1 Kɔlɛ̂ŋtɛ 9:18 - Kɑɑ Fí

¹⁸ Yɑ́ɑ tsɔ́ꞋfɑꞋ pɑ́Ꞌɑ ḿbɔ́ kʉ̈ɔ́? Ɛ́ pɔ́ pɔ mɔ nɛcẅi Ŋkʉʉ Sʉ́Ꞌnɛ pɔ́ kɛ́ kɑ́ yúu, pɔ́ kɛ́ píkŋɛ yúu mi ŋ ɡẅɛɛnɛ nɛlɔk pɑ́Ꞌ mɔ ŋu ẅi ɑ cẅinɛ Ŋkʉʉ Sʉ́Ꞌnɛ lɑ́ ɡẅɛɛ nɛpíkŋɛ.

1 Kɔlɛ̂ŋtɛ 9:18 ပူးပေါင်းရင်းမြစ်များ

Jɑ̂ŋ 4:36

Ŋu ẅí ɑ lɑknɛ yúu, ɑ sɛ́ ńcẅɛ́ɛ tsɔ́ꞋfɑꞋ yɛ́, ɛ́ pɔ́ pɑ́Ꞌ ɑ sɛ́ ńcúꞋlɛ yúu ńníꞋ tsɛt luk kɛ́mɛ. Nɛpɔ́ yi ŋu ɑ pinɛ pɔ́p ŋu ɑ lɑknɛ ɡʉ tɛmtɛ ńtsɑ́ɑtɛ.

ŊwɑꞋnɛ-Gɑŋntúu Yɛ́su Kɛlístɔ 18:3

Pɑ́Ꞌ pɔ́p pɛ́ pɔ́p kɑ pɔ́ ɛ́fɑꞋ pɔ tɑ́Ꞌ ntɛ́ fɑꞋ, ɛ́ pɔ́ ńniitɛ mɛntɑp lɑ́, Pɔ̂l tsʉ́Ꞌ ńtswɛ́ pɔ njɛ́Ꞌ pɔ́p, pɔ́p pɛ́ pɔ́p tɛmtɛ ɛ́fɑꞋ.

Pʉɔ-Lɔ́mɑ 14:15

Pɔ́Ꞌɔ, ɛ́ lɑɑ ḿbɔ́ yi ḿbɔ́ ɔ lɛɛ nǔu nu-yúu mi ɔ kwɛ́tnɛ, ŋ́ɡɛ mbʉʉ-mɔ́ɔmɑ́ wu kʉ̈ɔ́, mbɔ ɔ kɑ́ pɔ́ ḿbɛn ŋ́ɡɛ nǔu ntɛ́ yi ɔ lɔk ŋ́kɔŋ mɔ́ɔmɑ́ ɡu pɔ́. Kɔɔ lɔk nu yúupɛjʉ́ ŋ́ɡɛ mɔ́ɔmɑ́ wu ẅí Kɛlístɔ kɑ pfúnɛ nǔu tú yɛ́ kúu pɛ́,

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

1 Kɔlɛ̂ŋtɛ 3:8

Ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki nǔu pɔ́ pɔ ndʉ́ŋndʉŋ. Mbɑ wɔ̌ lɑ́ nǔu pɔ́p pɔ́ ŋ́ɡʉ ńcẅɛ́ɛ yɛ́ tsɔ́Ꞌ fɑꞋ ɛ́ kuꞋ nǔu fɑꞋ yi ɑ fɑꞋnɛ.

1 Kɔlɛ̂ŋtɛ 7:31

Pʉɔ pí pɔ́p sɛ́ ńjʉ́ fuꞋ tsɛt yɔ mbí nɑ́ŋ pɑ́Ꞌ ŋkɑ́ yi pɔ́p kɑ́ pɔ́ ńjʉ́ pɔ́ lɑ́, mbíꞋŋɡɔ ndǔmbí yɔ yí pɛkŋɛ sɛ́ ńjʉ́ɔ lɑɑ kɛ́ ɡɛ ńdɑ́Ꞌ ḿbɔ́ pɔ ɡú pɔ́.

1 Kɔlɛ̂ŋtɛ 8:9

Lɑ́, pʉʉ kɛ́ ḿbɑ́ɑ pɑ́Ꞌ mbɔ yʉ́ʉ yúu mi pʉʉ sɛ́ ńjí ŋɡɔ pʉʉ kuꞋ nɛɡɛ, tsʉ́Ꞌ yúu mi pʉɔ pi pɔ́p pɛ́t ḿbɔ́t pɔ́tnɛ ɡʉ ŋ́kɔɔtɛ nǔu ḿvu Sɛ́,

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:15

Ɛ́ lɔk ḿbɔ́ ŋɡɔ ŋ kɑ ɡẅɛɛ nɛpíkŋɛ yúu mbɔ̌ pʉʉ, lɑ́ mɔ ŋkɑɑ mɔ́ kɑ́ píkŋɛ pɔ́. Ŋ kɑ́ pɔ́ ŋ́ŋwɑꞋnɛ pɑ́Ꞌɑ ńdɔk ḿbíkŋɛ ŋɡɔ pɛ́ ɡɑ́ yúu mbɔ̌ mɔ pɔ́. Ɛ́ tsʉ́Ꞌ yi m bɛ́m ŋu ɡɛ n nɑ́ yɔ nu yi n dɔknɛ ńtsɑ́ɑtɛ, m pfú.

1 Kɔlɛ̂ŋtɛ 9:17

Ɛ́ kɑ pɔ́ pɛ́Ꞌnɛ mɔ kɑŋnɛ yɔ fɑꞋ, mbɔ ŋ ɡẅɛɛ nɛzẅíꞋlɛ tsɔ́ꞋfɑꞋ. Lɑ́, pɑ́Ꞌ ɛ́ fɑꞋ yi ŋ kɛ́ ŋ́ɡẅɛɛ pɔ nɛfɑꞋ lɑ́, ɛ́ mbɔ̌ mɔ ḿbɔ́ pɔ piꞋ yi ŋ kɛ́ ŋ́ɡẅɛɛ pɔ nɛtíi.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

1 Tɛsɑlɔník 2:6

Pɛk ŋ́kɑɑ píkŋɛ ŋɡɔ pɛ́ ɡɑ́ mɛkuꞋ mɛ́k pɔ́, kɛ pɔ pʉʉ nɛɡɑ́ pɔ́, kɛ pɔ pɛcɔ́ pʉɔ pɔ́.