1 Kɔlɛ̂ŋtɛ 6:12 - Kɑɑ Fí

¹² Pɛcɔ́ pʉɔ tsɛtsɛt pʉʉ, mbɑ wɔ̌ lɑ́ nǔu pɔ́p pɔ́ ńcú ŋɡɔ ɑ ŋ́ɡɛ yɛ́ kʉ̈ɔ́ lɑ́ ḿbɔ́ kɛ́ pɔ́k nɛpʉ́ʉ. Ɛ́ nu lɑ́ yúu tsʉʉ kɑ́ cẅɛ́lɛ́ pɔ́. Ɛ́ nu ŋɡɔ m bɔ́ ŋ́ɡɛ kʉ̈ɔ́ lɑ́ ḿbɔ́ kɛ́ pɔ́k nɛpʉ́ʉ. Lɑ́ m bɔ́ ŋ́kɛ́ mbɔɔ pɛ́m yɛcɔ́ yúu lɔk wɑ́ɑ ŋ́ɡɛ ŋkwɑɑ wɛ pɔ́.

1 Kɔlɛ̂ŋtɛ 6:12 ပူးပေါင်းရင်းမြစ်များ

Jɑ̂ŋ 5:10

Pɑsɑ́Ꞌlɑ́Ꞌ-pɑyúdɑ cú mbɔ̌ ŋu ẅí ɑ fíitɛ́nɛ lɑ́ ŋɡɔ: «Ɔ kɑ́ ɡẅɛɛ nɛtíi mɑ́tɑ ńdɔk ńnɛn pɑ́Ꞌɑ pɔ́. MbíꞋŋɡɔ yɔ lɛ́Ꞌnji.»

Pʉɔ-Lɔ́mɑ 7:14

Pɛkŋɛ zɛɛ ḿbɔ́ ńjí ŋɡɔ nɛpʉ́ʉ fú mbɔ̌ Sɛ́. Lɑ́ ɛ́ kɛ́ ŋ́ɡʉ nǔu mɔ ŋumɛsɔŋ n zɑŋɛ zɑŋɛ́nɛ, mbɔ pɛ́ kɑ fɛn wɑ́ɑ n tsʉ́Ꞌ ŋkwɑɑ-nu kɛpɔŋ.

1 Kɔlɛ̂ŋtɛ 8:4

Ɛ́ kɛ́ ŋ́ɡʉ nǔu nu pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ pɛkŋɛ sɛ́ ńjí ŋɡɔ yɛcɔ́ yúu mi ɛ́ lɑɑ ḿbɔ́ pɛ́ ɡúꞋlɛ ŋɡɔ ɛ́ yɛcɔ́ sɛ́ kɑ́ pɔ́ ndǔmbí pɔ́. Pɛkŋɛ sɛ́ ńjí ŋɡɔ Sɛ́ pɔ́ pɔ wɛ́mɔ́Ꞌ.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:27

Mɔ sɛ́ ŋ́ɡẅɛɛ mbʉʉ yɑɑ pɑ́ꞋtɛꞋ, ŋ́kúꞋlɛ tɛ ńjí yúu mi ŋ ɡɛnɛ, ḿbɔ́k nɛcẅi Ŋkʉʉ Sʉ́Ꞌnɛ mbɔ̌ pʉɔ, pɛ́ pɛn ŋ́ɡɛ ḿbɑꞋnɛ wɑ́ɑ ŋ́ɡɑ́ nzʉʉ.

2 Tɛsɑlɔník 3:9

Pɛk kɑ zɛɛ ńtsuŋ ŋ́ɡẅɛɛ nɛcú ŋɡɔ pʉʉ ńzẅík wɛ́k, lɑ́ ŋ́ɡɔ ŋ́ɡɛ pɔ́Ꞌɔ, ḿbɔ́ ńtsɑ́ɑ pɔ ŋɡɔ pʉʉ pɛ́ɛ fʉꞋ nǔu pɛk.

Jẅidɛ 1:12

Pɔ́p pʉɔ pi pɔ́p cɔŋnɛ ndɛn wʉ́ʉ ŋkɑ́ yi pʉʉ pɛ́ pɔ́ɔpɛ́mɑ́ cúꞋlɛ́nɛ ḿbɔ́ ńjʉ́ yúu, pɔ́p tɔ́ ŋkɔ̂ɔnɛ ŋ́kwɛ́t yúu tɛꞋ, ńnɔ́ mɛluꞋ tɛꞋ, pɔ́p kɑ́ kɔ́ sʉ́ʉ pɔ́, ŋ́kwɑŋɛ pɔ ndɑꞋ yɔ́p tú. Pɔ́p pɑ́Ꞌ mbʉŋ yi ɛ́ kɔ́Ꞌnɛ́nɛ tɛ pɛ́ pɔ́ ńzẅíꞋlɛ ŋɡɔ ɛ́ lɔ́, fɛ́m tíi lɑ́, mɛtʉ́ mi ɛ́ kɛ́ ḿbɔɔ ńzɛ́m ntɑ́ɑ pɔ́, mbɑ ŋkɑ́ yi ɛ́ ńzɛɛ ḿbɔ́ ŋ́ɡʉ ńzɛ́m, mɛtʉ́ mi ɛ́ kɑ muꞋnɛ mɔ́ ḿpfú tɛ ḿpfú.