1 Kɔlɛ̂ŋtɛ 9:19 - Kɑɑ Fí

¹⁹ Pɑ́Ꞌ n cúnɛ lɑ́, ŋ ɡẅɛɛ nɛɡɛ kʉ̈ɔ́ lɑ́ nǔu ntɛ́ yi n jínɛ, lɑ́ ŋ kɑ pɛ́m ŋkwɑɑ-pʉɔ tsʉʉ, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ tɛ ńzɑ́ɑ tsʉ́Ꞌ pʉɔ-Kɛlístɔ.

1 Kɔlɛ̂ŋtɛ 9:19 ပူးပေါင်းရင်းမြစ်များ

Mɑtʉ̈ɔ 18:15

Mɔ́ɔmɑ́ wu lɑɑ ŋ́ɡɛ nu kɛpɔŋ nǔu ɡu, ɔ ɡʉ ńjʉ́ɔ wɛ́, pʉʉnɛ tʉ́ʉ pɛ́pɑ́, ɔ sẅíi wɛ́. A zúꞋ, tɛ ḿbɛ́m mɛfɑɑnɛ mɛ́, mbɔ ɔ cẅɛɛtɛ wɛ́ nǔu sɛ̂ndúŋ kɛpɔŋ.

Pʉɔ-Lɔ́mɑ 1:14

Sɛ́ kɑ ɡɑ́ yɔ fɑꞋ mbɔ̌ mɔ, ɛ́ yɛ́tɛ́ lɑ ŋ ɡẅɛɛ nɛcẅi Ŋkʉʉ Sʉ́Ꞌnɛ mbɔ̌ pʉɔ pɛtsʉʉ, mbɔ̌ pʉɔ pi pɔ́p kɑ zíꞋnɛ jínu mbɑ pinɛ pɔ́p ŋkɑɑ zíꞋ, mbɑ pɑjí ŋwɑꞋnɛ mbɑ pɑkɛ́jí.

Pʉɔ-Lɔ́mɑ 11:14

Mɔ sɛ́ ḿbɔ́ ɛ́fɑꞋ tsɛtsɛt pʉʉ, ḿbɔ́ ńtsɑ́ɑ ŋɡɔ pɔ́ɔpɛ́mɑ́ pɑ́ɑ pɑyúdɑ jʉ́ɔ mɛfɑꞋ-Sɛ́ nǔu pʉʉ lɔ́ŋ wɔp kɔ́Ꞌ, ńjí ŋɡɔ ŋ ɡʉ ŋ́ɡɛ Sɛ́ fú nǔu ŋ́ɡɛ pɛcɔ́ ntɑ́Ꞌ tsɛtsɛt pɔ́p luk.

Pʉɔ-Lɔ́mɑ 15:2

Ɛ́ píkŋɛ ŋɡɔ mbɑ wɔ̌ lɑ́ tsɛtsɛt pɛkŋɛ lɔɔ pɑ́Ꞌ ɑ ɡʉ ŋ́ɡɛ yúu mi ɛ́ ḿbɔŋ pɛcɔ́ pʉɔ, pɔ́Ꞌɔ ńdɔk ńtsɑ́ɑ nu sʉ́Ꞌnɛ nǔu pɔ́p, ɛ́ lɔk cẅɛ́lɛ́ wɔ́p pɔ́p kẅiꞋ ńzɑ́p tʉ́m nǔu Sɛ́.

1 Kɔlɛ̂ŋtɛ 10:29

Ŋ kɑ́ pɔ́ ńcú pɑ́Ꞌɑ ŋɡɔ yú tʉ́m ɡʉnɛ ńzúꞋ kɛ́kɑ́ŋ pɔ́, n dɑꞋ pɔ yɛ́ ŋu ẅí ɑ sẅíinɛ wú. Mbɔ ɔ píkŋɛ ŋɡɔ mɛlɑ́Ꞌ kʉ̈ɔ́ ɔ ɡɛ yúu pɔ nǔu wu nɛkɔŋ, tʉ́m wɛcɔ́ ŋu ndɛꞋ pɛn ŋ́ŋɑk wɛ́ nǔu yîyɑ́ yúu?

