1 Kɔlɛ̂ŋtɛ 6:15 - Kɑɑ Fí

¹⁵ Pʉʉ kɑ́ pɔ́ ńjí ŋɡɔ mbʉʉ yʉʉ mɛkɛm-mbʉʉ-Kɛlístɔ pɔ́ kíi? Ŋ ɡʉ ńdɔk kɛm-mbʉʉ-Kɛlístɔ ńdɔk ŋ́ɡɛ kɛm-mbʉʉ-ŋkɑttʉ́ mɑŋɡɛ́? Ŋɡɑ́ŋ,

1 Kɔlɛ̂ŋtɛ 6:15 ပူးပေါင်းရင်းမြစ်များ

Lúkɑ́shi 20:16

A ŋ́ɡɛ ńtɔ́ ŋ́ɡɛ pɛ́ jẅítɛ wɔ́p. A níꞋ ŋkɑ́Ꞌ mbɔ̌ pɑniitɛ mɛluꞋ pɛndɛꞋ. Lɑ́Ꞌ zúꞋ pɔ́Ꞌɔ, ńcú ŋɡɔ: «Ŋɡɑ́ŋ, ḿbɔ́ ɛ́ pɔɔ pɔ́ pɑ́Ꞌ pɔ́!»

Pʉɔ-Lɔ́mɑ 12:5

Ɛ́ pɛn ḿbɔ́ pɔ ndʉ́ŋndʉŋ nǔu pɑ́Ꞌ pɛkŋɛ pɔ́ tɛ ńzɑ́ɑ zɑ́ɑnɛ lɑ́, ńdɔk pɑ́Ꞌ pɛkŋɛ lɑtnɛ mbʉʉ nǔu Kɛlístɔ, ńtɛmtɛ ńcúꞋlɛ nǔu tɑ́Ꞌ ŋu, pɑ́Ꞌ mɛkɛm mbʉʉ tɛmtɛ́nɛ, mbɑ yɛ́tɛ́ lɑ́ pɔ́ ńtɔ́ɔtɛ yɛcɔ́ lɑ́.

Pʉɔ-Lɔ́mɑ 3:31

Ńjí ŋɡɔ ɛ́ pɑ́Ꞌɑ ḿbɔ́ yi pɛkŋɛ lɑɑ ńzɑ́p tʉ́m nǔu Yɛ́su, mbɔ nɛpʉ́ʉ kɑ́ pɛ́t yɛcɔ́ nu pɔ́ kɛkʉ̈ɔ́? Ŋɡɑ́ŋ ɛ́ kɑ́ lɔk ḿbɔ́ pɔ́Ꞌɔ pɔ́. Tɛ ńtsʉ́Ꞌ pɔ́Ꞌɔ, mbɔ pɛkŋɛ lɔk pɔ́Ꞌɔ, ńtík nɛpʉ́ʉ kwɑꞋ nǔu zʉꞋ yɛ́.

Pʉɔ-Lɔ́mɑ 3:6

Ŋɡɑ́ŋ ḿbɔ́ pɛkŋɛ pɔɔ cú pɔ́Ꞌɔ pɔ́, Sɛ́ pɛ́Ꞌnɛ mbɔɔ pɔ́ ndʉ́ŋndʉŋ pɔ́, mbɔ ɑ kɛ́ kuꞋ pɑ́Ꞌ ḿbɔ́ ɑ ŋɑk pʉɔmɛsɔŋ tsʉʉ pi pɔ́p ndǔ tsɛ́tsɑ́Ꞌ pɔ́.

Pʉɔ-Lɔ́mɑ 6:15

Pɔ́Ꞌɔ, ńdɔk ńcú ŋɡɔ kʉ̈ɔ́? Pɛ́ lɔk ńcú ŋɡɔ pɛkŋɛ ɡɛ mɛnu kɛpɔŋ, mbíꞋŋɡɔ pɛkŋɛ kɑ́ pɛ́t ńnɛn nǔu sɛ̂ndúŋ-nɛpʉ́ʉ pɔ́, ńtsʉ́Ꞌ ńnɛn pɔ nǔu ẅi Sɛ́ ńdɛɛ nǔu ŋ́ɡɑ́ fuꞋ níinɛ yɛkŋɛ, ńdɔk wɛkŋɛ ŋ́ɡɛ pʉɔ pɛ́ kɛkʉ̈ɔ́? Ŋɡɑ́ŋ ḿbɔ́ pɛkŋɛ pɔɔ pɔ́Ꞌɔ ɡɛ.

