1 Kɔlɛ̂ŋtɛ 9:16 - Kɑɑ Fí

¹⁶ Ɛ́ mbɔ̌ mɔ, nɛcẅi Ŋkʉʉ Sʉ́Ꞌnɛ, pɔɔ pɔ́ pɔ yɛcɔ́ yúu nɛlɔk ŋ́ŋɑ́Ꞌtɛ pɔ́. Ɛ́ pɔ́ pɔ yúu mi ŋ kɛ́ ŋ́ɡẅɛɛ pɔ nɛɡɛ. N dɑɑ ńdʉꞋ nɛcẅi Ŋkʉʉ Sʉ́Ꞌnɛ, mbɔ n tíi ndɔɔ.

1 Kɔlɛ̂ŋtɛ 9:16 ပူးပေါင်းရင်းမြစ်များ

Mɑtʉ̈ɔ 25:16

ŊɡɑŋfɑꞋ ẅí pɛ́ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́, tsʉ́Ꞌ ŋ́ɡɔ́ɔ fɛ́ꞌnɛ ńtɑ́ŋ yɛ́, tɛ ńjʉ́ yɛcɔ́ pɑk ŋkʉ yɛ́tɑ́ɑ.

Lúkɑ́shi 9:62

Yɛ́su cú mbɔ̌ wɛ́ ŋɡɔ: «Ŋu lɑɑ ńzɛ nɛzʉ́Ꞌ nɑŋ, ḿbɛn ḿbɔ́ ńdíŋɛ nzʉʉ, mbɔ ɑ kɑ́ pɔ́ ŋu ẅi ɑ kuꞋ nɛfɑꞋ nǔu nu-nɛfɔɔ-Sɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 4:20

Ɛ́ ɡʉ nǔu pɛk, mbɔ ɛ́ lɑɑ ḿbɔ́ pɛk pɔɔ nɑ́Ꞌ nǔu nu yí pɛk kɑ zúꞋnɛ ḿbɛn ńjʉ́ɔ pɔ́.»

ŊwɑꞋnɛ-Gɑŋntúu Yɛ́su Kɛlístɔ 9:15

Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 9:6

Lɑ́, kɛ ńdɔ sɛ́ ŋ́ɡʉ nɛ́ tʉ́sɔŋ. Ɔ ɡʉ ŋ́kúu zúꞋu, pɛ́ sẅíi wú nɛ́ yúu mi ɛ́ sɛ́ ḿbíkŋɛ ŋɡɔ ɔ ɡɛ.»

Pʉɔ-Lɔ́mɑ 1:14

Sɛ́ kɑ ɡɑ́ yɔ fɑꞋ mbɔ̌ mɔ, ɛ́ yɛ́tɛ́ lɑ ŋ ɡẅɛɛ nɛcẅi Ŋkʉʉ Sʉ́Ꞌnɛ mbɔ̌ pʉɔ pɛtsʉʉ, mbɔ̌ pʉɔ pi pɔ́p kɑ zíꞋnɛ jínu mbɑ pinɛ pɔ́p ŋkɑɑ zíꞋ, mbɑ pɑjí ŋwɑꞋnɛ mbɑ pɑkɛ́jí.

Pʉɔ-Lɔ́mɑ 15:17

N dɔk pɑ́Ꞌ dɑtnɛ mbʉʉ nǔu Yɛ́su Kɛlístɔ, ŋ́kuꞋ nɛlɔk fɑꞋ-Sɛ́ yi mɔ sɛ́ ɛ́fɑꞋ ŋ́kɑꞋmɛ.

Pʉɔ-Lɔ́mɑ 4:2

Ɛ́ kɑ pɔ́ pɛ́Ꞌɛ Sɛ́ pɔ́ ńcú ŋɡɔ ɑ ndʉ́ŋndʉŋ mbi wɛ́, ɛ́fú pɔ nǔu mɛfɑꞋ sʉ́Ꞌnɛ mɛ́, mbɔ ɛ́ lɑ́ɑ ḿbɔ́ ɑ lɔk ŋ́ŋɑ́Ꞌtɛ, lɑ́ wɛcɔ́ nɛpɔ́ ẅi mbɔ ɑ lɔk ŋ́ŋɑ́Ꞌtɛ mbi Sɛ́ ɛ́ kɑ́ pɔ́ ɡú pɔ́.

1 Kɔlɛ̂ŋtɛ 4:15

Pʉʉ lɑɑ ńzɛɛ ŋ́ɡẅɛɛ pʉɔ pi pɔ́p zíꞋnɛ wʉ́ʉ nɛ́ nu-Kɛlístɔ tɛ ɛ́ zɛɛ ḿbɔ́ pɔ yúu ntsɑ́Ꞌ nɛɡɛ́m, ḿbɔ́ pɛtɑ́t pʉ́ʉ kɑ zɑ́ɑ zɑ́ɑnɛ. Mɔ pɔ́nɛ tɑ́t wʉ́ʉ mbíꞋŋɡɔ mɔ tɔ́nɛ ńcẅi Ŋkʉʉ Sʉ́Ꞌnɛ mbɔ̌ pʉʉ, lɑ́ pʉʉ lɑt mbʉʉ yʉʉ nǔu Yɛ́su Kɛlístɔ.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:14

Ɛ́ ndʉ́ŋndʉŋ pɑ́Ꞌ Tsɑpʉɔ kɑ zɑ́pnɛ ŋɡɔ pʉɔ pi pɔ́p sɛ́ ńcẅi Ŋkʉʉ Sʉ́Ꞌnɛ, pɔ́p ɡʉ ḿbɔ́ ńjʉ́ yúu mi ɛ́ fúnɛ nǔu fɑꞋ-nɛcẅi Ŋkʉʉ Sʉ́Ꞌnɛ.

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

Kɔlɔsíyɛ̂ŋ 4:17

Pʉʉ cú mbɔ̌ Alɛshipɛ ŋɡɔ, kɔɔ ɑ lɔk fɑꞋ yi Tsɑpʉɔ kɑ ɡɑ́nɛ mbɔ̌ wɛ́ ŋ́ɡɛ mɛɡɑɑ, ŋɡɔ ɑ fɑꞋ sʉ́Ꞌnɛ.