1 Kɔlɛ̂ŋtɛ 6:9 - Kɑɑ Fí

^9-10 Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

1 Kɔlɛ̂ŋtɛ 6:9 ပူးပေါင်းရင်းမြစ်များ

Mɑtʉ̈ɔ 19:29

Mbɑ wɔ̌ lɑ́ ẅi ɑ kɑ nɑ́nɛ mɛndɑ́, ńnɑ́ pɔ́ɔpɛ́mɑ́ pɛ́ pɛ́ mbɛ́ɛnɛ mbɑ pɛ́ pɑŋɡɛ́, kɛ pɔ tɑ́t wɛ, kɛ pɔ mɑ́ wɛ, kɛ pɔ mbɔ́ŋkʉ̈ɔ́ pɛ́, kɛ pɔ mɛŋkɑ́Ꞌ mɛ́ ɔɔ, ntɛ́ lík yɑ́ɑ, ɑ ɡʉ ńdɑ́Ꞌ ḿbɛn ŋ́ɡẅɛɛ yîyɑ́ yúu ŋkɑ́ ŋkʉ, ḿbɛn ŋ́ɡẅɛɛ luk kɛ́ mɛ.

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

1 Kɔlɛ̂ŋtɛ 15:33

Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?

1 Kɔlɛ̂ŋtɛ 15:50

Pɔ́ɔpɛ́mɑ́ pɑ́ɑ, n dɔk pɑ́Ꞌɑ ńcú ŋɡɔ, ḿbɔ́ ŋu pɔɔ lɔk mbɑp-mbʉʉ yɔ yi ɛ́ ɡẅɛɛnɛ mbɑp-mbʉʉ nɛ́ mɛci lɑɑ, ńdɔk ŋ́kúu tsɛt nɛfɔɔ-Sɛ́ pɔ́. Ḿbɔ́ yúu mi ɛ́ lʉ̈ɔ́nɛ pɔ́p yi ɛ́ kɑ́ lʉ̈ɔ́ pɔɔ ńtɛmtɛ tɑ́Ꞌ zʉꞋ pɔ́.

1 Kɔlɛ̂ŋtɛ 3:16

Pʉʉ kɑ pɔ́ ńjí ŋɡɔ pʉʉ pɑ́Ꞌɑ ḿbɔ́ ndɑ́-nɔŋpɔꞋ, Zẅikŋɛ-Sɛ́ pɔ́ tsẅɛ́ tsɛtú pɔ́ ɔɔ?

1 Kɔlɛ̂ŋtɛ 5:1

Pɛ́ sɛ́ ńzúꞋ pɛ́ pɔ́ ɡɔ́ lɑ́ ɛ́sẅíi ŋɡɔ ɛ́ tsɛtsɛt pʉʉ, wɛcɔ́ ŋu pɔ́ ɡú ɛ́fʉꞋ yɛcɔ́ ntɛ́ mɛnu tɛꞋ, yîyɑ́ ntɛ́ tsẅɛ́ pɛ́k pɛknɛ tɛ pɑkɛ́jí Sɛ́ zɛɛ mbɔɔ pɔ́Ꞌɔ ɡɛ. Mɔ sɛ́ ńzúꞋ ŋɡɔ wɛcɔ́ ŋu tsɛtsɛt pʉʉ ḿbɔ́ ɑ tíi nzwɛ́-tɑ́t wɛ.

1 Kɔlɛ̂ŋtɛ 5:10

Mɔ ŋkɑɑ ḿbɔ́ ńdɑꞋ pʉɔ tsʉʉ pi pɔ́p tsɛt yɔ ndǔmbí ńtsɛ́t mbɑ wɔ̌ lɑ́ pɔ́p pɛpɔ́p nɔɔ nɔŋnɛ pɔ́, ŋ́kɛ́ ḿbɔɔ ńcú pɛtsɔ́ŋ tsʉʉ pɔ́, ŋ́kɛ́ ḿbɔɔ ńcú ɡɑŋ kɛ́ɡʉ̈ɔꞋ tsʉʉ pɔ́, ŋ́kɛ́ ḿbɔɔ ńcú pɑɡúꞋlɛ yúu ŋɡɔ ɛ́ mɛsɛ́ tsʉʉ pɔ́. MbíꞋŋɡɔ ɛ́ kɑ pɔ́ pɔ́Ꞌɔ, mbɔ pʉʉ kɑ tsʉ́Ꞌ ɛ́fú pɔ tsɛt nɛfɔɔ-ndǔmbí ńcẅɛt.

