu sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 21:25

Ɛ́ ɡʉ nǔu pʉɔ pi pɔ́p kɑ́ pɔ́ Pɑyúdɑ pɔ́, mbɔ pɛk kɑ ŋwɑꞋnɛ mɔ́ ŋwɑꞋnɛ ŋ́ɡɑ́ mbɔ̌ pɔ́p, nɛlɔk ɛ́sẅíi wɔ́p nɛ́ yúu mi pɛk kɑ zɑ́pnɛ ŋɡɔ pɔ́p pɔ́ ŋ́ɡɛ, ńcú tsɛtú ŋɡɔ pɔ́p pɑ́ɑ nɛkwɛ́t pfuꞋ-mbɑp yi pɛ́ lɔknɛ ńnɔŋ pɔꞋ, ḿbɑ́ɑ nɛzẅíꞋ mɛci nɛ́ɛnɛ, ḿbɛn ḿbɑ́ɑ nɛkwɛ́t mbɑp-nɑɑ ẅí pɛ́ fɛ́mɛ wɛ́ fɛ́mɛ́nɛ, ŋɡɔ pɔ́p pɑ́ɑ nɛcẅɛꞋnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ.

Pʉɔ-Lɔ́mɑ 2:12

Pʉɔ pi pɔ́p kɑ́ pɔ́ pɑyúdɑ pɔ́, ŋ́kɛ́ mbɔɔ nɛpʉ́ʉ-Mɔ̌sɛ̂ɛ jí. Lɑ́ ŋ́kɛ́ ŋ́ɡɛ nu kɛpɔŋ, ḿvu pɔ ntsɑŋ, tɛ mbɑ pɑ́Ꞌ nu nɛpʉ́ʉ kɛ́ lɛɛ nǔu pɔ́. Lɑ́ ŋ́kɛ́ ŋ́ɡʉ nǔu pʉɔ pi pɔ́p ɡɔ́ ŋ́ɡɛ nu kɛpɔŋ, ḿbɔ́ ńjí nɛpʉ́ʉ, pɔ́p vu ntsɑŋ, ntɛ́ mîmɑ́ mbʉ́ʉ.

Pʉɔ-Lɔ́mɑ 2:14

Pʉɔ pi pɔ́p kɑ́ pɔ́ pɑyúdɑ pɔ́, ḿbɛn ŋ́kɛ́ ḿbɔɔ nɛpʉ́ʉ-Mɔ̌sɛ̂ɛ jí, ɡɛ pɔ yúu mi nînɑ́ nɛpʉ́ʉ-Mɔ̌sɛ̂ɛ sɛ́ ḿbíkŋɛ, tɛ ŋ́ɡɛ pɔ́ kɛ́ pɔ́ yi pɛ́ zíꞋ wɔ́p. Mbʉʉ yɔ́p lɔk pɔ́Ꞌɔ, ńzíꞋ wɔ́p nɛ́ mɛnu mi ɛ́ nǔu nɛpʉ́ʉ mbɑ pɑ́Ꞌ pɔ́p kɑ́ ɡẅɛɛ nɛpʉ́ʉ-Mɔ̌sɛ̂ɛ pɔ́.

Pʉɔ-Lɔ́mɑ 7:22

Mɔ kwɑꞋ tsɛt tʉ́m mɔ, nɛpʉ́ʉ-Sɛ́ pɔŋ wɑ́ɑ tɛꞋ.

Pʉɔ-Lɔ́mɑ 7:25

Sɛ́ ɡʉnɛ ńtɔ́ tsɛtú ńcẅɛɛtɛ wɑ́ɑ. Ńdɛɛtɛ nǔu Tsɑpʉɔ wɛkŋɛ Yɛ́su Kɛlístɔ, ɡúꞌlɛ pɔ́ mbɔ̌ wɛ́. Ɛ́ pɔ́Ꞌɔ, jínu yɑ́ɑ pɔ́ ɛ́sẅíi wɑ́ɑ ŋɡɔ mɔ ɡẅɛɛnɛ nɛpʉ́ʉ-Sɛ́, lɑ́ mbɑp-mbʉʉ-ŋumɛsɔŋ yi ŋ ɡẅɛɛnɛ pɔ́ ńtsʉ́ʉnɛ wɑ́ɑ ŋ kúꞋlɛ pɔ nɛpʉ́ʉ-nu kɛpɔŋ.

Pʉɔ-Lɔ́mɑ 8:4

A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ŋ́kuꞋ nɛnɑ́ŋ nǔu ntɛ́ yi nɛpʉ́ʉ sɛ́ ḿbíkŋɛ, n dɑꞋ pɛkŋɛ pi pɛkŋɛ kɑ́ pɛ́t ńnɛn pɑ́Ꞌ mbʉʉ yɛkŋɛ tsʉ́ʉnɛ wɛkŋɛ pɔ́, pɛkŋɛ tsʉ́Ꞌ ńnɛn pɔ pɑ́Ꞌ Zẅikŋɛ Lɛ́ɛnɛ́nɛ sɛ́ ɛ́sẅíi wɛkŋɛ.

Ŋɡɑlɑ̂t 3:2

Ŋ ɡʉ ḿbíkŋɛ wʉ́ʉ nɛ́ tɑ́Ꞌ nu, pʉʉ kɑ lɔk pɑ́Ꞌ pʉʉ kɑ pɔ́ ŋ́ɡɛ yúu mi nɛpʉ́ʉ-Sɛ́ píkŋɛ́nɛ lɑ Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ kɛkʉ̈ɔ́? Kɛ pʉʉ kɑ lɔk pɔ pɑ́Ꞌ pʉʉ zúꞋnɛ Ŋkʉʉ Sʉ́Ꞌnɛ ńzɑ́p tʉ́m nǔu lɑ Sɛ́ ɡɑ́ mbɔ̌ pʉʉ?

Ŋɡɑlɑ̂t 6:2

Pʉʉ tíi mɛnu mʉ́ʉ ḿbiꞋ ńcẅɛ́nɛ. Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡɛ yúu mi nɛpʉ́ʉ-Kɛlístɔ sɛ́ ḿbíkŋɛ.

Ɛ́bɛlʉʉ 8:10

Lɑ́ kɑɑ yi mɔ ŋ́ɡwɑt tsɛtsɛt pɛkŋɛ pɛ pʉɔ-Íslɑyɛ̂l pʉ́ɔ. Yîyɑ́ ŋkɑ́ ɡʉ ŋ́ɡɛ ḿbɔ́ tɛ ńdɛɛ, mɔ Tsɑpʉɔ cúnɛ Mɔ ŋ́ɡɛ jínu yɔ́p nɑ́ŋ ńtʉ́ʉ pɔ nǔu mɛnɛpʉ́ʉ mɑ́ɑ mbɑ tʉ́m yɔ́p tʉ́ʉ pɔ nǔu. M bɔ́ Sɛ́ yɔp pɔ́p pɔ́ pʉɔ pɑ́ɑ.