1 Kɔlɛ̂ŋtɛ 4:17 - Kɑɑ Fí

¹⁷ Ŋ ɡɔ́ ńtúu Timɔtɛ̂ɛ mbɔ̌ pʉʉ mbíꞋ pɔ pɔ́Ꞌɔ. A nǔu nu-Kɛlístɔ ḿbɔ́ mɔ́ɔ wɑ́ɑ wi ŋ kɔŋnɛ wɛ́ tɛꞋ. A jí pɔ ndɑꞋ nu-Tsɑpʉɔ. A ŋ́ɡɛ ńtɔ́ ŋ́kẅíitɛ wʉ́ʉ nɛ́ yúu mi n zíꞋnɛ pʉɔ nǔu nɛnɛn nzʉʉ Kɛlístɔ pɔ kwɑꞋ pɑ́Ꞌ mɔ sɛ́ ńtɔ́ mbɑ ɡɔ́ lɑ́ tsɛt mɛcúꞋlɛ-pʉɔ-Kɛlístɔ ńzíꞋ lɑ́.

1 Kɔlɛ̂ŋtɛ 4:17 ပူးပေါင်းရင်းမြစ်များ

Mɑtʉ̈ɔ 24:45

ŊɡɑŋfɑꞋ ẅí ɑ zúꞋnɛnɛ, ḿbɛn ŋ́ɡẅɛɛ jínu ɑ pɑ́Ꞌɑ? A ẅi tɑ́fɑꞋ wɛ kɑ níꞋnɛ pʉɔ pɛ́ mbɔ̌ wɛ́, pɑ́Ꞌ ɑ ɡʉ ńtsʉ́Ꞌ ŋ́ɡɑ́ yúupɛjʉ́ mbɔ̌ pɔ́p nǔu ŋkɑ́ yi ɛ́ sɛ́ ḿbíkŋɛ.

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Mɑtʉ̈ɔ 25:23

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

ŊwɑꞋnɛ-Gɑŋntúu Yɛ́su Kɛlístɔ 16:1

Pɔ̂l ɡʉ tɛ ŋ́kúu tʉ́sɔŋ-Ndɛlbɛ, ŋ́ɡɛ ɛ́fú zúꞋu ńdɔk wɛ Listɛlɛ. Wɛcɔ́ ŋu-Kɛlístɔ pɔ́ zúꞋu, pɛ́ fúŋ wɛ́ ŋɡɔ Timɔtɛ̂ɛ. Mɑ́ wɛ pɔ́ mɔ́ɔ-Yúdɑ, mbɔ ɑ kɑ pɛ́m mɔ nu-Yɛ́su. Mbɔ tɑ́t wɛ ḿbɔ́ ŋu-Ŋɡɛlɛk.

1 Kɔlɛ̂ŋtɛ 11:16

Ŋu lɑɑ ŋ́kɛ́ ńjʉ́ɔ ŋɡɔ ɑ ɡʉ ńzɔŋ nu ŋ́ɡɑ́ nǔu yɔ nu, mbɔ pɛk kɑ́ ɡẅɛɛ mɑt wɛ ndɛꞋ pɔ́. MɛcúꞋlɛ-pʉɔ-Sɛ́ kɛ́ mbɔɔ ɡẅɛɛ mɑt wɛ ndɛꞋ pɔ́.

1 Kɔlɛ̂ŋtɛ 11:2

Ŋ ɡɑ́ mɛtʉʉ mʉ́ʉ pɑ́Ꞌ pʉʉ tʉ́ʉ nǔu mbɑ yɛ́tɛ́ nu ɔɔ, ŋ́kẅíitɛ wɑ́ɑ kẅíitɛ́nɛ lɑ́. Mbɑ pɑ́Ꞌ pʉʉ sɛ́ ńtsuŋ ŋ́kúꞋlɛ mɑt ẅi ŋ kɑ zíꞋnɛ wʉ́ʉ lɑ́.

1 Kɔlɛ̂ŋtɛ 11:34

Nji lɑɑ ḿbɔ́ ńzɑ́ŋ ŋu, ɑ ɡɔ́ ɛ́fú njɛ́Ꞌ yɛ́, ḿbiitɛ ńjʉ́ yúu, nɛpɔ́ yi pʉʉ kɛ́ ɡʉ zʉꞋ yi pʉʉ cúꞋlɛ́nɛ zúꞋu, ɛ́fúŋ pɔ ntsɑŋ yi Sɛ́ ɡʉ ŋ́ŋɑk wʉ́ʉ ŋɑknɛ pɔ́. Ɛ́ ɡʉ nǔu mɛcɔ́ mɛnu, mbɔ mɔ ŋ́ɡɛ ńtɔ́ lɑ niitɛ.