1 Kɔlɛ̂ŋtɛ 5:11

Ŋɡɑ́ŋ, ŋ kɑ pɔ́ ŋ́ŋwɑꞋnɛ ńcú mbɔ̌ pʉʉ pɔ ŋɡɔ, pʉʉ pɑ́ɑ ŋu ẅí ɑ tsɛtsɛt pʉʉ ḿbɔ́ ńcú ŋɡɔ ɑ mɔ́ɔmɑ́ wʉ́ʉ nzʉʉ Kɛlístɔ, ḿbɛn ńtsɛ́t mbɑ wɔ̌ lɑ́ pɔ́pnɛ́ nɔɔ nɔɔnɛ, ḿbɔ́ ntsɔ́ŋ, kɛ ḿbɔ́ pɔ ŋu ẅí ɑ ɡúꞋlɛ́nɛ mɛyúu ŋɡɔ ɛ́ mɛsɛ́ ɔɔ, kɛ pɔ ŋu ẅí ɑ sẅiŋɛ́nɛ kɛpɔŋ nǔu mɛlík-pʉɔ ɔ́ɔ, kɛ pɑ́lɛ́-mɛluꞋ ɔɔ, kɛ pɔ ŋu ẅí ɑ kɔŋnɛ ŋkɑ́p tɛꞋ ɔɔ. Kɔɔ pʉʉ pɛ yîyɑ́ ntɛ́ ŋu zɛɛ ńtɛmtɛ yúu ńjʉ́.

1 Kɔlɛ̂ŋtɛ 6:18

Pʉʉ niitɛ ḿbɑ́ɑ nɛlɔk mbʉʉ yʉʉ ŋ́ɡɛ kʉ̈ɔ́ lɑ́ yi pʉʉ kɔŋnɛ. Mɛcɔ́ mɛnu kɛpɔŋ mi pʉɔmɛsɔŋ ɡɛnɛ, ɛ́ nǔu pɔ́p ḿbɔ́ pɔ nzɛmpíi. Lɑ́ ḿbɔ́ yi ŋu lɑɑ ńdɔk mbʉʉ yɛ́ ŋ́ɡɛ kʉ̈ɔ́ lɑ́, mbɔ ɑ shɔtnɛ ŋ́ɡɛ nu kɛpɔŋ pɔ nǔu yɛ́.

1 Kɔlɛ̂ŋtɛ 6:19

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́.

1 Kɔlɛ̂ŋtɛ 9:24

Pʉʉ sɛ́ ńjí yʉ́ʉ ŋɡɔ ɛ́ ɡʉ zʉꞋ yi pɛ́ kʉɔnɛ ndʉ́ɔlɛ́ zúꞋu, pɑkʉɔ ndʉ́ɔlɛ́ kʉ̈ɔ́ pɔ pɛtsʉʉ, lɑ́ tɑ́Ꞌ ŋu wɛ́mɔ́Ꞌ nǔu pɔ́p tíinɛ yúu mi pɛ́ zɑ́pnɛ. Mbɑ wɔ̌ lɑ́ nǔu pʉʉ kʉ̈ɔ́ nǔu ntɛ́ yi ɑ ɡʉ ńtíi yúu mi pɛ́ zɑ́pnɛ.

2 Kɔlɛ̂ŋtɛ 12:21

Mɔ sɛ́ ḿbɛn ḿbɔ́ ḿbɔ́k nɛɡɛ ḿbɛn ńtɔ́ tɛ ŋ́kúu lɑ́Ꞌ pʉʉ, Sɛ́ wɑɑ pɛn ŋ́kɔk ndɛn wɑ́ɑ mbi pʉʉ tɛ líkcɔ́ ŋ ɡẅɛɛ nɛlɑɑ mbíꞋ pʉɔ tɛ ńzɑ́ɑ pi pɔ́p tsɛtsɛt pʉʉ, mbɔ pɔ́p kɑ pɔ́ ŋ́ɡɛ mɛnu kɛpɔŋ, pɔ́p ŋkɑɑ mɔ́ mɑt wɔ́p kúpmɛ, pɔ́p ŋkɑɑ mɔ́ cẅɛt nǔu mɛnu-ndǔmbí mɔ́p pɔ́, ŋ́kɛ́ mbɔɔ nu mpfuꞋ yɔ́p mɛꞋ, ŋ́kɛ́ ḿbɔ́ ŋ́kẅiꞋ ŋ́ɡɛ pɔ mɛnu kɛpɔŋ ntɛ́ nɛ́ ntɛ́ kɛ́ ɡẅɛɛtɛ mbʉʉ yɔp.

