1 Kɔlɛ̂ŋtɛ 4:21 - Kɑɑ Fí

²¹ Pʉʉ ɡʉ nǔu mɛnu mɔnɛ mɛmbɑ́ ŋ́kɑŋ yʉ́ʉ. Pʉʉ tsɑ́ɑ ŋɡɔ ŋ ɡɔ́ ńtɔ́ tsɛtsɛt pʉʉ ŋ́ɡẅɛɛ pɔ ŋɡwɑɑ kɛ ŋ ɡɔ ńtɔ́ tʉ́m wɑ́ɑ pɔ́ ḿbɔŋ pɔŋnɛ, m bɔ́ ŋ́kɔŋ wʉ́ʉ kɔŋnɛ?

1 Kɔlɛ̂ŋtɛ 4:21 ပူးပေါင်းရင်းမြစ်များ

1 Kɔlɛ̂ŋtɛ 4:18

Pɛcɔ́ pʉɔ tsɛtsɛt pʉʉ kɑ kwɑŋɛ ŋɡɔ ŋ kɛ́ lɑ́Ꞌ ḿbɛn ńtɔ́ tɛ ńjʉ́ɔ wʉ́ʉ pɔ́, ŋ́kwɑŋɛ pɔ́Ꞌɔ, ńzɛ nɛŋɑ́Ꞌlɛ.

1 Kɔlɛ̂ŋtɛ 5:5

ńcɑklɛ ẅîwɑ́ ŋu ŋ́ɡɑ́ mbɔ̌ Sɑ́ttɑ. A sɑt mbɑp-mbʉʉ-ŋɡɑŋ nɛpɔ́ yi ɛ́ ɡʉ ńdɑ́Ꞌ lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, zẅikŋɛ ŋɡɑŋ luk.»

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

2 Kɔlɛ̂ŋtɛ 10:6

Pɔ́Ꞌɔ lɑ́, pʉʉ sɑ́Ꞌ tʉʉ, ńtsʉ́Ꞌ ńzúꞋ pɔ ndɑꞋ ntsu-Kɛlístɔ nǔu kʉ̈ɔ́ lɑ́, ḿbɔ́ ńjí ŋɡɔ ŋu lɑɑ ŋ́kɛ́ ńtʉʉ tú tʉʉnɛ, ḿbɔ́ pɔ wɔ̌ lɑ́, mbɔ pɛk tʉ́ʉ nɛníꞋ ŋɡʉ̈ɔ́Ꞌ tú yɛ́.

2 Kɔlɛ̂ŋtɛ 10:8

Tsɑpʉɔ kɑ zɑ́pnɛ wɛ́k, nɛtʉ́ʉ mbi ńcú nu mbɔ̌ pʉʉ, nɛlɔk ŋ́ɡɛ cúꞋlɛ yʉ́ʉ kẅiꞋ ŋ́ɡʉ pɔ́p nɛ́ mbi, ɛ́ ŋkɑɑ pɔ́ nɛlɔk ńtɑ́k pɔ́. Ɛ́ lɑɑ ńzɛɛ ḿbɔ́ yi mɔ sɛ́ ńdɔk ẅîwɑ́ nɛpɔ́ ŋ́kɑꞋmɛ tɛ ɛ́ lɛɛ, mbɔ ɛ́ lɑɑ ḿbɔ́ sʉ́ʉ pɔɔ wɑ́ɑ kɔ́.

2 Kɔlɛ̂ŋtɛ 12:18

Ŋ kɑ PúꞋ mbɔ́ mbɔ̌ Titɛus ŋɡɔ ɑ ɡʉ tɛ ńjʉ́ɔ wʉ́ʉ, ńtúu wɔ́p wɛcɔ́ mɔ́ɔmɑ́ wɛkŋɛ ẅí pʉʉ sɛ́ ńjí wɛ́ lɑ́. Kɛ Titɛus kɑ tɔ́ ɛ́fúklɛ wʉ́ʉ ńcẅɛ́ɛ yɛcɔ́ yúu mbɔ̌ pʉʉ ɔɔ? A ŋkɑɑ ńnɛn pɔ nǔu mɛku mɑ́ɑ pɔ́ ɔɔ? Pɛknɛ kɛ́ mbɔɔ ɡẅɛɛ pɔ tɑ́Ꞌ kwɑŋɛ pɔ́ ɔɔ?