1 Kɔlɛ̂ŋtɛ 14:33

mbíꞋŋɡɔ Sɛ́ kɑ́ kɔŋ ŋɡɔ pɛ́ nʉŋ ŋ́ɡwɛ́tnɛ ŋkɑŋ pɔ́, ɑ kɔŋ pɔ mbɔ́tnɛ. Ɛ́ ɡʉ nǔu pɑŋɡɛ́, mbɔ pʉʉ ɡẅɛɛ nɛ kɛ́ ŋ́ɡɛ pɔ ndʉ́ŋndʉŋ pɑ́Ꞌ ɛ́ tsɛt mɛndɑ́ cúꞋlɛ-pʉɔ-Kɛlístɔ tsʉʉ ḿbɔ́ pɔ́Ꞌɔ lɑ́,

1 Kɔlɛ̂ŋtɛ 16:1

Ɛ́ ɡʉ nǔu nu-ntsup yi pɛ́ sɛ́ ńcúꞋlɛ nɛɡɑ́ mbɔ̌ pʉɔ-Kɛlístɔ pi pɔ́p Yɛlúsɑlɛm, pʉʉ ɡúu ɡɛ pɑ́Ꞌ ŋ kɑ cúnɛ mbɔ̌ mɛcúꞋlɛ mi ɛ́ Ŋɡɑlɑ̂t lɑ́.

1 Kɔlɛ̂ŋtɛ 16:10

Timɔtɛ̂ɛ lɑɑ ńtɔ́ lɑ́Ꞌ pʉʉ, pʉʉ kúkŋɛ wɛ́ sʉ́Ꞌnɛ. Nɛpɔ́ yi ɑ ɡʉ ńnɑ́ŋ tsɛtsɛt pʉʉ, ńzúꞋ mbʉʉ yɛ́ pɔŋ, mbíꞋŋɡɔ ɑ fɑꞋ yɛ́ pɔ fɑꞋ-Tsɑpʉɔ pɑ́Ꞌ mɔ.

1 Kɔlɛ̂ŋtɛ 4:14

Ŋ kɑ́ pɔ́ ŋwɑꞋnɛ yɔ nu ńdɔk ńtɛ́m pɔ sʉ́ʉ nǔu pʉʉ pɔ́, n dɔk ńzíꞋ wʉ́ʉ pɔ nɛ́ yúu, mbíꞋŋɡɔ pʉʉ mbɔ́ŋkʉ̈ɔ́ pɑ́ɑ pi ŋ kɔŋnɛ wʉ́ʉ tɛꞋ.

1 Kɔlɛ̂ŋtɛ 4:15

Pʉʉ lɑɑ ńzɛɛ ŋ́ɡẅɛɛ pʉɔ pi pɔ́p zíꞋnɛ wʉ́ʉ nɛ́ nu-Kɛlístɔ tɛ ɛ́ zɛɛ ḿbɔ́ pɔ yúu ntsɑ́Ꞌ nɛɡɛ́m, ḿbɔ́ pɛtɑ́t pʉ́ʉ kɑ zɑ́ɑ zɑ́ɑnɛ. Mɔ pɔ́nɛ tɑ́t wʉ́ʉ mbíꞋŋɡɔ mɔ tɔ́nɛ ńcẅi Ŋkʉʉ Sʉ́Ꞌnɛ mbɔ̌ pʉʉ, lɑ́ pʉʉ lɑt mbʉʉ yʉʉ nǔu Yɛ́su Kɛlístɔ.

1 Kɔlɛ̂ŋtɛ 4:2

Yúu mi pɛ́ sɛ́ ńzẅíꞋlɛ mbɔ̌ pʉɔ pi pɔ́p ɡẅɛɛnɛ nu nǔu fɑꞋ, ɛ́ pɔ́ pɔ ŋɡɔ pɔ́p jí pɔ ndɑꞋ yúu mi pɛ́ píkŋɛ́nɛ ŋɡɔ pɔ́p ɡɛ.