Ŋɡɑlɑ̂t 6:7

Kɔɔ ŋu shɔtnɛ ɛ́fúklɛ túmbʉʉ yɛ́, pɛ́ lɔɔ ŋ́ɡwɑ́k Sɛ́ pɔ́. Ŋu lɑɑ ḿbi kʉ̈ɔ́lɑ́, mbɔ ɑ ɡʉ ńdɑ́Ꞌ ŋ́kɑ́p pɔ yɛ́tɛ́.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

Ɛ́bɛlʉʉ 12:14

Pʉʉ lɔɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ. Pʉʉ lɔɔ mbɑ pɑ́Ꞌ pʉʉ ɡʉ ŋ́ɡɛ yúu mi Sɛ́ kɛ́ jʉ́ɔ lɔ́Ꞌ nǔu pɔ́. MbíꞋŋɡɔ ŋu lɑɑ ŋ́ɡɛ yúu mi Sɛ́ ɡʉ jʉ́ɔ lɔ́Ꞌ nǔu, mbɔ ŋɡɑŋ ńdɑ́Ꞌ ńjʉ́ɔ Tsɑpʉɔ pɔ́.

Ɛ́bɛlʉʉ 12:16

Pʉʉ pɑ́ɑ pɑ́Ꞌ ḿbɔ́ ŋu wʉ́ʉ puutɛ mbɑ wɔ̌ lɑ́ pɔ́p nɛ́ nɔɔ nɔɔnɛ, ḿbɑ́ɑ pɑ́Ꞌ ḿbɔ́ ŋu nɑ́ kɛ́ ɡɑ́ mɛkuꞋ nǔu yúu mi ɛ́ yɛ́ Sɛ́, ndʉ́ŋndʉŋ pɑ́Ꞌ Ɛzɑẅi ẅi ɑ kɑ fɛnnɛ nu-ndʉ́m ẅi ɑ kɑ pɔ́ wɛ́tɛ́, pɛ́ lɔk tɑ́Ꞌ kɑ́ŋ yúupɛjʉ́ ńzúu.

Ɛ́bɛlʉʉ 13:4

Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.

Jɑ̂k 1:16

Pɔ́ɔpɛ́mɑ́ pɑ́ɑ pɛ́ tʉʉndɛn, kɔɔ kwɑŋɛ yʉ́ʉ fúklɛ wʉ́ʉ.

1 Jɑ̂ŋ 3:7

Mbɔ́ŋkʉ̈ɔ́ pɑ́ɑ, ḿbɑ́ɑ ŋu nɛɡɛ pʉʉ fɑɑnɛ sɛ̂ndúŋ. Ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ŋɡɑŋ lɔk ŋ́ɡɛ yɛ́ pɑ́Ꞌ Yɛ́su Kɛlístɔ. A ɡɛ yúu mi ɛ́ ndʉ́ŋndʉŋ mbi Sɛ́.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

Mɛnu ɛ́ ńdɑ́Ꞌ ńcẅɛt 22:15

Lɑ́ ŋ́kɛ́ ŋ́ɡʉ nǔu pɑɡɛ mɛnu pɑ́Ꞌ mvú, ɛ́ pɑɡẅɛɛ mɛkɑŋ, ɛ́ pɑɡɛ mɛnu mpfuꞋ, ɛ́ pɑjẅítɛ pʉɔ, ɛ́ pɑɡúꞋlɛ yúu ŋɡɔ ɛ́ mɛsɛ́, ḿbɔ́ mbɑ wɔ̌ lɑ́ ẅi ɑ kɔŋnɛ cɔtnu, tɛ ɛ́sẅíi yɛ́ pɔ cɔtnu, pɛɡɑŋ ɡɔ́ŋ nzɛmpíi.