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

1 Kɔlɛ̂ŋtɛ 7:16

Ɛ́ zɛɛ ŋ́ɡɔ ḿbɔ́, ɡu ẅi ɔ mɑŋɡɛ́, ḿbɔ́ ŋu-Kɛlístɔ, mbɔ ɔ ɡɛ pɑ́Ꞌ lɑ́ ńtsuŋ ńjí ŋɡɔ ɔ ɡʉ ńdɑ́Ꞌ ŋ́ɡɛ tɛ ndúu mu luk? Kɛ ɡu ẅi ɔ ŋu mbɛ́ɛnɛ, ḿbɔ́ ŋu-Kɛlístɔ, mbɔ ɔ ɡɛ pɑ́Ꞌ lɑ́ ńjí ŋɡɔ ɔ ɡʉ ńdɑ́Ꞌ ŋ́ɡɛ tɛ nzwɛ́ wu luk?

1 Kɔlɛ̂ŋtɛ 9:1

Mɔ pɑ́Ꞌɑ mbɔ m bɔɔ ɡɛ yúu nǔu ntɛ́ yi mɔ sɛ́ ńjí pɔ́ kíi? Ŋ kɑ́ pɔ́ ŋɡɑŋntúu-Yɛ́su pɔ́ ɔɔ? Mɔ ŋkɑɑ jʉ́ɔ yɑ́ɑ Tsɑpʉɔ wɛkŋɛ Yɛ́su pɔ́ ɔɔ? Pʉʉ ŋkɑɑ ɡɔ́ ńjí Tsɑpʉɔ, ɛ́fú pɔ nǔu fɑꞋ yi ɛ fɑꞋnɛ mbɔ̌ wɛ́ pɔ́ ɔɔ?

2 Kɔlɛ̂ŋtɛ 12:14

Ɛ́ pʉ́ɔlɑɑ yi mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ nǔu mbɑ́ɑtɛ yɛ́tɑ́t lɑɑ. Lɑ́ mɔ ńtɔ́, pʉʉ kɛ́ ḿbɔɔ wɛcɔ́ pɛ́ tú mɔ tɑ́ŋ, mbíꞋŋɡɔ ŋ kɑ́ pɔ́ ńtɔ́ lɔɔ yúu pʉ́ʉ pɔ́, n tɔ́ pɔ lɔɔ wʉ́ʉ. Ɛ́ zɛɛ ḿbɔ́ pɑꞋnɛ, ɡɛ́ɡɛ́ mbɔ́ŋkʉ̈ɔ́ kɑ́ ɡẅɛɛ nɛlɛp ŋkɑ́p ŋ́ɡɑ́ mbɔ̌ pɛtɑ́t pɔ́p pɔ́, pɛtɑ́t-pɔ́ɔ ɡẅɛɛnɛ nɛlɛp ŋkɑ́p ŋ́ɡɑ́ mbɔ̌ mbɔ́ŋkʉ̈ɔ́ pɔ́p.

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

1 Timɔtɛ́ɛ 4:16

Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

1 Pyɛ̂ 3:1

Mbɑ pʉʉ yʉ́ʉ pɑŋɡɛ́, pʉʉ kɔk mbʉʉ yʉʉ ŋ́ɡɑ́ sɛ́ mbi pɛlúu pʉ́ʉ, ɛ́ lɛɛ pɔ́Ꞌɔ, ḿbɔ́ yi pɛcɔ́ pʉɔ tsɛtsɛt pɔ́p sɛ́ ńdʉꞋ nɛzɑ́p tʉ́m nǔu sẅiŋɛ-sɛ́, pɔ́p cʉ́ɔ nzʉʉ pʉʉ kɛ́ pɔ́ yi pʉʉ cú nu, ɛ́fú nǔu mɑt wʉʉ.