Pʉɔ-Lɔ́mɑ 6:2

Ŋɡɑ́ŋ! Mbɔ pɛkŋɛ pɔɔ pɔ́Ꞌɔ ɡɛ. Pɑ́Ꞌ ɛ́ zɛɛ ḿbɔ́ nǔu nɛɡɛ nu kɛpɔŋ, mbɔ pɛkŋɛ kɑ pfú mɔ́ lɑ́, mbɔ pɛkŋɛ ŋ́ɡɛ pɑ́Ꞌɑ lɑ ḿbɛn ḿbɔ́ ŋ́ɡɛ pɔ nu kɛpɔŋ?

Pʉɔ-Lɔ́mɑ 7:13

Tɛ ɛ́ pɔ́Ꞌɔ pɑ́Ꞌnɛ ńdɔk ńcú ŋɡɔ yúu mi ɛ́ pɔŋnɛ tɔ́ nǔu mɔ ńtsʉ́Ꞌ pɔ nɛvú kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Nu kɛpɔŋ kɑ ɡɛnɛ m pfú, nu kɛpɔŋ kɑ tsuŋ ńnyɛt ŋɡɔ ɛ́ kɑ́ pɔŋ. Ɛ́ kɑ lɛɛtɛ nǔu yúu mi ɛ́ pɔŋnɛ ńdɔk ŋ́ɡɛ m pfú, ńdɔk pɔ́Ꞌɔ, ńdɛɛ nǔu yúu mi Sɛ́ kɑ cúnɛ ŋɡɔ pɛ́ ɡɛ, ńcẅɛt kwɑꞋ mɑ́mɑ́ nu kɛpɔŋ.

Pʉɔ-Lɔ́mɑ 7:7

Pɛ́ lɔk pɑ́Ꞌnɛ ńcú ŋɡɔ nɛpʉ́ʉ-Sɛ́ yúu kɛpɔŋ kɛkʉ̈ɔ́? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́, mbíꞋŋɡɔ ŋ kɑ fú pɔ nǔu nɛpʉ́ʉ ɛ̂nɑ́ lɑ ńjí nu kɛpɔŋ, ɛ́ kɑ pɔ́ pɛ́Ꞌnɛ ɛ́ pɔɔ ńcú ŋɡɔ: «Kɔɔ ɡẅɛɛ kɛ́ɡʉ̈ɔꞋ pɔ́, mbɔ ŋ kɑ́ jí kɛ́ɡʉ̈ɔꞋ pɔ́.»

1 Kɔlɛ̂ŋtɛ 11:3

Ɛ́ pɔŋ lɑ́ yúu kɛ́ ḿbɛ́t ɡú yi mɔ sɛ́ ŋ́kɔŋ ŋɡɔ pʉʉ jí sʉ́Ꞌnɛ. Ŋu ẅí ɑ ɡẅɛɛnɛ ŋu mbɛ́ɛnɛ tsʉʉ ɑ Kɛlístɔ, ŋu ẅí ɑ pɛnnɛ ŋ́ɡẅɛɛ mɑŋɡɛ́ ɑ pɔ́ ŋu mbɛ́ɛnɛ, ŋu ẅí ɑ ɡẅɛɛnɛ Kɛlístɔ ɑ pɔ́ Sɛ́.