2 Kɔlɛ̂ŋtɛ 13:10

Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

2 Kɔlɛ̂ŋtɛ 13:2

Mɔ zɑ́Ꞌnɛ njí ŋkɔ̂ɔnɛ, ḿbɛn ńcú nu mbɔ̌ pʉɔ pi pɔ́p kɑ ɡɔ́ ḿbɔ́ mɛcɔ́ mɛku, mbɔ pɔ́p ɡɛ mɛnu kɛpɔŋ mbɑ mbɔ̌ pʉɔ tsʉʉ. Ɛ́ nǔu lɔ́Ꞌnɛ, ŋ kɑ́ pɔ́ tsɛtsɛt pʉʉ pɔ́, lɑ́ mɔ ŋ́kẅíitɛ wʉ́ʉ nɛ́ nu yi ŋ kɑ cúnɛ mbɔ̌ pʉʉ ŋkɑ́ yi ŋ kɑ tɔ́nɛ lɑ́Ꞌ pʉʉ nǔu mbɑ́ɑtɛ yɛ́pɑ́. Ŋ kɑ cú ŋɡɔ ŋ ɡʉ ŋ́ɡɛ ńtɔ́, ńníꞋ ntsɑŋ tú-pʉɔ tsʉʉ pi pɔ́p fɑɑnɛ́nɛ nu.

2 Kɔlɛ̂ŋtɛ 2:1

Pʉʉ zúꞋ yúu mi ɛ́ kɑ ɡɛnɛ n jʉ́ɔ ŋɡɔ ŋ kɛ́ pɛn ḿbɛn lɑ́Ꞌ pʉʉ, ŋ́ɡɛ pʉʉ pɛn ḿmʉk pɔ́,

2 Kɔlɛ̂ŋtɛ 2:3

Ɛ́ yúu mi ɛ́ kɑ ɡɛnɛ ŋ ŋwɑꞋnɛ pɔ ŋwɑꞋnɛ ŋ́ɡɑ́ mbɔ̌ pʉʉ, nǔu ntɛ́ yi ŋ kɑ ŋwɑꞋnɛ́nɛ lɑ́, mɔ ŋ́kɑɑ ḿbɔ́ ŋ́kɔŋ nɛɡɔ́ ńtɔ́ lɑ́Ꞌ pʉʉ, ńjʉ́ɔ pʉɔ pɔ́p ɡɛ ŋ ɡẅɛɛ nɛmʉk lɑ́ mbɔ pɔ́p ḿbɔ́ ŋ́ɡʉ ŋ́ɡɛ tʉ́m yɑ́ɑ tsɑ́ɑtɛ tsɑ́ɑtɛ́nɛ pɔ́. Mɔ sɛ́ ńjí sʉ́Ꞌnɛ ŋɡɔ n dɑɑ ḿbɔ́ ńtsɑ́ɑtɛ, mbɔ pʉʉ ɡʉ ńtsɑ́ɑtɛ yʉ́ʉ.

2 Kɔlɛ̂ŋtɛ 3:10

mbɔ pɛkŋɛ zɛɛ ńcú ŋɡɔ, nɛŋwɑ́ŋɛ wɛ ŋkɔ̂ɔnɛ tsúŋ ḿbɔ́ ɡú tɛꞋ, tɛ wɛ ŋkɑ́mbi ŋkɑɑ pɔ́ yɛcɔ́ yúu pɔ́.

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

1 Tɛsɑlɔník 2:7

Lɑ́, mbɔ pɛk kɑ kuꞋ nɛlɔk mɛtʉʉ ḿbíkŋɛ, mbíꞋŋɡɔ pɛk ɡɑŋntúu-Kɛlístɔ. Lɑ́ pɛk ŋ́kɑɑ pɔ́Ꞌɔ ɡɛ, pɛk kɑ pɔ́tnɛ yɛ́k pɔ́tnɛnɛ pɔ pɑ́Ꞌ Mɑ́mɔ́ɔ ẅi ɑ sɛ́ ńdíŋɛ mbɔ́ŋkʉ̈ɔ́ pɛ́ lɑ́.

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.