1 Kɔlɛ̂ŋtɛ 7:17

Lɑ́ ŋ́ɡʉ nǔu mɔnɛ mɛnu tsʉʉ, mbɔ ɛ́ pɔŋ ŋɡɔ mbɑ wɔ̌ lɑ́ pɔ́ pɔ nǔu zʉꞋ yi Sɛ́ kɑ zɑ́pnɛ ŋɡɔ ɑ pɔ́ zúꞋu, ńnɑ́ŋ nǔu zʉꞋ yi Sɛ́ kɑ ɡɔ́ ɛ́fúŋ wɛ́ ɑ nɑ́ŋ zúꞋu. Ɛ́ yúu mi mɔ sɛ́ ńcú tsɛt mɛcúꞋlɛ-pʉɔ-Kɛlístɔ tsʉʉ ŋɡɔ pɛ́ ɡɛ.

1 Kɔlɛ̂ŋtɛ 7:25

Ɛ́ ɡʉ nǔu pʉɔ pi pɔ́p ŋkɑɑ zɔ́Ꞌ, mbɔ Tsɑpʉɔ kɑ kɛ́ ńcú nu yi mɔ ńcú mbɔ̌ pɔ́p. Lɑ́, mɔ ńcú pɑ́Ꞌ mɔ sɛ́ ŋ́kwɑŋɛ yɑ́ɑ nǔu nu yɔ́p, ńdɔk pɑ́Ꞌ mɔ ŋu ẅí Tsɑpʉɔ kɑ tsɑ́ɑnɛ mɛjʉ́ŋ mɑ́ɑ, ńdɔk wɑ́ɑ ŋ́ɡɛ ŋu ẅí m bɔ́ ńcú nu pɛ́ zúꞋ.

2 Kɔlɛ̂ŋtɛ 8:18

Pɛk túu wɔ́p wɛcɔ́ mɔ́ɔmɑ́ wɛkŋɛ. A pɔ́ ẅi mɛcúꞋlɛ-pʉɔ-Kɛlístɔ tsʉʉ ɡɛnɛ mɛkuꞋ mɛ́ tɛꞋ, ɛ́fú nǔu yɛ́ ntɛ́ nɛníꞋ tú nǔu Ŋkʉʉ Sʉ́Ꞌnɛ.

Ɛ́fɛ̂zɛ 6:21

Tishîk ẅí ɑ mɔ́ɔmɑ́ wɛkŋɛ wɛ tʉʉndɛn, ḿbɔ́ ŋɡɑŋfɑꞋ-tsɑpʉɔ, tɛ ńjí yɛ́ pɔ ndɑꞋ yîyɑ́ fɑꞋ, ɑ ɡʉ ńtɔ́, ɛ́sẅíi wʉ́ʉ pɑ́Ꞌ mɔ zɑꞋnɛ ḿbɔ́, nɛpɔ́ yi pʉʉ ɡʉ ńjí yúu mi n tsʉ́Ꞌnɛ, mbɑ yúu mi ŋ ɡɛnɛ.

Filipɛ 2:19

Mɔ sɛ́ ńtsɑ́ɑ nɛtúu Timɔtɛ̂ɛ mbɔ̌ pʉʉ, pɑ́Ꞌ Tsɑpʉɔ Yɛ́su lɑɑ ḿbɛ́m. A ńtɔ́ ŋ́ɡwɑ́ wʉ́ʉ, ḿbɛn nzʉʉ ɛ́sẅíi wɑ́ɑ, n dɔk ŋ́ɡẅɛɛ sʉk,

Filipɛ 2:22

Lɑ́ ŋ́ɡʉ nǔu Timɔtɛ̂ɛ, mbɔ pʉʉ jí ŋɡɔ ɑ ɡẅɛɛ mɑt sʉ́Ꞌnɛ. Pɛknɛ́ kɑ tɛmtɛ ńcẅi Ŋkʉʉ sʉ́Ꞌnɛ mbɔ̌ lɑ́Ꞌ. A tsuŋ ńcẅɛ́lɛ wɑ́ɑ ndʉ́ŋndʉŋ pɑ́Ꞌ mɔ́ɔ sʉ́Ꞌnɛ cẅɛ́lɛ́nɛ tɑ́t wɛ lɑ́.

Kɔlɔsíyɛ̂ŋ 1:7

Pɛk sɛ́ ńjí ŋɡɔ Ɛpɑfɑlɑs kɑ zíꞋnɛ wʉ́ʉ nɛ yîyɑ́ nu. A mɔ́ɔmɑ́ wɛk wɛ tʉʉndɛn, pɛkŋɛ pɛpɔ́p fɑꞋnɛ. Pʉʉ jí ŋɡɔ, jʉ́ ẅí ɑ nɛjɔ́ŋ pʉʉ lɑ́, ɑ jí pɔ ndɑꞋ nu-Kɛlístɔ.