1 Kɔlɛ̂ŋtɛ 12:27

Ɛ́ ɡʉ nǔu mbʉʉ-Kɛlístɔ, mbɔ pʉʉ wɔ lɔknɛ ḿbɔ́ yîyɑ́, ẅîwɑ́ ŋu pɔ́ nǔu pʉʉ, ḿbɔ́ tɑ́Ꞌ kɛm nǔu mbʉʉ ɛ̂yɑ́.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

1 Kɔlɛ̂ŋtɛ 6:17

Lɑ́, ŋu ẅí ɑ lɑtnɛ yɛ́ mbʉʉ pɔ nǔu Tsɑpʉɔ, pɔ́pnɛ́ tsʉ́Ꞌ ŋ́ɡẅɛɛ pɔ tɑ́Ꞌ Zẅikŋɛ.

1 Kɔlɛ̂ŋtɛ 6:19

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́.

1 Kɔlɛ̂ŋtɛ 6:3

Pʉʉ kɑ pɔ́ ńjí ŋɡɔ pɛkŋɛ ɡʉ ńdɑ́Ꞌ ŋ́ŋɑk pɛcʉ̈ɔ́Ꞌ-Sɛ́ pɔ́ kɛ? Tɛ ŋkɑ́ yɛ́sʉ́Ꞌ nǔu mɛnu mɛ́ ŋkɔ̂ɔnɛ?

Ŋɡɑlɑ̂t 2:17

Pɑ́Ꞌ pɛk sɛ́ ńdɔɔ nɛlɛɛ ndɑꞋ nzʉʉ Kɛlístɔ lɑ ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pɑyúdɑ lɑɑ ḿbɔ́ pɛ́Ꞌnɛ ńdɔk wɛ́k ɛ́fúŋ pʉɔ pi ndɔɔ tú pɔ́p pɑ́Ꞌ pɔ́p fúŋnɛ pʉɔ pi pɔ́p kɑ́ jí nɛpʉ́ʉ-Sɛ́ pɔ́ lɑ́, ɛ́ lɔk pɔ́Ꞌɔ, ḿbɔ́ ŋɡɔ Kɛlístɔ ŋu ẅí ɑ ɡɛnɛ pʉɔ tíi ndɔɔ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ɛ́fɛ̂zɛ 4:12

A kɑ zɑ́pnɛ pîpɑ́ pʉɔ nɛpɔ́ yi pɔ́p ɡʉ cẅɛ́lɛ́ pʉɔ-Kɛlístɔ nɛfɑꞋ fɑꞋ-Sɛ́, cúꞋlɛ-pʉɔ-Kɛlístɔ yi ɛ́ mbɑp mbʉʉ yɛ́, kẅiꞋ ŋ́ɡʉ nɛ́ mbi.

Ɛ́fɛ̂zɛ 5:23

MbíꞋŋɡɔ ndúu-mɑŋɡɛ́ pɔ́nɛ túmbi, mɑŋɡɛ́ pɔ́ mbɑp-mbʉʉ. Kɛlístɔ pɔ́ tú, cúꞋlɛ-pʉɔ pɛ́ pɔ́ mbɑp-mbʉʉ yɛ. Jʉ́ ɡɛnɛ lɑ cúꞋlɛ-pʉɔ pɛ́ ɡẅɛɛ luk kɛ́mɛ.

Ɛ́fɛ̂zɛ 5:30

mbíꞋŋɡɔ pɛkŋɛ pɔ́ pɔ mɛkɛm-mbʉʉ mɛ́.

Kɔlɔsíyɛ̂ŋ 2:19

Pɔ́p kɑ́ pɔ́ ŋ́kẅiꞋ ńdɑt mbʉʉ nǔu Kɛlístɔ ẅí jʉ́ pɔ́nɛ tú pɔ́. Lɑ́ mbɔ tú ɡɑ́nɛ mbɑ kʉ̈ɔ́ lɑ́ yi ɛ́ ɡʉ ńcẅɛ́lɛ́ mbɑp-mbʉʉ. Tú ɡɛnɛ mɛzuŋ-mbʉʉ mbɑ mɛŋɑŋ-mbʉʉ cúꞋlɛ ŋ́kúꞋlɛ mbɑp-mbʉʉ, ɛ́ ɡúꞋ pɑ́Ꞌ Sɛ́ sɛ́ ŋ́kɔŋ.