1 Kɔlɛ̂ŋtɛ 7:33 - Kɑɑ Fí

³³ Lɑ́ ŋ́ɡʉ nǔu ŋu ẅí ɑ zɔ́Ꞌnɛ, mbɔ ɑ kwɑŋɛ pɔ mɛnu ndǔ tsɛ́tsɑ́Ꞌ, ɑ lɔɔ pɔ nɛɡɛ yúu mi ɛ́ ɡʉ ḿbɔŋ nzwɛ́ wɛ.

1 Kɔlɛ̂ŋtɛ 7:33 ပူးပေါင်းရင်းမြစ်များ

Lúkɑ́shi 12:22

Yɛ́su pɛn ńcú mbɔ̌ ɡɑŋku pɛ́ ŋɡɔ: «N dɔk ɛ́sẅíi wʉ́ʉ ŋɡɔ kɔɔ pʉʉ nɑ́ŋ ḿbúꞋ mbʉʉ yʉʉ nǔu nu yúupɛjʉ́ ŋɡɔ, pʉʉ ɡɛ ŋ́kwɛ́t kʉ̈ɔ́? Kɛ mbɑ nǔu nu ndẅí ŋɡɔ, pʉʉ ɡɛ ḿmɑꞋ kʉ̈ɔ́?»

Lúkɑ́shi 14:20

Wɛcɔ́ ɡɔ: «Mɔ ḿbɛ́t lɑ́ ńzɔ́Ꞌ, ḿbɔ́ m bɔɔ tɔ́.»

Jɑ̂ŋ 10:13

Ẅîwɑ́ ŋu mɛꞋ mɛnjinjɔ ŋ́kʉɔ, mbíꞋŋɡɔ ɑ kɑ tɔ́ pɔ nɛlɛp ŋkɑ́p. Mɛjʉ́ŋ-mɛnjinjɔ kɑ́ pɔ́ ŋ́kɔ́ wɛ́ pɔ́.

1 Kɔlɛ̂ŋtɛ 7:3

Ɛ́ sɛ́ ḿbíkŋɛ ŋɡɔ ŋu mbɛ́ɛnɛ ɡɛ nu-ŋu mbɛ́ɛnɛ nǔu nzwɛ́ wɛ, mɑŋɡɛ́ ɡɛ nu-mɑŋɡɛ́ nǔu ndúu mɛ.

1 Kɔlɛ̂ŋtɛ 7:32

M bɛn ḿbɔ́ ŋ́kɔŋ ŋɡɔ kɔɔ mɛcɔ́ mɛnu ɡɑ́ɑnɛ wʉ́ʉ tʉ́m pʉʉ. Ŋu ẅí ɑ kɑ́ zɔ́Ꞌ kɛ kwɑŋɛ pɔ mɛnu-Tsɑpʉɔ. A lɔɔ pɔ nɛɡɛ yúu mi ɛ́ ɡʉ ḿbɔŋ Tsɑpʉɔ.

1 Kɔlɛ̂ŋtɛ 7:34

Ɛ́ lɛɛ pɔ́Ꞌɔ, jínu yɛ́ pɔɔ tʉ́ʉ nǔu tɑ́Ꞌ nu pɔ́. Mɑŋɡɛ́ ẅí ɑ ŋkɑɑ zɔ́Ꞌ kɛ pɔ mɔ́ɔ mɑŋɡɛ́ ɔ́ɔ, ɑ kɛ ŋ́kwɑŋɛ yɛ́ pɔ mɛnu-Tsɑpʉɔ, ńjí ŋɡɔ ɑ ɡʉ ḿbɔ́ pɔ ŋu-Tsɑpʉɔ nǔu mbɑ kʉ̈ɔ́ lɑ́ yi ɑ sɛ́ ŋ́ɡɛ, mbɑ yi ɑ sɛ́ ŋ́kwɑŋɛ kwɑŋɛ́nɛ. Lɑ́ ŋ́ɡʉ nǔu mɑŋɡɛ́ ẅí ɑ zɔ́Ꞌnɛ, ɑ kwɑŋɛ pɔ mɛnu-ndǔ tsɛ́tsɑ́Ꞌ, ndɔɔ pɔ nɛɡɛ yúu mi ɛ́ ɡʉ mbɔŋ ndúu mɛ.

Kɔlɔsíyɛ̂ŋ 3:19

Pʉʉ mbɛ́ɛnɛ pi pʉʉ zɔ́Ꞌnɛ, mbɑ wɛ́tɛ́ ŋu lɑ́ nǔu pʉʉ kɔŋ nzwɛ́ wɛ, kɔɔ ɑ ɡẅɛɛ mɑt tɛnnɛ nǔu wɛ́.

1 Timɔtɛ́ɛ 5:8

Ɛ́ ɡʉ nǔu mbɔ́ŋkʉ̈ɔ́, mbɔ ŋu wɔp lɑɑ ḿmɛꞋ pʉɔ tsɛ́nndɑ́ yɔ́p, pɛ́ lɑ́Ꞌ pʉɔ pi pɔ́p pɛpɔ́p tsẅɛ́nɛ, mbɔ ɑ lɔk pɔ́Ꞌɔ, ńdʉꞋ nu-Yɛ́su yi pɛkŋɛ pɛ́mnɛ. Ŋɡɑŋ lɔk pɔ́Ꞌɔ, ḿbʉ́k ńdɛɛ ŋu ẅí ɑ kɑ́ zɑ́p tʉ́m yɛ́ nǔu Yɛ́su pɔ́.

1 Pyɛ̂ 3:7

Mbɑ pʉʉ yʉ́ʉ mbɛ́ɛnɛ pʉʉ ɡẅɛɛ pɛzwɛ́ pʉ́ʉ sʉ́Ꞌnɛ, ŋ́kẅíitɛ pɑ́Ꞌ pɑŋɡɛ́ pɔ́ pɔ pʉɔ zɔ́plɛ zɔ́plɛ́nɛ. Pʉʉ ɡɑ́ mɛkuꞋ mɔ́p, mbíꞋŋɡɔ Sɛ́ kɑ ɡɑ́ fuꞋ yʉ́ʉ pɛpɔ́p pɛtsʉʉ, ŋ́ɡɛ pɑ́Ꞌ pʉʉ ɡʉ ńdɑ́Ꞌ ŋ́ɡẅɛɛ kwɑꞋ nɛpɔ́. Pʉʉ ɡɛ pɔ́Ꞌɔ, ńcɛꞋlɛ Sɛ́, yɛcɔ́ yúu pɔɔ wʉ́ʉ tɑɑtɛ.