Kɔlɔsíyɛ̂ŋ 4:9

Tishik pɔ́p Ɔnɛzim ɡʉ ŋ́ɡɛ ńtɔ́. Ɔnɛzim ɑ wɛcɔ́ tɑ́Ꞌ ŋu wʉʉ, ḿbɔ́ tʉʉndɛn mɔ́ɔmɑ́ wɛkŋɛ, ńjí yɛ́ pɔ ndɑꞋ nu-Tsɑpʉɔ. Pɔ́p ɡʉ ńtɔ́, ɛ́sẅíi wʉ́ʉ mbɑ kʉ̈ɔ́ lɑ́ yi ɛ́ sɛ́ ńdɛɛtɛ zɑꞋnɛ.

1 Timɔtɛ́ɛ 1:18

Timɔtɛ̂ɛ, ɡu mɔ́ɔ wɑ́ɑ, ŋ ɡɑ́ yɔ sẅiŋɛ mbɔ̌ ɡu, ɛ́ pɔ́ pɑ́Ꞌ pɑcẅiŋkʉʉ-Sɛ́ kɑ zɑ́Ꞌnɛ njí ńcú nǔu ɡu. Nɑ́ŋ ḿbɔ́ ŋ́kẅíitɛ mɛnu mi pɔ́p kɑ cúnɛ lɑ́, ńjí ŋɡɔ ɛ́ ɡʉ ḿbɔ́ yú yúu nɛlɔk ńdʉɔ́Ꞌ ntsɔ sʉ́Ꞌnɛ nǔu lík-Sɛ́.

1 Timɔtɛ́ɛ 1:2

Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

2 Timɔtɛ́ɛ 1:2

Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ, ɡu mɔ́ɔ wɑ́ɑ, ŋ kɔŋ wú tɛꞋ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ḿbɔ́ ńtsɑ́ɑ mɛjʉ́ŋ mú, ḿbɔ́ ńníꞋ mɔ́fíitɛ tʉ́m ɡu.

2 Timɔtɛ́ɛ 2:2

Nu yi ɔ kɑ pɔ́ ńzúꞋ n zíꞋ mbi pʉɔ tɛ ńzɑ́ɑ, kɛ́ ńzíꞋ pɔ yɛ́tɛ́ mbɔ̌ pʉɔ pi mbɔ ɔ tɛ́m ŋkwɛn ŋ́ɡɑ́ mbɔ̌ pɔ́p, lɑ pɔ́p kuꞋ yɔ́p nɛzíꞋ pɛcɔ́ pʉɔ.

2 Timɔtɛ́ɛ 3:10

Ɛ́ ɡʉ nǔu ɡu, ɔ kɑ tsuŋ ńtík ku nǔu yúu mɔ ḿbɔ́ ńzíꞋ, ɔ sɛ́ ńjí wɑɑ nɛtsẅɛ́, ḿbɔ́ ńjí yúu mi mɔ sɛ́ ŋ́ɡɔ ɛ́fɑꞋ ḿbɔ́ ńtsɑ́ɑ, ḿbɔ́ ńjí pɑ́Ꞌ n zɑ́pnɛ tʉ́m yɑ́ɑ nǔu Sɛ́, ńjí pɑ́Ꞌ ŋ ɡẅɛɛnɛ sʉktʉ́m pɔ́Ꞌɔ, pɑ́Ꞌ ŋ kɔŋnɛ pʉɔmɛsɔŋ pɔ́Ꞌɔ, ḿbɛn ńjí pɑ́Ꞌ ɛ sɑ́Ꞌnɛ tʉʉ kɛ́ kɑ́ɑ pɔ́Ꞌɔ.

Tîtɛ 1:5

Ŋ kɑ nɑ́ wú ŋɡɔŋ-Kɛlɛ̂t nɛpɔ́ yi ɔ ɡʉ ńtsʉ́Ꞌ mɛkŋɛ ńtɛ́ɛ cúꞋlɛ-pʉɔ Kɛlístɔ, ḿbɛn ńzɑ́p pɑcẅɛ́ɛmbi tsɛt mbɑ wɛ́t tʉ́sɔŋ lɑ́, ńtsʉ́Ꞌ nɛzɑ́p, ńzɑ́p pɔ pɑ́Ꞌ ŋ kɑ cúnɛ mbɔ̌ ɡu.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.